დებულება HUAWEI Cloud-ისა და კონფიდენციალურობის შესახებ

HUAWEI Cloud არის სერვისი, რომლის მომწოდებელია ირლანდიაში დაფუძნებული Huawei-ის შვილობილი კომპანია Aspiegel Limited (შემდგომში „ჩვენ“, „ჩვენს“ ან „ჩვენი“). HUAWEI Cloud ავტომატურად ასინქრონებს, არეზერვებს და ატვირთავს თქვენს მონაცემებს ღრუბლოვან სერვერებზე ისე, რომ შეგეძლოთ მათზე წვდომა და მართვა ნებისმიერი მოწყობილობიდან შესვლისას.

მოცემულ დებულებაში აღწერილია:

1. რა მონაცემებს ვაგროვებთ თქვენ შესახებ?

2. როგორ ვიყენებთ თქვენს მონაცემებს?

3. რამდენი ხნის განმავლობაში ვინახავთ თქვენს მონაცემებს?

4. როგორ ვაზიარებთ თქვენს მონაცემებს?

5. რა უფლებები და არჩევანი გაქვთ?

6. როგორ შეგიძლიათ დაგვიკავშირდეთ?

7. როგორ განვაახლებთ ამ დებულებას?

1 რა მონაცემებს ვაგროვებთ თქვენ შესახებ?

როგორც HUAWEI Cloud სერვისის ნაწილი, ჩვენ ვაგროვებთ და ვიყენებთ თქვენს პერსონალურ მონაცემებს მხოლოდ ამ დებულებით განსაზღვრული მიზნებისთვის. პერსონალური მონაცემები გულისხმობს ნებისმიერ ინფორმაციას, რომელიც საშუალებას გვაძლევს ამოგიცნოთ, როგორც მომხმარებელი.
ჩვენ ვაგროვებთ და ვამუშავებთ შემდეგ მონაცემებს:

ანგარიშის ინფორმაცია: როგორიცაა ანგარიშის სახელი, ელფოსტის მისამართი, ტელეფონის ნომერი, პროფილის სურათი, მომხმარებლის სახელი, ქვეყნის კოდი, ანგარიშის იდენტიფიკატორი და მომხმარებლის სერვისის მარკერი.

ინფორმაცია მოწყობილობის შესახებ: მოწყობილობის ID (როგორიც არის MEID, UDID ან IMEI, თქვენი სისტემის ვერსიის მიხედვით), OAID, მოწყობილობის ტიპი და საოპერაციო სისტემა, APK ვერსია და ენის პარამეტრები.

ქსელის ინფორმაცია: როგორიცაა IP მისამართი, ქსელის ტიპი და კავშირის სტატუსი.

სერვისის გამოყენების ინფორმაცია: როგორიცაა HUAWEI Cloud-ის ვერსია, ჩამოტვირთვის წყარო, აპის გახსნისა და დახურვის დრო, დაინსტალირებული აპების სია, დაწკაპუნებები და ექსპოზიცია, პაკეტის ინფორმაცია (სახელი, ტევადობა და ხანგრძლივობა), შეძენის შესახებ ინფორმაცია (დრო, თანხა და შეკვეთის ID), სისტემის ჟურნალი და შეცდომების ჟურნალი.

სინქრონიზებული, დარეზერვებული ან ატვირთული მონაცემები (შედეგები შეიძლება შეიცვალოს თქვენი HUAWEI ID-ის რეგისტრაციის ქვეყანაში/რეგიონში ხელმისაწვდომი ფუნქციების შესაბამისად): სინქრონიზებული მონაცემები (მათ შორის კონტაქტები, კალენდრის მოვლენები, Wi-Fi პარამეტრები, შენიშვნები, ფოტოები და ვიდეოები), Cloud დარეზერვების მონაცემები (მათ შორის კონტაქტები, კალენდრის მოვლენები, Wi-Fi პარამეტრები, შენიშვნები, ფოტოები და ვიდეოები, ჩანაწერები, ზარების ჟურნალი, შემაწუხებელი ფაქტორების ფილტრი და პარამეტრები, შეტყობინებები, ტელეფონის მენეჯერის პარამეტრები, ბრაუზერის სანიშნეები, ამინდის პარამეტრები, ეკრანის განლაგება, კამერის პარამეტრები, ტელეფონის პარამეტრები, FM რადიოს პარამეტრები, მაღვიძარას პარამეტრები, SmartCare-ის პარამეტრები და დაინსტალირებული აპების სია), Huawei Drive ფაილები (მათ შორის ასატვირთად არჩეული ნებისმიერი ლოკალური ფაილი) და ფსევდონიმური საბანკო ბარათის ნომერი (ბოლო ოთხი ციფრი) Cloud-ის ვებსაიტზე თქვენი საბანკო ბარათების სამართავად (ამოშლა და შეჩერება). საბანკო ბარათის ინფორმაცია არ შეინახებ Cloud-ზე.


თუ შეხვალთ HUAWEI Cloud-ის ოფიციალურ ვებსაიტზე (cloud.huawei.com) თქვენი HUAWEI ID-ით მონაცემების სამართავად, ასევე შეგროვდება შემდეგი მონაცემები:

ბრაუზერის და გამოყენების ინფორმაცია: როგორიცაა ქუქიები, IP მისამართი, ბრაუზერის ტიპი, დროის სარტყელი, ენა და მაუსისა და კლავიატურის ოპერაციები. ქუქიების შესახებ დამატებითი ინფორმაციისთვის იხილეთ ჩვენი დებულება ქუქი-ფაილების შესახებ.

HUAWEI Cloud მოითხოვს ტელეფონზე წვდომის ნებართვას მოწყობილობის შესახებ ინფორმაციის მისაღებად და მეხსიერებაზე, კამერაზე, მიმოწერაზე, კონტაქტებსა და კალენდარზე წვდომას სინქრონიზაციისა და სარეზერვო კოპირების სერვისის შემოსათავაზებლად.

2 როგორ ვიყენებთ თქვენს მონაცემებს?

HUAWEI Cloud-ის ფუნქციების განსახორციელებლად, მათ შორის Cloud სინქრონიზაციის, Cloud დარეზერვების, Huawei Drive-ისა და აპის მონაცემთა სხვა სერვისების, ასევე, ხელშეკრულებით ნაკისრი ვალდებულებების შესასრულებლად, აპი მოითხოვს თქვენი მონაცემების შეგროვებასა და დამუშავებას მომხმარებელთან ურთიერთობის მართვის, მხარდაჭერისა და კომუნიკაციის, მომხმარებლის საჩივრების განხილვის, ტექმომსახურების, პროგრამული უზრუნველყოფისა და სისტემის გაახლებების, მომხმარებლის იდენტიფიცირების, ასევე, დიაგნოზირებისა და შეკეთების მიზნებისთვის.

გარდა ამისა, თქვენს პერსონალურ მონაცემებს ვიყენებთ შემდეგი მიზნებისთვის, კანონიერი ინტერესის საფუძველზე:

სტატისტიკისა და პროდუქტის გაუმჯობესების მიზნით, რაშიც შედის შესაბამისი აგრეგირებული ჯგუფების შექმნა თქვენი გამოყენების ქმედების საფუძველზე. ეს საშუალებას გვაძლევს, გავიგოთ ჩვენი მომხმარებლების საჭიროებები და გავაუმჯობესოთ ჩვენი მიმდინარე და მომავალი სერვისებისა და შეთავაზებების ხარისხი და მომხმარებლის გამოცდილება. ასეთ დამუშავებაზე უარის თქმა შეგიძლიათ ქვემოთ, ნაწილში 5.5 აღწერილი წესით.

მარკეტინგული მიზნებით, რაშიც შედის ჩვენი შეთავაზებების, გაყიდვების წახალისების შესახებ და სხვა მარკეტინგული მიზნებით კომუნიკაცია, ისევე როგორც აგრეგირებული სამიზნე ჯგუფების შექმნა მარკეტინგისთვის. ჩვენი კლიენტების პრიორიტეტების ცოდნა საშუალებას გვაძლევს მიზანმიმართული გავხადოთ ჩვენი შეთავაზებები და შევთავაზოთ ისეთი პროდუქტები და სერვისები, რომლებიც უკეთ ერგება კლიენტთა საჭიროებებსა და მოლოდინს. ასეთ დამუშავებაზე უარის თქმა შეგიძლიათ ქვემოთ, ნაწილში 5.5 აღწერილი წესით.

ინფორმაციის უსაფრთხოების მიზნები, მათ შორის სერვისების არასწორი გამოყენებისა და თაღლითობების აღმოჩენისა და აღკვეთისთვის, რათა მოგაწოდოთ უსაფრთხო და სანდო სერვისები.

საჭიროების შემთხვევაში შესაძლოა გამოგიგზავნოთ სერვისთან დაკავშირებული შეტყობინებები (როგორიცაა შეტყობინებები სისტემის ტექმომსახურების შესახებ, ტრანზაქციის ჩანაწერები და ღრუბლოვანი მეხსიერების გამოყენების შემხსენებლები). შესაძლოა ვერ შეძლოთ უარის თქმა სერვისთან დაკავშირებული არასარეკლამო ხასიათის მნიშვნელოვანი შეტყობინებების მიღებაზე.

ჩვენ, ასევე, ვამუშავებთ თქვენს პაკეტისა და შენაძენის ინფორმაციას საგადასახადო და ფინანსური ანგარიშგების მიზნებისთვის, იმ კანონებისა და რეგულაციების შესაბამისად, რომლებიც ჩვენ გვეხება.

3 რამდენი ხნის განმავლობაში ვინახავთ თქვენს მონაცემებს?

თქვენს პერსონალურ მონაცემებს არ შევინახავთ იმაზე მეტი ხნით, ვიდრე საჭიროა ამ დებულებაში მითითებული მიზნებისთვის.

თქვენს მონაცემებს დავამუშავებთ და შევინახავთ მომხმარებელთან ურთიერთობის პერიოდის მანძილზე. თუ შეწყვეტთ HUAWEI Cloud-ის გამოყენებას თორმეტი (12) თვის პერიოდით, თქვენი მონაცემები წაიშლება. ამ შემთხვევაში, ჩვენ წინასწარ შეგახსენებთ წაშლის შესახებ შესაბამისი საშუალებებით (როგორიცაა ელწერილი). როდესაც წაშლით თქვენს HUAWEI ID-ს, წაიშლება თქვენი პერსონალური მონაცემები, რომლებიც დაკავშირებულია თქვენს ანგარიშთან და მასთან ასოცირებულ სერვისებთან, როგორიცაა HUAWEI Cloud. თუმცა, ჩვენ შევინახავთ:

HUAWEI Cloud-ის პაკეტსა და შეკვეთის ინფორმაციას შვიდი [7] წლის განმავლობაში ტრანზაქციის თარიღიდან.

კლიენტებთან ურთიერთობის მართვისთვის დამუშავებულ პერსონალურ მონაცემებს (როგორიცაა საჩივრები, მონაცემთა სუბიექტის მოთხოვნები და კონტრაქტის მართვის ინფორმაცია) თქვენი HUAWEI ID ანგარიშის წაშლიდან ხუთი (5) წლის განმავლობაში; პერსონალურ მონაცემებს, რომლებიც მუშავდება ანალიტიკური და დეველოპერული, ასევე, გაყიდვების წახალისებისა და მარკეტინგული მიზნებისთვის, შეგროვებიდან თორმეტი (12) თვის განმავლობაში, თუ არ შეეწინააღმდეგებით ასეთ დამუშავებას.

მონაცემთა სარეზერვო ასლებსა და აპის ჟურნალებს, რომელთა დამუშავებაც ხდება თქვენი მონაცემებისა და სერვისების უსაფრთხოების უზრუნველსაყოფად, მათი შექმნის თარიღიდან ექვსი (6) თვის განმავლობაში.

აქტივობისა და სისტემის ჟურნალები წაიშლება შესაბამისი სტატისტიკური ანალიზის დასრულებისთანავე; შეცდომის ჟურნალები ავტომატურად წაიშლება ინფორმაციის შეგროვებიდან შვიდი (7) დღის შემდეგ.

როდესაც შენახვის პერიოდი ამოიწურება, ჩვენ წავშლით ან ანონიმურად ვაქცევთ თქვენს პერსონალურ მონაცემებს, თუ სხვაგვარად არ მოითხოვს კანონები და ნორმები.

4 როგორ ვაზიარებთ თქვენს მონაცემებს?

თქვენს მონაცემებს ევროკავშირში/ევროპის ეკონომიკურ ზონაში მდებარე მონაცემთა ცენტრებში ვინახავთ.

თქვენს მონაცემებს მხოლოდ შემდეგ გარემოებებში გავაზიარებთ:

როდესაც ეს საჭიროა სამართლებრივი პროცესის საპასუხოდ ან კომპეტენტური ორგანოს მოთხოვნის საფუძველზე, მოქმედი კანონების შესაბამისად ან სამართლებრივ წარმოებასთან თუ პროცესთან დაკავშირებით.

როდესაც საჭირო ხდება ქონების (როგორიც არის სერვისის შეთანხმებები) გაერთიანების, შეძენის, გაყიდვის ან სერვისის Huawei-ის ჯგუფის ორგანიზაციის ან სხვა კომპანიისთვის გადაცემისას.

5 რა უფლებები და ვარიანტები გაქვთ?

თქვენ გაქვთ შემდეგი უფლებები და ვარიანტები:

5.1 თქვენს მონაცემებზე წვდომა

ჩვენ მიერ შეგროვებული და HUAWEI Cloud-ში შენახული თქვენი პერსონალური მონაცემების ასლისა და აღწერილობის მოსათხოვად შეგიძლიათ თქვენს მოწყობილობაში გადახვიდეთ მენიუში: პარამეტრები (Settings) > HUAWEI ID > კონფიდენციალურობის ცენტრი (Privacy center) > თქვენი მონაცემების მოთხოვნა (Request your data)..

თქვენ მიერ სინქრონიზებულ, დარეზერვებულ თუ ატვირთულ მონაცემებზე წვდომა ან მათი ჩამოტვირთვა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

დამატებითი წვდომის მოთხოვნისთვის, გთხოვთ, დაგვიკავშირდეთ.

5.2 თქვენი მონაცემების გასწორება

იმისათვის, რომ თქვენი მონაცემები ყოველთვის ზუსტი და აქტუალური იყოს, მათზე წვდომა და მათი შეცვლა შეგიძლიათ თქვენს მოწყობილობაში მენიუდან: პარამეტრები (Settings) > HUAWEI ID.
თქვენ მიერ სინქრონიზებულ, დარეზერვებულ თუ ატვირთულ მონაცემებზე წვდომა ან მათი შეცვლა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

5.3 თქვენი მონაცემების პორტირება

თქვენ შეგიძლიათ მოახდინოთ იმ პერსონალური მონაცემების პორტირება, რომლებიც HUAWEI Cloud-ში მოგვაწოდეთ, გავრცელებული, მანქანით წაკითხვადი ფორმატით, რისთვისაც მოწყობილობაში უნდა გადახვიდეთ მენიუში: პარამეტრები (Settings) > HUAWEI ID > კონფიდენციალურობის ცენტრი (Privacy center) > თქვენი მონაცემების მოთხოვნა (Request your data).
თქვენ მიერ სინქრონიზებული, დარეზერვებული თუ ატვირთული მონაცემების ჩამოტვირთვა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

5.4 თქვენი მონაცემების წაშლა

თქვენ ნებისმიერ დროს შეგიძლიათ:

წაშალოთ თქვენი სინქრონიზებული, დარეზერვებული და სხვა ტიპის აპის მონაცემები თქვენი მოწყობილობიდან მათი წაშლით. წაშლა ავტომატურად სინქრონიზდება და გაახლდება ღრუბელზე.

წაშალოთ თქვენი შენახული მონაცემები უშუალოდ Huawei Drive-ზე წაშლით.

შეხვიდეთ HUAWEI Cloud-ის ოფიციალურ ვებსაიტზე (cloud.huawei.com), რათა წაშალოთ თქვენი მონაცემები, მათ შორის კონტაქტები, ფოტოები, ჩანაწერები და Huawei Drive ფაილები.

წაშალოთ თქვენი HUAWEI ID. ამით წაიშლება თქვენს HUAWEI ID-სთან დაკავშირებული პერსონალური მონაცემები, მათ შორის თქვენი პერსონალური მონაცემები HUAWEI Cloud-ზე.

უარი თქვათ თქვენი პერსონალური მონაცემების დამუშავებაზე, როგორც აღწერილია ნაწილში 5.5. თუ თქვენი პრეტენზია მართებულია და თქვენი მონაცემების დამუშავების გასაგრძელებლად იურიდიული საფუძველი აღარ გვაქვს, ჩვენ წავშლით შესაბამის მონაცემებს მოქმედი პრეტენზიის ფარგლებში.

დაგვიკავშირდით, თუ თვლით, რომ თქვენი პერსონალური მონაცემების დამუშავება უკანონოა და თქვენი მონაცემები უნდა წაიშალოს.

ჩვენ წავშლით ან ანონიმურად ვაქცევთ თქვენს პერსონალურ მონაცემებს გონივრულ ვადებში, თქვენს ზემოხსენებულ ქმედებებზე დაყრდნობით და შენახვის იმ პერიოდების შესაბამისად, რომლებიც აღწერილია პარაგრაფში 3.

5.5 უარი დამუშავებაზე

თუ გსურთ უარი თქვათ სტატისტიკის, პროდუქტის გაუმჯობესების ან გაყიდვებისა და მარკეტინგის მიზნებით თქვენი მონაცემების დამუშავებაზე, გთხოვთ, დაგვიკავშირდეთ.

მოთხოვნის წამოწყებისას, გთხოვთ, კონკრეტულად მიუთითოთ მოთხოვნის სფერო და მოგვწეროთ ელფოსტის მისამართი ან ტელეფონის ნომერი, რომლითაც შედიხართ HUAWEI Cloud-ზე თქვენი HUAWEI ID-ით.

ჩვენ დაგიკავშირდებით თქვენი ვინაობის შესამოწმებლად, რათა განვაგრძოთ თქვენი მოთხოვნის დამუშავება.

5.6 დამუშავების შეზღუდვა

თუ გსურთ შეზღუდოთ თქვენი პერსონალური მონაცემების დამუშავება, დაგვიკავშირდით. თქვენ გაქვთ უფლება, შეზღუდოთ თქვენი მონაცემების დამუშავება შემდეგ გარემოებებში:

თქვენი მონაცემები უკანონოდ მუშავდება, მაგრამ მათი წაშლა არ გსურთ.

თქვენ გაქვთ სამართლებრივი მოთხოვნა, რომელიც უნდა დაასაბუთოთ, განახორციელოთ ან დაიცვათ და ამისთვის, გვთხოვეთ, შეგვენახა თქვენი მონაცემები, როცა სხვა შემთხვევაში მათ არ შევინახავდით.

თქვენი უარის მოთხოვნა ჩვენ მიერ შემოწმების პროცესშია.

როდესაც მოთხოვნას გვიგზავნით, გთხოვთ, დააკონკრეტოთ მოთხოვნის ფარგლები და საფუძველი და მოგვაწოდოთ ელფოსტის მისამართი ან ტელეფონის ნომერი, რომელიც თქვენს HUAWEI Cloud-ში შესასვლელად გამოიყენეთ.

ჩვენ დაგიკავშირდებით თქვენი ვინაობის შესამოწმებლად, რათა განვაგრძოთ თქვენი მოთხოვნის დამუშავება.

6 როგორ შეგიძლიათ დაგვიკავშირდეთ?

რჩევა იმის შესახებ, თუ როგორ განახორციელოთ თქვენი, როგორც მონაცემთა სუბიექტის უფლებები, შეგიძლიათ იხილოთ ნაწილში 5. თუ გაქვთ შეკითხვები, შენიშვნები ან წინადადებები თქვენი, როგორც მონაცემთა სუბიექტის უფლებების ან ჩვენ მიერ თქვენი პერსონალური მონაცემების დამუშავების შესახებ, ან თუ გსურთ დაუკავშირდეთ ჩვენს მონაცემთა დაცვის ინსპექტორს, გთხოვთ, დაგვიკავშირდეთ.

ჩვენი სათაო ოფისის მისამართი: Aspiegel Limited, 1F, Simmonscourt House, Ballsbridge, Dublin, D04 W9H6, ირლანდია. რეგისტრაციის ნომერი 561134.

თუ ფიქრობთ, რომ თქვენს პერსონალურ მონაცემებს ამ დებულების ან მონაცემთა დაცვის მოქმედი კანონების შესაბამისად არ ვამუშავებთ, შეგიძლიათ საჩივარი შეიტანოთ თქვენს მონაცემთა დაცვის უწყებაში ან მონაცემთა დაცვის კომისართან ირლანდიაში.

7 როგორ განვაახლებთ ამ დებულებას?

გირჩევთ, რეგულარულად შეამოწმოთ ამ დებულების უახლესი ვერსია აპის პარამეტრებში, ვინაიდან შესაძლოა დროთა განმავლობაში შევცვალოთ იგი. იმ შემთხვევაში, თუ ამ დებულებაში არსებითი ცვლილებები შევა, ამის შესახებ წინასწარ გაცნობებთ შეტყობინებების დიალოგებით, push შეტყობინებებით, ელფოსტით თუ სხვა საშუალებებით, ცვლილების ხასიათიდან გამომდინარე.

ბოლო განახლება: 2019 წლის 3 ივლისი