Cloud Хэрэглэгчийн Гэрээ


1. Бидний тухай

HUAWEI Cloud болон холбогдох технологи ба функцүүдийг (хамтад нь "Үйлчилгээ" гэх) Huawei Services (Hong Kong) Co., Limited (цаашид ("Huawei", "бид", "бидэнд" эсвэл "манай" гэх)-с ажиллуулдаг, Хонконгийн хууль тогтоомжийн дагуу байгуулсан компани бөгөөд Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong хаяг дээр бүртгэлтэй оффистой, 1451551 компанийн дугаартай. Энэ гэрээнд (доор тодорхойлсон) "та" болон "хэрэглэгч" гэдэг нь үйлчилгээг ашиглаж болон/эсвэл үйлчилгээнд хандаж буй бүх хувь хүнийг хэлнэ.

2. Энэхүү гэрээний зорилго

Үйлчилгээ (хамтад нь энэ "Гэрээ" гэх)-тэй холбоотойгоор эсвэл дамжуулан нийлүүлсэн, нийтэлсэн энэхүү хэрэглэгчийн гэрээ, манай нууцлалын мэдэгдэл болон бусад бодлогууд нь Үйлчилгээг ашиглах, түүнд хандахад тань хэрэглэгдэх нөхцөлүүд юм.

Энэ гэрээ нь танд бидний хэн болох, танд хэрхэн үйлчилгээ үзүүлэх, үйлчилгээнд болон үйлчилгээтэй холбоотой ямар үйл ажиллагаа хийж болох эсвэл болохгүй талаар, үйлчилгээнд асуудал гарвал юу хийх болон бусад мэдээллийг өгнө. Үйлчилгээг ашиглах эсвэл үйлчилгээнд хандсанаараа та бидэнтэй заавал биелүүлэх үүрэг хүлээх хуулийн гэрээ байгуулж байгаа ба энэ гэрээг хүлээн зөвшөөрч байна гэсэн үг юм. Хэрэв та эдгээр нөхцөлийг хүлээн зөвшөөрөхгүй байвал та үйлчилгээг ашиглах эсвэл үйлчилгээнд хандах ёсгүй.

3. Тавигдах шаардлага

Та гэрээ байгуулахын тулд оршин сууж буй улсынхаа хуулийн дагуу насанд хүрсэн байх ёстой (цаашид "Гэрээний нас" гэх). Гэрээний насанд хүрээгүй хувь хүмүүсийн хувьд эцэг эх юм уу хууль ёсны асран хамгаалагч нь хүүхдийн бүртгэл үүсгэж, HUAWEI ID бүртгэлд зориулсан Зөвшөөрлийн бичгийг зөвшөөрсөн тохиолдолд л Huawei-н үйлчилгээг ашиглахыг зөвшөөрнө.

Хэрэв та Гэрээний наснаас дээш эсвэл хүүхдийн бүртгэл үүсгэж буй хүүхдийн эцэг эх эсвэл хууль ёсны асран хамгаалагч бол та дараахыг зүйлсийг зөвшөөрөх болно:


a)    Гэрээнд заасан бүх үүргийг Гэрээний дагуу нөхцөлгүйгээр болон эргэлт буцалтгүйгээр биелүүлэх;

b)    Гэрээний дагуу эсвэл түүнийг хүндэтгэн Huawei-тай холбоотой бүх төлбөрийг төлөх; мөн

c)    Бие даасан болон үндсэн үүрэг хариуцлагын хүрээнд та аль нэг эсвэл бүх нөхцөлийн дагуу өөрийн үүрэг хариуцлагыг биелүүлээгүйгээс эсвэл гэрээгээр хүлээсэн үүргээ биелүүлэхээс татгалзсаны улмаас Huawei-д учруулсан эсвэл шаардсан аливаа алдагдал, зардал, зарлага, хохирол, нэхэмжлэл, өр төлбөрийг ямар нэг болзол нөхцөлгүйгээр, эргэлт буцалтгүйгээр Huawei-д төлж барагдуулна гэдгээ зөвшөөрнө.


Танд батлан даагч болон чөлөөлөгчийн гэсэн үндсэн үүрэг бий бөгөөд тэдгээр нь гэрээ хэсэгчлэн эсвэл бүхэлдээ хэрэгжээгүй эсвэл хүчингүй болсон байсан ч түүнээс шалтгаалахгүйгээр мөрдөгдөнө гэдгийг хүлээн зөвшөөрч буй болно.

Та түүнчлэн батлан даагч ба учруулсан гарз хохирлын төлөө нөхөн төлбөр өгч буй этгээдийн таны үүрэг хариуцлагаас дараахын аль нь ч нөлөөлөхгүй ба/буюу чөлөөлөхгүй болохыг хүлээн зөвшөөрч буй болно: (a) Гэрээний дагуух бидний эрх ба/буюу үүрэг хариуцлагын аль нэг хэсгийг эсвэл бүгдийг нь манай зүгээс цуцлах, өөрчлөх, шилжүүлэх, шинэчлэх, дэд гэрээ үүсгэх; (b) Гэрээний дагуу Huawei-н зүгээс эрх үүргээсээ татгалзах эсвэл хугацаа олгох; (c) Huawei-н зүгээс төлбөр албадан төлүүлэх эсвэл нэхэмжлэх; (d) аливаа гуравдагч этгээдтэй харилцах; (e) Гэрээний дагуу таны үүрэг хариуцлагат нөлөөлөх ба/буюу чөлөөлөх (бүхэлд нь болон хэсэгчлэн) хэмжээний зүйл заалт ба хасалт; (f) төлөх ёстой хугацаанд та төлбөрөө төлж чадахгүй байх; (g) Гэрээний дагуу хэсэгчлэн эсвэл бүхэлд нь таныг үүрэг хариуцлагаас чөлөөлөхтэй холбогдуулан Huawei-с танд илгээсэн аливаа мэдүүлэг эсвэл таны үүрэг хариуцлагын аль нэгийг хэсэгчлэн эсвэл бүхэлд нь харилцан буулт хийхээр зөвшилцөхтэй холбогдуулан танд илгээсэн аливаа мэдүүлэг, (h) таны үхэл.

4. Үйлчилгээнд хандах

Бид танд энэхүү гэрээнд дурдсаны дагуу үйлчилгээг ашиглаж, үйлчилгээнд хандах хязгаарлагдмал, онцгой бус, шилжүүлэх боломжгүй, дэд лиценз үүсгэх боломжгүй, буцаагдах боломжтой лиценз олгоно.

Үйлчилгээг ашиглах эсвэл үйлчилгээнд хандахын тулд та HUAWEI ID-тай байх ёстой. Өөрийн HUAWEI ID-н талаар илүү дэлгэрэнгүй мэдээлэл авах бол HUAWEI ID-г нээгээд Тохиргоо > Тухай > HUAWEI ID Хэрэглэгчийн Гэрээ хэсэгт очно уу.

5. Үйлчилгээ

Үйлчилгээ нь танд өгөгдлөө клоуд үйлчилгээнд ("HUAWEI Cloud") илгээх боломжийг олгодог бөгөөд ингэснээр таны HUAWEI ID нэвтэрсэн аливаа Huawei төхөөрөмжөөс тэдэнд хандах боломжтой болно. HUAWEI Cloud дараах онцлогийг нийлүүлдэг:

• Cloud Синхрончлох (Галлерей, Харилцагч, Хуанли, Тэмдэглэл, Wi-Fi тохиргоо)

• Cloud нөөцлөлт

• Нэмэлт

• Huawei Drive

болон бусад үйлчилгээ. Та HUAWEI Cloud дээрээс клоуд хадгалах сангаа удирдаж өргөжүүлэх боломжтой. Энэ онцлог нь таны улс/бүс нутаг болон төхөөрөмжийн загвараас хамаарч ялгаатай байж болно.

HUAWEI Cloud идэвхэжсэн үед таны сонгосон өгөгдөл, харилцагч, зурвас, зураг, видео, дуудлагын түүхийн оролтууд, тэмдэглэл, бичлэг, хуанлийн үйл явдал, хаах жагсаалт болон тохиргоо, Wi-Fi тохиргоо, болон бусад апликэйшний өгөгдөл зэрэг нь автоматаар илгээгдэж, Cloud руу хадгалагдах болно. Cloud нь танд өгөгдөлдөө дараа нь хандах эсвэл үүнийг бусад Huawei төхөөрөмжүүд рүү татах боломжийг олгоно.

Үйлчилгээний онцлогуудад дараах зүйлс орно:

Cloud синхрончлол

Та Cloud ашиглан өөрийн Галлерей, Харилцагч, Хуанли, Тэмдэглэл, болон Wi-Fi тохиргоог клоуд сервер болон өөрийн нэвтэрсэн бусад Huawei төхөөрөмжүүдэд автоматаар синхрончлох боломжтой. Таны Huawei төхөөрөмж эсвэл Cloud дээрх өгөгдөлд орсон аливаа өөрчлөлт нь синхрончлолыг үүсгэх бөгөөд таны Huawei төхөөрөмж болон Cloud дээрх өгөгдлийн тогтмол байдлыг хангах болно. Та Cloud дээрх аливаа апликэйшний автомат синхрончлолыг идэвхгүй болгохыг сонгосноор та өгөгдөл илгээх болон синхрончлохыг зогсоох боломжтой.

Cloud нөөцлөлт

Та Cloud нөөцлөлт ашиглан өөрийн утас болон бусад Huawei төхөөрөмж дээрх өгөгдлийг клоуд руу нөөцөлж болох тул та үүнд ямар ч Huawei төхөөрөмжөөс үргэлж хандах боломжтой. Huawei төхөөрөмж түгжигдсэн, тэжээлийн эх үүсвэрт холбогдсон, мөн Wi-Fi сүлжээгээр Интернэтэд холбогдсон байх үед, Cloud нөөцлөлт нь Huawei төхөөрөмжүүдэд автомат нөөцлөлтийг үе үе бий болгодог. Хэрэв Cloud нөөцлөлт идэвхэжсэн бол дараах өгөгдлийг цуглуулж, Cloud руу нөөцлөх болно: Галлерей, Харилцагч, зурвас, дуудлагын түүх, тэмдэглэл, бичлэг, тохиргоо, Цаг агаар, Цаг, Камер, оролтын аргын тохиргоо, хөтөч, Утасны менежер, Wi-Fi тохиргоо, үндсэн дэлгэцийн зохион байгуулалт болон апликэйшнүүд. Гуравдагч этгээдийн апликэйшнүүдийн өгөгдлийг нөөцлөхгүй болно. Та энэ апликэйшний Cloud нөөцлөлтийг хүссэн үедээ идэвхгүй болгож, өгөгдөл илгээхийг зогсоох боломжтой. Хэрэв Huawei төхөөрөмж нь Cloud руу 180 хоногийн хугацаанд нөөцлөлт хийгээгүй бол Huawei нь Huawei төхөөрөмжтэй холбоотой аливаа нөөцлөлтийг устгах эрхтэй болно.

Нэмэлт

Та автоматаар өгөгдөл илгээхийг Нэмэлт дэлгэц дээрх Бичлэгүүд болон Блоклосон хэсэгт идэвхжүүлж болно. Хэрэв таны төхөөрөмж дээр өөрчлөлт орсон бол тэд HUAWEI Cloud рүү автоматаар илгээгдэх тул шаардлагатай үед Huawei-н ямар ч төхөөрөмжөөс тэдгээрт хандаж татаж авах боломжтой.

Huawei Drive

Хэрэв Cloud идэвхэжсэн бол Huawei Drive мөн идэвхэжсэн байх болно. Та Файл > Huawei Drive руу очиж, төхөөрөмж дээрх файлуудыг Cloud серверт хадгалж болно, ингэснээр та тэдгээрт ямар ч Huawei төхөөрөмжөөс хандаж, татаж авах боломжтой. Та Huawei Drive-д гараар файл нэмж оруулах ёстой.

Та HUAWEI ID-гаа устгавал таны Cloud дээр хадгалсан өгөгдөл устах болно.


6. Худалдан авах гэрээ

Үйлчилгээнд хийсэн аливаа худалдан авалтын нийт үнэд дараах зүйлс орно:


a)    Апликэйшн, онцлог эсвэл шинэчлэлтийн үнэ;

b)    Холбогдох кредит картын шимтгэл; болон

c)    Холбогдох хуулийн дагуу таныг худалдан авалт хийх үед үйлчилж буй татварын хэмжээнд үндэслэн аливаа худалдаа, ашиглалт, бараа, үйлчилгээний татвар ("GST"), нэмэгдсэн өртгийн татвар ("VAT"), бусад ижил төстэй татвар. Үйлчилгээнд тавигдсан бүх үнэ нь VAT ороогүй гэж тодорхой дурдсанаас (мөн орон нутгийн хуулиар зөвшөөрсөн бол) бусад тохиолдолд VAT орсон үнэ болно.


HUAWEI Cloud нь хадгалалтын багцын үнийг тохируулах эрхтэй бөгөөд танд эдгээр үнийн өөрчлөлтийг аливаа апликэйшний худалдан авалт хийгдэхээс өмнө зохих хугацаанд нь урьдчилж мэдэгдэх болно гэдгийг та хүлээн зөвшөөрч байна. Үнийн өөрчлөлт хүчин төгөлдөр болсноор та апликэйшнийг цаашид үргэлжлүүлэн ашиглахын тулд шинэ үнийг хүлээн зөвшөөрсөн байх ёстой. Өөрчлөлт хийгдсэний дараах шинэ үнийг та хүлээн зөвшөөрөхгүй байгаа бол холбогдох үйлчилгээг ашиглахаа зогсоох эрхтэй.

Цуцлах эрх:

Хэрэв та Оросын Холбооны Улсад оршин сууж байгаа бол бид таны худалдан авах захиалгыг хүлээн авсан гэж танд мэдэгдэл ирүүлсэн өдрөөс хойш долоо (7) хоногийн дотор та худалдан авалтаа ямар нэгэн шалтгаан хэлэлгүйгээр цуцлах эрхтэй байна.

Цуцлах хугацааг дуусгахын тулд хугацаа дуусахаас 7 хоногийн өмнө цуцлах тухай мэдэгдлээ илгээх ёстой. Хэрэв та худалдан авалтаа цуцлахыг хүсэж байгаа бол таны баталгаажуулах э-мэйлд өгсөн холбоо барих мэдээллийг ашиглан Huawei Харилцагчийн үйлчилгээтэй холбоо барина уу. Мөн та манай веб сайт дээр байгаа цуцлах хүсэлтийн маягтыг бөглөснөөр цуцлах хүсэлтээ өгөх эрхтэй.

Цуцлалт амжилттай болсон бол бид таны хадгалах сангийн зайг худалдан авахаас өмнөх төлөвт сэргээж, цуцлах мэдэгдэл хүлээн авснаас хойш 14 хоногийн дотор нөхөн төлбөр олгох болно. Хэрэв та энэ хугацаанд 5 ГБ-с их хадгалах санг ашигласан бол та клоуд хадгалах сангийн зайг чөлөөлөх эсвэл нэмэлт клоуд хадгалах сангийн орон зайг худалдан авах хүртэл ямар ч клоуд нөөцлөлт үүсгэх эсвэл зарим функцийг ашиглах боломжгүй байж болох юм. Нөхөн төлбөрийг олгохдоо бид болон та өөрөөр тохиролцоогүй л бол бид таны анхны захиалгад ашиглаж байсан төлбөрийн ижил аргыг ашиглах болно.


7. Бүртгэлийн аюулгүй байдал

Та өөрийн HUAWEI ID хэрэглэгчийн нэр, нууц үгийг нууц, мөн найдвартай байлгаж, бусадтай хуваалцаж болохгүй. Бид танд хүчтэй нууц үг сонгон, түүнийгээ аюулгүй газар хадгалахыг зөвлөж байна. Та нууц үгээ аюулгүй байлгах үүрэгтэй бөгөөд та HUAWEI ID-н дэлгэрэнгүй мэдээллийг гуравдагч этгээдэд өгсний үр дүнд үүсэх аливаа алдагдал, хохирол, өр төлбөр, нэхэмжлэлд бид хариуцлага хүлээхгүй болохыг зөвшөөрч байна.

Хэрэв таны бүртгэлийн мэдээллийг өөр хүн ашиглаж байна гэж бодож байвал та энэ Гэрээний доор өгсөн холбоо барих мэдээллийг ашиглан нэн даруй бидэнд мэдэгдэх хэрэгтэй. Та Үйлчилгээнд хандахын тулд өөр хэн нэгний HUAWEI ID-г ашиглах ёсгүй. Гуравдагч этгээд зөвшөөрөлгүйгээр хэрэглэхээс урьдчилан сэргийлэхийн тулд та HUAWEI ID бүртгэлийн мэдээлэл болон гүйлгээний мэдээллээ хамгаалах зохих арга хэмжээг авах ёстой.

8. Ашиглах нөхцөл

Үйлчилгээнд хандаж, үйлчилгээг ашигласнаараа та үйлчилгээг энэ гэрээний дагуу хууль ёсны, ёс зүйн хэм хэмжээнд нийцсэн байдлаар ашиглахаа зөвшөөрч байна гэсэн үг юм.

Үүгээр та үйлчилгээг шударга бус, доромжилсон, хор хөнөөлтэй, гүжирдсэн, бүдүүлэг, хууль зөрчсөн, гутаасан, дарамталсан, хүчирхийлсэн, садар самуунд уруу татсан, заналхийлсэн, өдөөн хатгасан, сүрдүүлсэн, ёс бус, завхай, нууцлал руу дайрч довтолсон ямар нэгэн үйл ажиллагаанд оролцохгүй, ийм материал тараах болон таны үйлчилгээг ашиглахтай зөрчилдөх хууль бус үйл ажиллагааг дэмжсэн, бэлгийн чанартай зураг дүрсэлсэн, хүчирхийллийг дэмжсэн, ялгаварлан гадуурхсан, хууль бус, хүн эсвэл эд хөрөнгөнд гэмтэл учруулж болзошгүй буюу учруулах, нийтлэх буюу дамжуулах эрхгүй ямар нэгэн материал, гуравдагч этгээдийн оюуны өмчийн эрх, нууцлалын үүргийг зөрчиж нийтлэх, дамжуулах зэрэг холбогдох хуулийн дагуу иргэний болон эрүүгийн хариуцлага хүлээлгэх боломжтой зүйлсэд ашиглахгүй болохоо хүлээн зөвшөөрч байна.

Энэ Гэрээнд тодорхойлсон эсвэл холбогдох хуулиар зөвшөөрснөөс бусад тохиолдолд та дараах зүйлийг зөвшөөрч, үүрэг хүлээнэ:


a)    Үйлчилгээний аливаа хэсгээс аливаа зохиогчийн эрх, барааны тэмдэг эсвэл бусад өмчийн мэдэгдлийг хасах эсвэл тэдгээрийг өөрийн эсвэл өөр нэгний өмч мэт дамжуулахгүй байх;

b)    Үйлчилгээг бүхэлд нь эсвэл аль нэг хэсгийг хуулбарлах, өөрчлөлт хийх, засварлах, эсвэл Үйлчилгээг болон түүний аль нэг хэсгийг аливаа бусад апликэйшн эсвэл программ хангамжтай хослуулах буюу нэгтгэхгүй байх;

c)    Үйлчилгээний аливаа талыг эсвэл тэдгээртэй холбоотой систем эсвэл сүлжээнд зөвшөөрөөгүй хандалт авах, авахаар оролдохгүй байх;

d)    Холбогдох хуулиар хориглох зөвшөөрснөөс бусад тохиолдолд Үйлчилгээг бүхэлд нь эсвэл аль нэг хэсгийг нь задлах, хэсэгчлэх, урвуу инженерчлэл хийх эсвэл эдгээрт үндэслэн шинэ бүтээгдэхүүн бий болгохгүй эсвэл аливаа ийм төрлийн оролдлого хийхгүй байх;

e)    Үйлчилгээг түгээх, лицензлэх, түрээслэх, худалдах, дахин худалдах, дамжуулах, нийтэд үзүүлэх, нийтэд мэдээлэх, дамжуулан явуулах, цацах, дамжуулах эсвэл бусад аргаар үйлчилгээг зүй бусаар ашиглахгүй байх;

f)    Үйлчилгээг бүхэлд нь буюу хэсэгчлэн (үүнд объект болон эх код орно) бидний зүгээс урьдчилан бичгээр зөвшөөрөл өгөөгүй бол аливаа этгээдэд өгөхгүй эсвэл өөрөөр ашиглахыг зөвшөөрөхгүй байх;

g)    Аливаа хүний нэрийг хуурамчаар ашиглах эсвэл аливаа хүнтэй эсвэл байгууллагатай холбоотой хэмээн худал хэлэх эсвэл өөр аргаар төөрөгдүүлэхгүй байх;

h)    Үйлчилгээг (буюу тэдгээрийн аль нэг хэсгийг) хууль бус байдлаар, хууль бус зорилгоор эсвэл Гэрээтэй зөрчилдсөн байдлаар ашиглахгүй байх, энэхүү Үйлчилгээнд эсвэл үйлдлийн системд (эсвэл Үйлчилгээтэй холбоотой веб сайтад) вирус, аюултай мэдээлэл зэрэг хортой кодыг оруулах, хакердах зэргээр хязгаарлагдахгүйгээр хууран мэхлэх, луйвардахгүй байх;

i)    Үйлчилгээнд хандах болон/эсвэл түүнийг ашиглахтай холбоотойгоор бидний эсвэл гуравдагч этгээдийн оюуны өмчийн эрхийг зөрчихгүй байх;

j)    Үйлчилгээний хэрэглэгчдийн мэдээллийг цуглуулахгүй байх, бусад аргаар үйлчилгээнд эсвэл бидний системүүдэд автомат хэрэгсэл (жишээ нь, хувийн мэдээлэл цуглуулдаг бот) ашиглан хандах, Үйлчилгээ үзүүлж байгаа серверүүд рүү эсвэл серверүүдээс дамжуулж буй аливаа мэдээллийн кодыг задлан тайлахыг оролдохгүй байх;

k)    Үйлчилгээний өгөгдөл цуглуулах эсвэл бусад аргаар профайл болон бусад мэдээллийг үйлчилгээнээс хуулбарлах аливаа програм хангамж, төхөөрөмж, скрипт, робот болон аливаа бусад хэрэгсэл, процессуудыг (түүнчлэн өгөгдөл хусагч хэрэгсэл, хөтчийн залгаас болон нэмэлтүүд, аливаа өөр технологи, гар ажиллагааны техник) боловсруулах, дэмжих эсвэл ашиглахгүй байх;

l)    Урьдчилж биднээс бичгээр зөвшөөрөл авахгүйгээр Үйлчилгээг арилжааны зорилгоор ашиглахгүй байх;

m)    Галт зэвсэг, мансууруулах бодис, хууль бус бодис, хулгайн программ хангамж, бусад хориотой зүйлсийг худалдаалах зэрэг хууль бус бизнесийн гүйлгээнд Үйлчилгээг ашиглахгүй байх;

n)    Мөрийтэй тоглоомын мэдээлэл олгохгүй эсвэл бусдыг мөрийтэй тоглоомд аливаа арга хэрэгслээр татан оролцуулахгүй байх;

o)    Өөр хүний эзэмшлийн бүртгэлд нэвтрэн орох мэдээлэл өгөхийг шаардахгүй эсвэл өөр хүний бүртгэл рүү нэвтрэхгүй байх;

p)    Мөнгө угаах, хууль бус бэлэн мөнгөний урьдчилгаа өгөх, эсвэл санхүүгийн пирамид болох худалдааны схем зэрэг үйл ажиллагаанд оролцохгүй байх;

q)    Энэ Гэрээ (эсвэл түүний аль нэг хэсгийг)-г зөрчихгүй, зөрчихөд туслахгүй буюу дэмжихгүй байх; болон

r)    Үйлчилгээ буюу бидний системд эсвэл хамгаалалтад хохирол учруулах, идэвхгүй болгох, хэт ачаалал өгөх, эвдлэх эсвэл ажиллахгүй болгох эсвэл бусад хэрэглэгч болон аливаа бусад өөр талын компьютерын системийг ашиглан хөндлөнгөөс хандах, хакердах эсвэл Үйлчилгээнд эсвэл Манай Контент (доор тодорхойлсон)-д эсвэл өгөгдөлд зөвшөөрөөгүй хандалт хийхэд Үйлчилгээг ашиглахгүй байх.

9. Манай Контент

Бид болон/эсвэл манай лиценз олгогчид нь Үйлчилгээгээр эсвэл түүгээр дамжиж ашиглах боломжтой бүх эрх, өмчийн эрх, ашиг сонирхол, мэдээлэл (текст, график, видео болон аудио бүхий л хэлбэрээр ямар нэг хязгаарлалтгүйгээр), зураг, шигтгээ зураг, апликэйшн, дизайн, программ хангамж, скрипт, программ, зохиогчийн эрх, худалдааны тэмдэг, худалдааны нэр, лого, бусад материал ба үйлчилгээг харагдаж мэдрэгдэх байдлын (хамтад нь "Манай Контент" гэх) хамтаар хадгалж үлдэнэ. Манай Контент нь зохиогчийн эрх, худалдааны тэмдэг, өгөгдлийн сангийн эрх, sui generis эрх болон бусад холбогдох оюуны болон үйлдвэрийн өмчийн хууль тогтоомжоор үндэсний хууль тогтоомж, олон улсын гэрээний дагуу хамгаалагдсан болохыг та хүлээн зөвшөөрч байна. Та үйлчилгээнд хандах ба/эсвэл ашигласнаар гэрээнд өөрөөр заагаагүй л бол үйлчилгээ болон түүний агуулгын өмчлөл, бусад эрх танд болон өөр бусад хүнд дамжуулахгүй.

Та Манай Контентыг өөрчилж, хуулж, жишээ татаж, нэмэлт оруулж, засвар хийж, зарж, тарааж эсвэл лиценз олгож, ямар нэг байдлаар буруугаар ашиглаж болохгүй. Хэрэв та Манай Контентыг дахин хэвлэх, жишээ татах, олшруулах, тараах эсвэл өөр ямар нэг байдлаар ашиглахыг хүсвэл бидэнтэй урьдчилсан байдлаар холбогдон, энэ Гэрээнд өөрөөр тодорхойлоогүй л бол биднээс урьдчилан бичгэн зөвшөөрөл авах ёстой. Ингэх нь холбогдох заавал биелүүлэх хуулийн дагуух таны эрхийг хөндөхгүй байх болно.

Хэрэв та Үйлчилгээ эсвэл түүний аль нэг хэсэг нь ямар нэг худалдааны тэмдэгт, патент, худалдааны нууц эсвэл бусад оюуны өмчийн эрх ба зохиогчийн эрхийг зөрчиж байна хэмээн үзвэл эсвэл танд Үйлчилгээний талаар санал хүсэлт байвал Гэрээнд заасан холбоо барих мэдээллийг ашиглан бидэнд мэдэгдэнэ үү.

10. Таны Контент

Бид Үйлчилгээнд таны байршуулсан, нийтэлсэн, өөрөөр дамжуулсан текст, файл, зураг, зохиогчийн бүтээлд аливаа өмчлөлийн (хамтад нь "Таны Контент" гэх) эрх эзэмшихгүй. Та эзэмших эрхийг хадгалах бөгөөд Таны Контетын хариуцлагыг бүхэлд нь хариуцна.

11. Үйлчилгээнд хяналт тавих

Бид танд мэдэгдэлгүйгээр, хүссэн үедээ, дан ганц өөрсдийн шийдвэрээр дараах зорилгуудад хүрэхэд шаардлагатай гэж үзвэл ийм арга хэмжээг авахыг та хүлээн зөвшөөрч, Үйлчилгээг явуулах болон сайжруулахын тулд энэ Гэрээ, холбогдох хууль тогтоомж, захирамж, эсвэл аливаа шүүхийн заавар, эсвэл засгийн газрын газар, хууль сахиулах байгууллага эсвэл зохицуулалтын байгууллагуудын аливаа заавар эсвэл шаардлагыг дагаж мөрдөх. Эдгээрт залилангаас урьдчилан сэргийлэх, эрсдэлийн үнэлгээ, мөрдлөг болон харилцагчдад дэмжлэг үзүүлэх зорилгууд багтах боловч үүгээр хязгаарлагдахгүй.

12. Нууцлал ба Өгөгдөл цуглуулалт

Танд илүү аюулгүй үйлчилгээг үзүүлж, таны гүйлгээний хамгаалалтыг найдвартай болгоход туслах зорилгоор бид өөрсдийн нууцлалын мэдэгдлийн дагуу таны мэдээлэл ба техникийн өгөгдлийг цуглуулж боловсруулах болно.

13. Мэдэгдэл

Үйлчилгээг зөвхөн та ашиглах ба ямар ч гуравдагч этгээд ашиглах ёсгүй. Бид болон манай салбар, албан хаагч, захирал, ажилчин, гэрээт ажилчин, төлөөлөгч, гуравдагч этгээдийн төлбөрийн үйлчилгээ үзүүлэгч, түнш, лиценз олгогч болон худалдааны төлөөлөгчид (хамтад нь "Huawei-н Талууд" гэх) нь зөвшөөрөлгүйгээр Үйлчилгээг ашигласнаас үүдэх аливаа хохиролд хариуцлага хүлээхгүй гэдгийг та зөвшөөрнө.

Huawei Талууд нь Үйлчилгээнд засвар хийх эсвэл бусад туслах үйлчилгээг үзүүлэх үүрэггүй болно. Бидний хянах боломжгүй шалтгааны улмаас таны үйлчилгээ ашиглалт тодорхойгүй хугацаагаар завсардаж, хойшлогдож, тасарч болно. Huawei-н Талууд нь ийм завсардал, хойшлолт, тасалдал эсвэл эдгээртэй төстэй алдагдлаас үүдсэн ямар ч нэхэмжлэлд хариуцлага хүлээхгүй.

Хэрэв та дараах шалтгааны аль нэгийн улмаас үйлчилгээнд хандах эсвэл үйлчилгээг ашиглах боломжгүй болсон бол танай шүүх байгууллагын зохих хуулиар зөвшөөрөгдөх хамгийн дээд хэмжээнд Huawei-н Талууд нь гарсан өр төлбөр, алдагдал, гэмтэл эсвэл нөхөн олговрын хариуцлагыг таны өмнөөс болон өөр хэн нэгний өмнөөс хүлээхгүй болно:


a)    Засварын ажил эсвэл систем, программ хангамж, техник хангамжийн шинэчлэлт хийх зорилгоор Үйлчилгээг түр зогсоосон эсвэл хязгаарласан;

b)    Биднээс өөр хүний эзэмшдэг эсвэл удирддаг систем, сүлжээний харилцаанд гарсан хойшлолт эсвэл алдаа;

c)    Бид болон төлбөрийн үйлчилгээ үзүүлэгч, манай аль нэг гуравдагч этгээдийн хоорондох Үйлчилгээнд нөлөөлж болох аливаа гэрээ эсвэл бусад зохицуулалтыг түдгэлзүүлэх, цуцлах, дуусгавар болгох;

d)    Хакердах оролдлого эсвэл үүнтэй төстэй хамгаалалт алдагдсанаас үүдсэн ямар нэг алдаа, саатал; эсвэл

e)    Бидний хянах боломжгүй бусад үйл явдал буюу тохиолдол.


Үйлчилгээг аливаа төлөөлөл, баталгаагүйгээр "байгаа байдлаар", "боломжтой байдлаар" нь үзүүлнэ. Танай шүүх байгууллагын зохих хуулиудад зөвшөөрөгдөх хамгийн дээд хэмжээнд Huawei-н Талууд нь дараах зүйлсийн ажиллагаа, төлөөлөл эсвэл баталгаанд дурдсан эсвэл илэрхийлсэн бүх баталгаа, болзол, бусад гэрээнд хариуцлага хүлээхгүй болно:


a)    Үйлчилгээнд байгаа эсвэл түүгээр дамжуулсан аливаа контентын бүрэн бүтэн байдал, нарийвчлал эсвэл цагаа үеэ олсон байдал зэрэгтэй холбоотойгоор;

b)    Үйлчилгээ эсвэл түүнийг байрлуулсан серверүүд нь гэмтэл, алдаа, вирус, согог эсвэл бусад хортой контентоос ангид байх;

c)    Үйлчилгээний ажиллагаа эсвэл функц дэх аливаа гэмтэл согогийг залруулах;

d)    Үйлчилгээний тодорхой функцийн найдвартай байдал, чанар, нарийвчлал болон Үйлчилгээг ашиглаж, хандсаны үр дүнд таны олж авсан аливаа мэдээлэл;

e)    Үйлчилгээний аюулгүй байдал эсвэл алдаагүй байх шинж чанар; болон

f)    Үйлчилгээний найдвартай байдал, чанар, нарийвчлал, хүртээмжтэй байдал эсвэл таны хэрэгцээнд нийцүүлэх чадвартай холбоотойгоор тодорхой гарцыг бий болгох эсвэл тодорхой үр дүнд хүрэх.


Та (эсвэл өөр хүн) Үйлчилгээнд нэвтэрч түүнийг ашиглан олж авсан мэдээлэл эсвэл Үйлчилгээг бүхлээр нь эсвэл хэсэгчлэн ашигласнаас шалтгаалсан аливаа хохирол, алдагдлыг Huawei-н Талууд хариуцахгүй.

Зарим улс орны хууль тодорхой баталгаа, төлөөлөл, батламжид хүлээх хариуцлагыг гэрээгээр хязгаарлах эсвэл хасахыг зөвшөөрдөггүй. Хэрэв эдгээр хууль танд үйлчилдэг бол дээрх хасалт, хязгаарлалтын зарим нь эсвэл бүгд танд хамаарахгүй байж болох ба та нэмэлт эрхтэй байж болно. Энэ Гэрээний аль ч хэсэг таныг гэрээгээр өөрчлөх, чөлөөлөгдөх эсвэл хэрэглэгчийн хувиар хууль дагуу олгогдсон эрхэд тань нөлөөлөхгүй.

14. Хариуцлагын Хязгаарлалт

Таны харьяаллын дагуу, холбогдох хуулийн зөвшөөрөгдөх хамгийн дээд хэмжээгээр, та үйлчилгээнд хандаж, үйлчилгээг ашигласнаас гарах эрсдэлийг дангаар хүлээх ба Huawei-н Талууд нь дараах зүйлсийн хувьд гэрээ, иргэний эрх (үүнд хайхрамжгүй байдал багтана) эсвэл өөр ямар ч үндэслэлээр та эсвэл өөр хэн нэгний гаргасан өр төлбөрийн хариуцлага, алдагдал эсвэл гэмтлийг хариуцахгүй гэдгээ илэрхийлж байна:


a)    Нийт орлого, ашиг, орлого, өгөгдөл алдах эсвэл нэр хүндийн хохирол; болон

b)    Тусгай, шууд бус эсвэл гарцаагүй үүсэх алдагдал, гэмтэл.


Энэ гэрээнд заасан хязгаарлалт, хасалтууд нь бид гарч болох хохирлын талаар мэдэж байх ёстой байсан ч, мөн энэ талаар бидэнд сануулсан байсан ч үйлчлэх болно.

Хэрэв та үйлчилгээний аль нэг зүйлийн тухайд сэтгэл дундуур байгаа бол таны хийж болох цор ганц зүйл нь үйлчилгээнд хандаж, үйлчилгээг ашиглахаа зогсоох юм. Дээрх хязгаарлалтуудыг үгүйсгэхгүйгээр, мөн танай улсын зохих хуулиудаар зөвшөөрөгдөх хамгийн дээд хэмжээнд ямар ч тохиолдолд Huawei-н талуудын танд эсвэл өөр хэн нэгэнд ямар нэгэн нэхэмжлэл, хэрэг, өр төлбөр, үүрэг хариуцлага, гэмтэл, алдагдал, мөн төлбөрт гэрээ, иргэний эрхийн дагуу (үүнд хайхрамжгүй байдал багтана) эсвэл өөр ямар ч үндэслэлээр төлөх нийт төлбөрийн хэмжээ нь 500.00 HKD-с хэтрэхгүй байна. Энэхүү гэрээнд заасан хариуцлагаас татгалзсан ба хариуцлагыг хязгаарласан заалтуудыг та хүлээн зөвшөөрч, шударга ба үндэслэлтэй байгаа гэдгийг зөвшөөрч байна.

Зарим улс орны хууль тогтоомж дээр дурдсан хязгаарлалт, хасалтын заримыг эсвэл бүгдийг хийхийг зөвшөөрдөггүй. Хэрвээ эдгээр хууль тогтоомж танд хамаарах бол дээрх хязгаарлалтын зарим нь эсвэл бүгд танд хамаарахгүй, нэмэлт эрх үүсэхгүй байж болзошгүй. Энэ Гэрээний аль ч хэсэг таныг гэрээгээр өөрчлөх, чөлөөлөгдөх эсвэл хэрэглэгчийн хувиар хууль дагуу олгогдсон эрхэд тань нөлөөлөхгүй.

15. Таны зүгээс үйлчилгээг зогсоох

Та бүртгэлийн тохиргоо эсвэл энэ үйлчилгээг ашиглахаа зогсоох замаар өөрийн бүртгэлээ цуцалж болно.

16. Бидний зүгээс үйлчилгээг зогсоох эсвэл түдгэлзүүлэх

Зохих хуулийн дагуу бид хэдийд ч аливаа хувь хүн эсвэл ямар нэг гуравдагч этгээдийн өмнө хариуцлага хүлээхгүйгээр түр хугацаанд эсвэл бүрмөсөн таны Үйлчилгээний хэсгүүдэд ба Үйлчилгээнд бүхэлд нь хандалтыг түдгэлзүүлж, цуцалж, хязгаар тогтоож эсвэл хориглож болно. Бид үүнийг хийхээсээ өмнө танд мэдэгдэхийг зорино. Гэхдээ бид танд урьдчилан мэдэгдэх үүрэг хүлээхгүй бөгөөд бид таны Үйлчилгээнд хандах эрхийг дараах нөхцөл хэсэгчлэн эсвэл бүхэлд нь, нэн даруй, түр хугацаанд эсвэл бүрмөсөн хязгаарлаж, цуцалж, түдгэлзүүлж эсвэл хориглож болно, гэвч үүгээр хязгаарлагдахгүй:


a)    Хэрэв та нөхцөл ба түүнд багтсан ямар нэг Гэрээ, бодлого эсвэл удирдамжийг зөрчсөн эсвэл бид таныг эдгээрийг зөрчих гэж байна хэмээн үзсэн тохиолдолд;

b)    Хэрэв та эсвэл таныг төлөөлж буй хүн залилангийн сэдлээр эсвэл хууль бус ажиллагаа явуулах, эсвэл бидэнд ямар нэг худал, төөрөгдүүлэх мэдээлэл өгсөн тохиолдолд;

c)    Хууль сахиулах байгууллага эсвэл бусад засгийн газрын байгууллагаас хүчин төгөлдөр хуулийн үйл ажиллагааны дагуу тавьсан шаардлагаар;

d)    Яаралтай засвар хийх эсвэл систем, техник хангамжийг яаралтай шинэчлэхийн тулд; эсвэл

e)    Гэнэтийн техникийн, аюулгүй байдлын, бизнесийн эсвэл хамгаалалтын шалтгаанаар;


Энэ Гэрээг идэвхгүй болгох эсвэл цуцлагдах нь энэхүү Гэрээ идэвхгүй болсон эсвэл цуцлагдсаны дараа хэрэгжих заалтад нөлөөлөхгүй ба ингэхдээ талуудад олгогдсон ямар нэгэн эрх, үүрэг эсвэл идэвхгүй болсон, цуцлагдсаны дараа үйлчлэх ямар нэг эрх, үүрэгт нөлөөлөхгүй.

Энэхүү гэрээний аливаа зүйл заалт нь бүрэн утгаараа, байгаа тэр чигээрээ гэрээ цуцлагдах хүртэл хэвээр байх ба тухайн зүйл заалт хэрэгжих эсвэл байгаа чигээрээ хугацаа нь дуусах хүртэл бүрэн дүүрэн хэрэгжиж, ийн цуцлагдтал мөрдөгдөнө.

Бүртгэл нь арван хоёр (12) сарын туршид идэвхгүй байгаа тохиолдолд Huawei нь таны бүртгэлд хамааралтай аливаа өгөгдлийг устгах эрхтэй.

17. Энэхүү Гэрээнд өөрчлөлт оруулах

Бид үйлчилгээг тасралтгүй шинэчилж, өөрчилж, сайжруулж байдаг. Бид функц, онцлог нэмэх, хасах, үйлчилгээнд шинэ хязгаарлалт үүсгэх, үйлчилгээг түр ба бүрмөсөн түдгэлзүүлж, зогсоож болно. Бид энэ гэрээг хэдийд ч өөрчилж, тусгай нэмэлт нөхцөл тавих, ёс зүйн дүрэм эсвэл манай үйлчилгээний тодорхой нэг хэсэг, хэсгүүдийг, мөн бүхэлд нь хамрах удирдамж гаргаж болно.

Хэрэглэгчдэд эд хөрөнгийн гарз хохирол учруулах эсвэл үйлчилгээнд хандах, ашиглах эрхэнд бодит хязгаарлалт тогтоох өөрчлөлтийг үйлчилгээ эсвэл энэ гэрээнд хийхээр бол боломжит хугацааны өмнө бид танд мэдээлэх болно. Бид манай хэрэглэгчдийг бодитоор нөлөөлж буюу ашиггүй байдалд оруулахгүй эсвэл Үйлчилгээнд хандалт ба ашиглалтыг нь бодитоор хязгаарлахгүй Үйлчилгээнд гарсан өөрчлөлтийн талаар эсвэл энэ Гэрээний өөрчлөлтийг танд урьдчилан мэдэгдэхгүй байж болно. Бид хамгаалалт, аюулгүй байдал, хууль эсвэл зохицуулалтын шаардлагад нийцүүлэхийн тулд үйлчилгээнд хийж буй өөрчлөлтийг дээрх хугацаанд хийж амжихгүй байж болох ба эдгээр өөрчлөлтийн талаар танд мэдэгдэх боломжтой болмогц мэдээлэх болно.

18. Ерөнхий нөхцөл

Үйлчилгээ эсвэл гуравдагч этгээдүүд бусад веб сайт эсвэл эх үүсвэр лүү холбох холбоос өгч болно. Та биднийг ийм гадны веб сайт эсвэл эх үүсвэр байх эсэхэд, мөн ийм сайт эсвэл эх үүсвэр дээрх эсвэл тэндээс хүртээмжтэй болгосон контент, зар сурталчилгаа, бүтээгдэхүүн эсвэл бусад материалыг бид дэмжээгүй ба түүнд ямар нэг хариуцлага хүлээхгүй гэдгийг та ойлгож, хүлээн зөвшөөрч байна. Мөн та биднийг ийм веб сайт эсвэл эх үүсвэр дээрх эсвэл тэндээс хүртээмжтэй болгосон контент, бараа эсвэл үйлчилгээг ашиглахтай эсвэл эдгээрт найдсантай холбоотой гарах эсвэл үүнтэй холбоотой гарсан хэмээн сэжиглэгдэж буй ямар нэг гэмтэл ба алдагдалд шууд ба шууд бусаар хариуцлага хүлээхгүй, өр төлбөрийг барагдуулахгүй гэдгийг ойлгож, хүлээн зөвшөөрч байна.

Энэ Гэрээн дэх юуг ч үндэслэн та бидний хооронд хамтын ажиллагаа эсвэл байгууллага, төлөөлөгчийн харилцаа холбоо үүснэ хэмээн ойлгож болохгүй ба аль ч тал нөгөөгийнхөө нэрийн өмнөөс өр төлбөр эсвэл зардал гаргах, гэрээ, бусад хэлэлцээр байгуулах эрх, эрх мэдэлгүй болно.

Бид энэ Гэрээний дагуу хүлээсэн үүрэг мөн/эсвэл эдлэх эрхээ өгөх, дэд гэрээ байгуулах эсвэл шинэчилж болох ба та ийм зорилгоор хэрэг болох эсвэл хүсэмжлэх бүх бичиг баримтыг даруй гүйцээхийг зөвшөөрч байна.

Хэрэв энэ Гэрээний аль нэг заалтыг (эсвэл заалтын хэсэг) эрх мэдэл бүхий улсын шүүх эсвэл өөр ямар нэг эрх мэдэл бүхий газраас үндэслэлгүй, хүчингүй эсвэл хэрэгжүүлэх боломжгүй хэмээн үзвэл энэ зүйлийг Гэрээнээс устгах ба тухайн үндэслэлгүй, хүчингүй эсвэл хэрэгжүүлэх боломжгүй гэж үзсэн зүйлээс тусгаар үйлчлэх дээд хэмжээнд энэ Гэрээний бусад бүх зүйл бүрэн хүчин төгөлдөр хэвээр үлдэх болно.

Энэхүү Гэрээ нь Үйлчилгээтэй холбоотой та болон бидний хоорондох бүрэн ойлголцол бөгөөд энэхүү Гэрээнд ороогүй аливаа төлөөлөл, баталгаа буюу үүрэг хариуцлагад тулгуурлан энэхүү Гэрээнд итгэлтэй бус эвсэл аргагүй байдлын улмаас ороогүй болгохыг та хүлээн зөвшөөрч байна.

19. Захирах Хууль ба Шүүх

Энэ Гэрээг байгуулах, тайлбарлах, гүйцэтгэх болон үүнээс үүдэн, үүнтэй холбоотой үүсэх бүх маргаан эсвэл нэхэмжлэл (үүнд гэрээн бус маргаан эсвэл нэхэмжлэл багтана) нь Хонконгийн хуульд захирагдах ба тус хуулийн дагуу зохиогдсон болно. Зохих хуулиудад өөрөөр заагаагүй л бол хоёр тал хоёулаа Хонконгийн шүүх энэ гэрээ эсвэл түүнтэй холбоотойгоор үүссэн бүх маргаан, нэхэмжлэл, шүүхийн үйл ажиллагаа эсвэл хэргийг сонсож, шийдэх онцгой шүүхийн эрхтэй байхыг зөвшөөрнө. Хэдий тийм ч энэ нь биднийг Хонконгоос гадуур хэрэг үүсгэхэд нөлөөлөхгүй.

20. Бидэнтэй холбоо барих

Хэрэв танд энэ Гэрээтэй холбоотой асуулт байвал бидэнтэй холбогдоно уу.

Сүүлд шинэчилсэн: 2019 оны наймдугаар сарын 27