ຂໍ້ຕົກລົງຜູ້ໃຊ້ຄລາວ


1. ກ່ຽວກັບພວກເຮົາ

ຄລາວ HUAWEI ແລະ ເທັກໂນໂລຊີ ແລະ ຟັງຄ໌ຊັນໃຊ້ງານທີ່ກ່ຽວຂ້ອງຂອງມັນ (ເຊິ່ງເອີ້ນລວມກັນວ່າ, "ການ​ບໍ​ລິ​ການ") ທີ່ຖືກດຳເນີນການໂດຍ Huawei Services (Hong Kong) Co., Limited (ເຊິ່ງຕໍ່ໄປນີ້ເອີ້ນວ່າ "Huawei", "​ພວກ​ເຮົາ", "​ເຮົາ" ຫຼື "​ຂອງ​ພວກ​ເຮົາ"), ເຊິ່ງເປັນບໍລິສັດຈົດທະບຽນພາຍໃຕ້ກົດໝາຍຂອງຮົງກົງ, ທີ່ມີສຳນັກງານທີ່ຈົດທະບຽນຢູ່ທີ່ Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong ແລະ ບໍລິສັດເລກທີ 1451551. ໃນຂໍ້ຕົກລົງສະບັບນີ້ (ຕາມທີ່ໄດ້ກຳນົດໄວ້ຂ້າງລຸ່ມ), "ທ່ານ" ແລະ "ຜູ້ໃຊ້" ໝາຍເຖິງບຸກຄົນໃດໆ​ກໍ​ຕາມທີ່ໃຊ້ ແລະ/ຫຼື ເຂົ້າເຖິງການບໍລິການ.

2. ຈຸດປະສົງ​ຂອງ​ຂໍ້​ຕົກ​ລົງສະບັບ​ນີ້

ຂໍ້​ຕົກ​ລົງ​ຜູ້​ໃຊ້ສະບັບນີ້, ແຈ້ງການກ່ຽວກັບຄວາມເປັນສ່ວນຕົວ ແລະ ນະໂຍບາຍອື່ນໆຂອງພວກເຮົາ ທີ່ເຜີຍແຜ່ ຫຼື ເຮັດໃຫ້ມີຜ່ານ ຫຼື ກ່ຽວຂ້ອງກັບການບໍລິການ (ລວມກັນເອີ້ນວ່າ, "ຂໍ້ຕົກລົງ" ນີ້) ເປັນຂໍ້ກຳນົດ ແລະເງື່ອນໄຂທີ່ບັງຄັບໃຊ້ກັບທ່ານໃນການໃຊ້ ແລະ ການເຂົ້າເຖິງການບໍລິການ.

ຂໍ້ຕົກລົງນີ້ຈະບອກທ່ານວ່າພວກເຮົາແມ່ນໃຜ, ພວກເຮົາຈະໃຫ້ບໍລິການແກ່ທ່ານແນວໃດ, ກິດຈະກຳໃດທີ່ໄດ້​ຮັບອະນຸຍາດ ຫຼື ບໍ່ໄດ້ຮັບອະນຸຍາດໃນ ຫຼື ​ທີ່ກ່ຽວກັບການບໍລິການ, ສິ່ງທີ່​ຄວນເຮັດຖ້າມີບັນຫາຂອງການບໍລິການ ແລະ ຂໍ້ມູນທີ່ສຳຄັນອື່ນໆ. ໂດຍການເຂົ້າເຖິງ ຫຼື ການໃຊ້ການບໍລິການນີ້, ທ່ານກຳລັງ​ເຂົ້າຮ່ວມ​ໃນຂໍ້ຕົກລົງທາງກົດໝາຍທີ່​ມີ​ຜົນ​ຜູກ​ມັດກັບພວກເຮົາ ແລະ ກຳລັງ​ເຫັນ​ດີ​ນຳຂໍ້ຕົກລົງສະບັບນີ້. ຖ້າທ່ານບໍ່ຍອມຮັບ ຫຼື ບໍ່ເຫັນດີກັບຂໍ້ຕົກລົງສະບັບນີ້, ທ່ານຈະຕ້ອງບໍ່ເຂົ້າເຖິງ ຫຼື ໃຊ້ການບໍລິການ.

3. ການມີສິດ

ທ່ານຈະຕ້ອງມີອາຍຸເປັນໄວຜູ້ໃຫຍ່ສຳລັບເຂດອຳນາດຕາມກົດໝາຍທີ່ທ່ານອາໄສຢູ່ເພື່ອເຂົ້າຮ່ວມທຳສັນຍາ (ເຊິ່ງຕໍ່ໄປນີ້ເອີ້ນວ່າ "ອາຍຸທີ່ສາມາດເຮັດສັນຍາໄດ້"). ຜູ້ທີ່ມີອາຍຸບໍ່ເຖິງອາຍຸທີ່ສາມາດເຮັດສັນຍາໄດ້ຈະໄດ້ຮັບອະນຸຍາດໃຫ້ໃຊ້ການບໍລິການຂອງ Huawei, ແຕ່ສະ​ເພາະຖ້າພໍ່ແມ່ ຫຼື ຜູ້ປົກຄອງຕາມກົດໝາຍຂອງພວກເຂົາສ້າງບັນຊີເດັກສຳລັບພວກເຂົາ ແລະ ຍອມຮັບເອກະສານຍິນຍອມສຳລັບບັນຊີ HUAWEI ID.

ຖ້າທ່ານມີອາຍຸສູງກວ່າອາຍຸທີ່ສາມາດເຮັດສັນຍາໄດ້ ຫຼື ຖ້າທ່ານເປັນພໍ່ແມ່ ຫຼື ຜູ້ປົກຄອງຕາມກົດໝາຍຂອງເດັກນ້ອຍຜູ້ທ່ານໄດ້ສ້າງບັນຊີເດັກແລ້ວ, ທ່ານເຫັນດີວ່າທ່ານຈະ:


a)    ຮັບປະກັນໂດຍບໍ່ມີເງື່ອນໄຂແລະບໍ່ສາມາດຍົກເລີກໄດ້ໃນການປະຕິບັດຕາມຂໍ້ຜູກພັນທັງໝົດໃນຂໍ້ຕົກລົງ;

b)    ຊຳລະເງິນທີ່ເປັນໜີ້ທັງໝົດແກ່ Huawei ພາຍໃຕ້ ຫຼື ຕາມຂໍ້ຕົກລົງ; ແລະ

c)    ໃນຖານະທີ່ເປັນຂໍ້ຜູກພັນທີ່ແຍກຕ່າງຫາກ ແລະ ເປັນຂໍ້ຜູກພັນຫຼັກ, ນອກຈາກນີ້ ທ່ານຍັງເຫັນດີວ່າ ທ່ານຈະຊົດໃຊ້ຄ່າເສຍຫາຍແກ່ Huawei ໂດຍບໍ່ມີເງື່ອນໄຂ ແລະ ບໍ່ສາມາດຍົກເລີກໄດ້ສຳລັບການສູນເສຍ, ຄ່າໃຊ້ຈ່າຍ, ຄວາມເສຍຫາຍ, ຂໍ້ຮຽກຮ້ອງ ຫຼື ໜີ້ສິນທີ່ໄດ້ຮັບ ຫຼື ເກີດຂຶ້ນໂດຍ Huawei ທີ່ເກີດຂຶ້ນຈາກຄວາມລົ້ມເຫຼວທີ່ເກີດຈາກການປະຕິບັດຂໍ້ຜູກພັນຂອງທ່ານພາຍໃຕ້ຂໍ້ກຳນົດໃດໜຶ່ງ ຫຼື ທັງໝົດ ຫຼື ການປະຕິເສດດັ່ງກ່າວຂອງທ່ານ.


ທ່ານ​ເຫັນ​ດີ​ເພີ່ມ​ເຕີມ​ອີກວ່າ​ຂໍ້​ຜູກ​ມັດຂອງ​ທ່ານໃນ​ຖາ​ນະ​ເປັນ​ຜູ້​ຮັບ​ປະ​ກັນ ແລະ ເປັນ​ຜູ້​ຊົດ​ໃຊ້​ຄ່າ​ເສຍ​ຫາຍ​ເປັນ​ພາ​ລະ​ໜ້າ​ທີ່ຫຼັກ ແລະ ບໍ່​ຄຳ​ນຶງ​ເຖິງ​ການ​ໃຊ້​ບໍ່​​ໄດ້ ຫຼື ການ​​ບໍ່​ມີ​ຜົນ​ບັງ​ຄັບ​ໃຊ້​ຂໍ້ຕົກ​ລົງທັງ​ໝົດ ຫຼື ບາງ​ສ່ວນ.

​ທ່ານ​ເຫັນ​ດີ​ເພີ່ມ​ເຕີມ​ອີກວ່າ​ຄວາມ​ຮັບ​ຜິດ​ຊອບ​ຂອງ​ທ່ານ​ໃນ​ຖາ​ນະ​ເປັນ​ຜູ້​ຮັບ​ປະ​ກັນ ແລະ ຜູ້​ຊົດ​ໃ​ຊ້​ຄ່າ​ເສຍ​ຫາຍ​ຈະ​ບໍ່​ສົ່ງກະ​ທົບ ແລະ/ຫຼື ຫຼຸດ​ຈາກ​ຂໍ້​ໃດ​ໜຶ່ງ​ຕໍ່​ໄປ​ນີ້: (a) ການ​ຢຸດ​ຕິ, ການ​ປ່ຽນ​ແປງ, ການມອບ​ໝາຍ, ການ​ປັບ​ປຸງ​ໃໝ ຫຼື ການ​ເຮັດ​ສັນ​ຍາ​ຍ່ອຍ​ໂດຍ​ພວກ​ເຮົາ​ກ່ຽວ​ກັບ​ສິດ​ທິ ແລະ/ຫຼື ຂໍ້​ຜູກ​ມັດ​ທັງ​ໝົດ ຫຼື ສ່ວນ​ໃດ​ໜຶ່ງ​ຂອງ​ພວກ​ເຮົາ​ພາຍໃຕ້​ຂໍ້​ຕົກ​ລົງ; (b) ​ການ​ສະ​​ລະ​ສິດ ຫຼື ການ​ໃຫ້​ເວ​ລາ​ໂດຍ Huawei ​ພາຍ​ໃຕ້​ຂໍ້​ຕົກ​ລົງ; (c) ການ​​ຮຽກ​ຮ້ອງ ຫຼື ການ​ບັງ​ຄັບ​ໃຊ້​ການ​ຊຳ​ລະ​ເງິນ​ໂດຍ Huawei; (d) ​ການ​ຕິດ​ຕໍ່​ກັບ​ພາກ​ສ່ວນ​ທີ​ສາມ; (e) ການ​ດຳ​ເນີນ​ການ ຫຼື ການ​ລະ​ເລີຍ​ທີ່​ອາດ​ຈະກະ​ທົບ​ຕໍ່ ແລະ/ຫຼື ຫຼຸ​ດ​ຈາກ​ຄວາ​ມ​ຮັບ​ຜິດ​ຊອບ (ບໍ່​ວ່າ​ຈະ​ທັງ​ໝົດ ຫຼື ບາງ​ສ່ວນ​ກໍ່​ຕາມ) ພາຍ​ໃຕ້​ຂໍ້​ຕົກ​ລົງ; (f) ຄວາມ​ບໍ່​ສາ​ມາດ​ຂອງ​ທ່ານ​ໃນ​ການ​ຊຳ​ລະ​ໜີ້​ສິນ​ຂອງ​ທ່ານ​ໃນເວລາທີ່ກຳນົດ; (g) ການ​ຮັບ​ປະ​ກັນ​ທີ່ Huawei ​ເຮັດ​ກັບ​ທ່ານ​ທີ່​​ກ່ຽວ​ຂ້ອງ​ກັບ​ຂໍ້​ຜູກ​ມັນ​ພາຍ​ໃຕ້​ຂໍ້​ຕົກ​ລົງ​ບໍ່​ວ່າ​ຈະ​ເປັນ​ທັງ​ໝົດ ຫຼື ບາງ​ສ່ວນ ຫຼື ການ​ຮັບ​ປະ​ກັນ​ທີ່​ເ​ຮັດ​ກັບ​ທ່ານ​ທີ່​ກ່ຽວ​ຂ້ອງ​ກັບ​ການ​ຜ່ອນ​ສັ້ນ​ຜ່ອນ​ຍາວ​ກ່ຽວ​ກັບ​ໜີ້​ສິນ​ຂອງ​ທ່ານ​ບໍ່​ວ່າ​ຈະ​ເປັນ​ທັງ​ໝົດ ຫຼື ບາງ​ສ່ວນ ແລະ (h) ​ການ​ເສ​ຍ​ຊີ​ວິດ​ຂອງ​ທ່ານ.

4. ການເຂົ້າເຖິງການບໍລິການ

ພວກເຮົາໃຫ້ການອະນຸຍາດແກ່ທ່ານແບບມີຂີດຈຳກັດ, ບໍ່ສະເພາະ, ບໍ່ສາມາດໂອນໄດ້, ບໍ່ສາມາດ​ໃຫ້ການອະນຸຍາດຕໍ່ ແລະ ສາມາດລົບລ້າງ​ໄດ້ ​ເພື່ອເຂົ້າເຖິງ ແລະ ໃຊ້ການບໍລິການ, ໂດຍຂຶ້ນກັບ ແລະ ປະຕິບັດຕາມຂໍ້ຕົກລົງສະບັບນີ້.

ເພື່ອເຂົ້າເຖິງ ຫຼື ໃຊ້ການບໍລິການນີ້, ທ່ານຈະຕ້ອງມີ HUAWEI ID. ສຳລັບລາຍລະອຽດເພີ່ມເຕີມກ່ຽວກັບ HUAWEI ID ຂອງທ່ານ, ເປີດ HUAWEI ID ແລະ ໄປທີ່ ການຕັ້ງຄ່າ > ກ່ຽວກັບ > ຂໍ້​ຕົກ​ລົງ​ຜູ້​ໃຊ້ HUAWEI ID.

5. ​ການບໍລິການ

ການບໍລິການອະນຸຍາດໃຫ້ທ່ານອັບໂຫຼດຂໍ້ມູນຂອງທ່ານໃສ່ການບໍລິການຄລາວ ("ຄລາວ HUAWEI") ເພື່ອໃຫ້ທ່ານສາມາດເຂົ້າເຖິງພວກມັນໃນອຸປະກອນ Huawei ໃດໜຶ່ງທີ່ໄດ້ເຂົ້າສູ່ລະບົບ HUAWEI ID ຂອງທ່ານ. ຄລາວ HUAWEI ສະໜອງຄຸນສົມບັດຕໍ່ໄປນີ້:

• ການຊິງຄ໌ຄລາວ (ແກເລີຣີ, ລາຍຊື່, ປະຕິທິນ, ບັນ​ທຶກ, ການຕັ້ງຄ່າ Wi-Fi)

• ການ​ສຳ​ຮອງ Cloud

• ເພີ່ມເຕີມ

• Huawei Drive

ແລະ ການບໍລິການອື່ນໆ. ນອກຈາກນີ້ ທ່ານສາມາດຈັດການ ແລະ ຂະຫຍາຍບ່ອນເກັບຂໍ້ມູນຄລາວໃນ ຄລາວ HUAWEI . ຄຸນ​ສົມ​ບັດອາດຈະແຕກຕ່າງກັນໄປ ຂຶ້ນຢູ່ກັບ ປະ​ເທດ/ພາກພື້ນ ແລະ ລຸ້ນອຸປະກອນຂອງທ່ານ.

ເມື່ອ ຄລາວ HUAWEI ຖືກເປີດໃຊ້ງານ, ຂໍ້ມູນທີ່ເລືອກໄວ້ຂອງທ່ານ, ເຊັ່ນ ລາຍຊື່ຕິດຕໍ່, ຂໍ້ຄວາມ, ຮູບຖ່າຍ, ວິດີໂອ, ລາຍການບັນທຶກການໂທ, ບັນທຶກ, ການບັນທຶກ, ເຫດການໃນປະຕິທິນ, ລາຍການບລັອກ ແລະການຕັ້ງຄ່າ, ການຕັ້ງຄ່າ Wi-Fi ແລະ ຂໍ້ມູນແອັບອື່ນຈະຖືກອັບໂຫຼດ ແລະ ຖືກບັນທຶກໃສ່ຄລາວໂດຍອັດຕະໂນມັດ. ຄລາວອະນຸຍາດໃຫ້ທ່ານເຂົ້າເຖິງຂໍ້ມູນຂອງທ່ານໃນພາຍຫຼັງ ຫຼື ດາວໂຫຼດມັນໃສ່ອຸປະກອນ Huawei ອື່ນໆ.

ຄຸນສົມບັດຂອງການບໍລິການ ປະກອບດ້ວຍ:

ການຊິງຄ໌ຄລາວ

ທ່ານສາມາດໃຊ້ຄລາວເພື່ອຊິງຄ໌ແກເລີຣີ, ລາຍຊື່ຕິດຕໍ່, ປະຕິທິນ, ບັນທຶກ ແລະ ການຕັ້ງຄ່າ Wi-Fi ຂອງ​ທ່ານໃສ່ເຊີບເວີຄລາວ ແລະ ອຸປະກອນອື່ນຂອງ Huawei ທີ່ເຂົ້າສູ່ລະບົບແລ້ວ. ການປ່ຽນແປງຂໍ້ມູນໃດໜຶ່ງໃນອຸປະກອນ Huawei ຫຼື ຄລາວຂອງທ່ານຈະເຮັດໃຫ້ເກີດການຊິງໂຄຣໄນ, ເພື່ອໃຫ້ແນ່ໃຈວ່າຂໍ້ມູນໃນອຸປະກອນ Huawei ແລະ ຄລາວຂອງທ່ານຈະຍັງຄົງບໍ່ປ່ຽນແປງ. ທ່ານສາມາດເລືອກປິດໃຊ້ງານການຊິງຄ໌ອັດຕະໂນມັດສຳລັບແອັບໃດໜຶ່ງໃນຄລາວ ເພື່ອຢຸດການອັບໂຫຼດ ແລະ ການຊິງໂຄຣໄນຂໍ້ມູນ.

ການ​ສຳ​ຮອງ Cloud

ທ່ານສາມາດໃຊ້ການສຳຮອງ Cloud ເພື່ອສຳຮອງຂໍ້ມູນໃນໂທລະສັບຂອງທ່ານ ແລະ ອຸປະກອນອື່ນໆຂອງ Huawei ໄປຍັງຄລາວ, ເພື່ອໃຫ້ທ່ານສາມາດເຂົ້າເຖິງມັນຈາກອຸປະກອນໃດໜຶ່ງຂອງ Huawei. ເມື່ອອຸປະກອນ Huawei ຖືກລັອກ, ຖືກເຊື່ອມຕໍ່ກັບແຫຼ່ງຈ່າຍໄຟ ແລະ ຖືກເຊື່ອມຕໍ່ກັບອິນເຕີເນັດຜ່ານເຄືອຂ່າຍ Wi-Fi ແລ້ວ, ການສຳຮອງ Cloud ຈະສ້າງການສຳຮອງອັດຕະໂນມັດສຳລັບອຸປະກອນ Huawei ເປັນໄລຍະໄລຍະ. ຖ້າການ​ສຳ​ຮອງ Cloud ຖືກເປີດໃຊ້ງານຢູ່, ຂໍ້ມູນຕໍ່ໄປນີ້ຈະຖືກເກັບເອົາ ແລະ ແບັກອັບໃສ່ຄລາວ: ແກເລີຣີ, ລາຍຊື່, ຂໍ້ຄວາມ, ບັນທຶກການໂທ, ບັນ​ທຶກ, ການບັນທຶກ, ການຕັ້ງຄ່າ, ສະພາບອາກາດ, ໂມງ, ກ້ອງຖ່າຍຮູບ, ວິທີປ້ອນຂໍ້ມູນ, ການຕັ້ງຄ່າ, ບຣາວເຊີ, ຕົວ​ຈັດ​ການ​ໂທ​ລະ​ສັບ, ການຕັ້ງຄ່າ Wi-Fi, ແຜນຜັງໜ້າຈໍຫຼັກ ແລະ ແອັບ. ຂໍ້ມູນຈາກແອັບພາກສ່ວນທີສາມ ຈະບໍ່ຖືກສຳຮອງ. ທ່ານສາມາດປິດໃຊ້ງານການສຳຮອງ Cloud ໃນແອັບນີ້ໄດ້ຕະຫຼອດເວລາ ເພື່ອຢຸດການອັບໂຫຼດຂໍ້ມູນ. ຖ້າອຸປະກອນ Huawei ບໍ່ໄດ້ຖືກສຳຮອງໃສ່ຄລາວເປັນໄລຍະເວລາໜຶ່ງຮ້ອຍແປດສິບ (180) ວັນ, Huawei ຂໍສະຫງວນສິດໃນການລຶບການສຳຮອງໃດໜຶ່ງທີ່ກ່ຽວຂ້ອງກັບອຸປະກອນ Huawei ນັ້ນ.

ເພີ່ມເຕີມ

ທ່ານສາມາດເປີດໃຊ້ງານການອັບໂຫຼດຂໍ້ມູນອັດຕະໂນມັດໃນ ການບັນທຶກ ແລະ ບລັອກແລ້ວ ໃນໜ້າຈໍເພີ່ມເຕີມ. ເມື່ອການປ່ຽນແປງເກີດຂຶ້ນພາຍໃນເຄື່ອງໃນອຸປະກອນຂອງທ່ານ, ພວກມັນຈະຖືກອັບໂຫຼດໃສ່ຄລາວ HUAWEI ໂດຍອັດຕະໂນມັດ, ເພື່ອໃຫ້ທ່ານສາມາດເຂົ້າເຖິງ ແລະ ດາວໂຫຼດພວກມັນຈາກອຸປະກອນ Huawei ໃດໜຶ່ງເມື່ອຈຳເປັນ.

Huawei Drive

ຖ້າຄລາວຖືກເປີດໃຊ້ງານແລ້ວ, Huawei Drive ຈະຖືກເປີດໃຊ້ງານເຊັ່ນດຽວກັນ. ທ່ານສາມາດໄປທີ່ ໄຟ​ລ໌ > Huawei Drive ແລະ ບັນທຶກໄຟລ໌ພາຍໃນເຄື່ອນຂອງທ່ານໃສ່ເຊີບເວີຄລາວ, ເພື່ອໃຫ້ທ່ານສາມາດເຂົ້າເຖິງ ແລະ ດາວໂຫຼດພວກມັນຈາກ ອຸປະກອນ Huawei ໃດໜຶ່ງ. ທ່ານຈະຕ້ອງເພີ່ມໄຟລ໌ໃສ່ Huawei Drive ດ້ວຍຕົນເອງ.

ຖ້າທ່ານລຶບ HUAWEI ID ຂອງທ່ານ, ຂໍ້ມູນຂອງທ່ານທີ່ຈັດເກັບໄວ້ໃນຄລາວຈະຖືກລຶບເຊັ່ນດຽວກັນ.


6. ຂໍ້ຕົກລົງໃນການຊື້

ລາຄາທັງໝົດສຳລັບທຸກໆການຊື້ທີ່ກຳນົດຂຶ້ນສຳລັບການບໍລິການລວມທັງ:


a)    ລາຄາຂອງແອັບ, ຄຸນ​ສົມ​ບັດ ຫຼື ການອັບເກຣດ;

b)    ຄ່າທຳນຽມບັດເຄຣດິດທີ່ກ່ຽວຂ້ອງໃດໜຶ່ງ; ແລະ

c)    ທຸກໆການຂາຍ, ໃຊ້, ຜະລິດຕະພັນ ແລະ ການບໍລິການ ("GST"), ພາສີມູນຄ່າເພີ່ມ ("VAT") ຫຼື ພາສີອື່ນໆທີ່ຄ້າຍຄືກັນ, ພາຍໃຕ້ກົດໝາຍບັງຄັບໃຊ້ ແລະ ຂຶ້ນກັບອັດຕາພາສີທີ່ມີຜົນບັງຄັບໃຊ້ໃນເວລາທີ່ທ່ານເຮັດການຊື້. ລາຄາທັງໝົດທີ່ສະແດງໃນການບໍລິການ ເປັນລາຄາທີ່ລວມເອົາ VAT, ຍົກເວັ້ນໃນກໍລະນີທີ່ລະບຸໄວ້ຢ່າງຊັດເຈນ (ແລະ ບ່ອນທີ່ໄດ້ຮັບອະນຸຍາດໂດຍກົດໝາຍທ້ອງຖິ່ນ) ເປັນລາຄາທີ່ບໍ່ລວມ VAT.


ທ່ານຮັບຮູ້ ແລະ ຍອມຮັບວ່າຄລາວ HUAWEI ມີສິດໃນການປັບປ່ຽນລາຄາສຳລັບແຜນການໃຊ້ພື້ນທີ່ຈັດເກັບ ແລະ ຈະແຈ້ງໃຫ້ທ່ານຮູ້ກ່ຽວກັບການປັບ​ປ່ຽນລາ​ຄາ​ດັ່ງ​ກ່າວໃນເວລາທີ່ເໝາະສົມກ່ອນການຊື້ແອັບໃດໜຶ່ງ. ເມື່ອການປັບປ່ຽນລາຄາມີຜົນບັງຄັບໃຊ້, ທ່ານຈະຕ້ອງຍອມຮັບລາຄາໃໝ່ ເພື່ອສືບຕໍ່ນຳໃຊ້ແອັບ. ທ່ານມີສິດທີ່ຈະຢຸດການໃຊ້ບໍລິການທີ່ກ່ຽວຂ້ອງ ຖ້າທ່ານບໍ່ຍອມຮັບລາຄາໃໝ່ ພາຍຫຼັງການປັບປ່ຽນ.

ສິດ​ໃນການຍົກເລີກ:

ຖ້າທ່ານເປັນຜູ້ທີ່ອາໄສຢູ່ໃນສະຫະພັນຣັດເຊຍ, ທ່ານສາມາດເລືອກທີ່ຈະຍົກເລີກການຊື້ຂອງທ່ານໂດຍບໍ່ຕ້ອງມີເຫດຜົນໃດໆພາຍໃນເຈັດ (7) ວັນ ຈາກວັນທີ່ທ່ານໄດ້ຮັບການຢືນຢັນວ່າ ພວກເຮົາໄດ້ຮັບການສັ່ງຊື້ຂອງທ່ານ.

ເພື່ອໃຫ້ຖືກກັບກຳນົດເວລາການຍົກເລີກ, ທ່ານຈະຕ້ອງສົ່ງໜັງສືການຍົກເລີກກ່ອນໝົດກຳນົດ 7 ວັນ. ຖ້າທ່ານຕ້ອງການຍົກເລີກການຊື້ຂອງທ່ານ, ກະລຸນາຕິດຕໍ່ຝ່າຍບໍລິການລູກຄ້າຂອງ Huawei ໂດຍໃຊ້ຂໍ້ມູນຕິດຕໍ່ທີ່ໃຫ້ໄວ້ໃນອີເມວການຢືນຢັນຂອງທ່ານ. ນອກຈາກນີ້ ທ່ານຍັງມີສິດທິໃນການນຳໃຊ້ສຳລັບການຍົກເລີກໂດຍການຕື່ມແບບຟອມການຍົກເລີກໃນເວັບໄຊທ໌ຂອງພວກເຮົາ.

ເມື່ອການຍົກເລີກສຳເລັດ, ພວກເຮົາຈະກູ້ຄືນພື້ນທີ່ບ່ອນເກັບຂໍ້ມູນຂອງທ່ານໄປ​ເປັນ​ສະ​ຖາ​ນະກ່ອນ​ການຊື້ ແລະ ໃຫ້ການຊົດເຊີຍພາຍໃນ 14 ວັນຈາກວັນທີ່ໄດ້ຮັບການແຈ້ງການຍົກເລີກຂອງທ່ານ. ຖ້າທ່ານໄດ້ໃຊ້ບ່ອນຈັດເກັບຂໍ້ມູນຫຼາຍກວ່າ 5 GB ໃນຊ່ວງໄລຍະເວລານີ້, ທ່ານອາດຈະບໍ່ສາມາດສ້າງການສຳຮອງ cloud ໃດໜຶ່ງ ຫຼື ໃຊ້ບາງຟັງຄ໌ຊັນຈົນກວ່າທ່ານຈະປ່ອຍພື້ນທີ່ບ່ອນເກັບຂໍ້ມູນຄລາວອອກ ຫຼື ຊື້ພື້ນທີ່ບ່ອນເກັບຂໍ້ມູນຄລາວເພີ່ມຕື່ມ. ສຳລັບການຊຳລະເງິນຄືນ, ພວກເຮົາຈະໃຊ້ວິທີການຊຳລະດຽວກັນກັບທີ່ໃຊ້ສຳລັບການສັ່ງຊື້ໃນຄັ້ງທຳອິດຂອງທ່ານ, ຍົກເວັ້ນແຕ່ທ່ານ ແລະ ພວກເຮົາຕົກລົງກັນເປັນຢ່າງອື່ນ.


7. ຄວາມປອດໄພບັນຊີ

ທ່ານຈະຕ້ອງຮັກ​ສາຊື່ຜູ້ໃຊ້ ແລະ ລະຫັດຜ່ານ HUAWEI ID ຂອງທ່ານ​​ໄວ້​ເປັນຂໍ້​ມູນລັບ ແລະ ເປັນຄວາມລັບ ແລະ ທ່ານຈະຕ້ອງບໍ່​ແຊ​ຣ໌ພວກມັນ​ໃຫ້ກັບບຸກຄົນອື່ນ. ພວກເຮົາຂໍແນະນຳໃຫ້ທ່ານເລືອກລະຫັດຜ່ານທີ່ເດົາຍາກ ແລະ ຈັດເກັບມັນໄວ້ໃນສະຖານທີ່ທີ່ປອດໄພ. ທ່ານຕ້ອງຮັບຜິດຊອບໃນການຮັກສາລະຫັດຜ່ານຂອງທ່ານໃຫ້ປອດໄພ ແລະ ທ່ານເຫັນດີວ່າພວກເຮົາຈະບໍ່ຮັບຜິດຊອບຕໍ່ການສູນເສຍ, ຄວາມເສຍຫາຍ, ໜີ້ສິນ ຫຼື ຂໍ້ຮຽກຮ້ອງປະເພດໃດໜຶ່ງອັນເປັນຜົນມາຈາກທ່ານໃຫ້ລາຍລະອຽດ HUAWEI ID ຂອງທ່ານແກ່ພາກສ່ວນທີສາມ.

ຖ້າທ່ານຄິດວ່າມີບຸກຄົນອື່ນໆອາດຈະກຳລັງໃຊ້​ຂໍ້​ມູນບັນຊີຂອງທ່ານ, ທ່ານຈະຕ້ອງແຈ້ງໃຫ້ພວກເຮົາຮັບຊາບທັນທີໂດຍໃຊ້ຂໍ້ມູນຕິດຕໍ່ລຸ່ມນີ້ໃນຂໍ້ຕົກລົງ. ທ່ານຕ້ອງບໍ່ໃຊ້ HUAWEI ID ຂອງບຸກຄົນອື່ນເພື່ອເຂົ້າເຖິງການບໍລິການ. ທ່ານຈະຕ້ອງໃຊ້ຂັ້ນຕອນທີ່ເໝາະສົມ ເພື່ອປົກປ້ອງຂໍ້ມູນບັນຊີ HUAWEI ID ແລະ ຂໍ້ມູນການທຸລະກຳຂອງທ່ານ ເພື່ອປ້ອງກັນການໃຊ້ໂດຍບໍ່ໄດ້ຮັບອະນຸຍາດຈາກພາກສ່ວນທີສາມ.

8. ຂໍ້ກໍານົດການໃຊ້

ໂດຍການເຂົ້າເຖິງ ແລະ ການໃຊ້ການບໍລິການ, ທ່ານຍອມຮັບ ແລະ ເຫັນດີເຮັດເຊັ່ນນັ້ນ ໃນ​ແບບ​ທີ່ຖືກຕ້ອງຕາມກົດໝາຍ ແລະ ມີຈາລິຍະທຳ ແລະ ປະຕິບັດ​ຕາມຂໍ້ຕົກລົງສະບັບສະບັບນີ້.

ໂດຍໜັງສືສະບັບນີ້ ທ່ານຮັບຮູ້ ແລະ ເຫັນດີວ່າ ທ່ານຈະບໍ່ໃຊ້ການບໍລິການໃນການສົ່ງຜ່ານຂໍ້ມູນ ຫຼື ມີສ່ວນຮ່ວມໃນກິດຈະກຳໃດໜຶ່ງ, ທີ່ບໍ່ຊື່ສັດ, ເຮັດໃຫ້ເສຍຊື່ສຽງ, ລະເມີດ, ເປັນອັນຕະລາຍ, ຫຍາບຄາຍ, ການລະເມີດສິດ, ເປັນຕາລັງກຽດ, ການຂົ່ມເຫັງ, ການລົບກວນ, ເປັນຕາໜ້າອາຍ, ເປັນຕາຊັງ, ການຍົວະຍຸ, ການຄຸກຄາມ, ຜິດກົດໝາຍ, ໝິ່ນປະໝາດ, ລາມົກ, ການບຸກລຸກຄວາມເປັນສ່ວນຕົວ ຫຼື ເປັນຕາເບື່ອໜ່າຍອື່ນໆທີ່ກ່ຽວພັນໃນເລື່ອງການໃຊ້ບໍລິການຂອງທ່ານ ລວມທັງ ແຕ່ບໍ່ຈຳກັດເຖິງທຸກສິ່ງຢ່າງທີ່ອຳນວຍຄວາມສະດວກແກ່ກິດຈະກຳທີ່ຜິດກົດໝາຍ, ການສະແດງຮູບພາບທີ່ມີເນື້ອໃນທາງເພດແບບຊັດແຈ້ງ, ການສົ່ງເສີມການໃຊ້ຄວາມຮຸ້ນແຮງ, ເປັນການເລືອກປະຕິບັດ, ເປັນສິ່ງທີ່ຜິດກົດໝາຍ ຫຼື ເຊິ່ງສາມາດ ຫຼື ເຮັດໃຫ້ເກີດຄວາມເສຍຫາຍ ຫຼື ການບາດເຈັບຕໍ່ບຸກຄົນ ຫຼື ຊັບສິນໃດໜຶ່ງ, ອາດຈະກໍ່ໃຫ້ເກີດຄວາມຮັບຜິດຊອບທາງແພ່ງ ຫຼື ທາງອາຍາຕາມກົດໝາຍບັງຄັບໃຊ້, ລວມທັງ ແຕ່ບໍ່ຈຳກັດເຖິງ, ເນື້ອຫາໃດໜຶ່ງທີ່ທ່ານບໍ່ມີສິດໂພສທ໌ ຫຼື ສົ່ງຜ່ານ ຫຼື ໃນກໍລະນີທີ່ການໂພສທ໌ ຫຼື ການສົ່ງຜ່ານດັ່ງກ່າວເປັນການລະເມີດການປະຕິບັດໜ້າທີ່ການຮັກສາຄວາມລັບ ແລະ/ຫຼື ຊັບສິນທາງປັນຍາຂອງພາກສ່ວນທີສາມ.

ຍົກເວັ້ນແຕ່ທີ່ໄດ້ລະບຸໄວ້ຢ່າງຊັດເຈນໃນຂໍ້ຕົກລົງສະບັບນີ້ ຫຼື ໄດ້ຮັບອະນຸຍາດຕາມກົດໝາຍບັງຄັບໃຊ້, ໂດຍໜັງສືສະບັບນີ້ ທ່ານເຫັນດີ ແລະ ຍອມຮັບ:


a)    ຈະບໍ່ເອົາລິຂະສິດ, ເຄື່ອງໝາຍການຄ້າ ຫຼື ປະກາດທີ່ເປັນກຳມະສິດໃດໜຶ່ງອອກໄປຈາກສ່ວນໃດສ່ວນໜຶ່ງຂອງການບໍລິການ ຫຼື ເພື່ອສົ່ງຕໍ່ພວກມັນໃນຖານະຂອງທ່ານເອງ ຫຼື ຂອງບຸກຄົນອື່ນໆ;

b)    ຈະບໍ່ຜະລິດຊ້ຳ, ເຮັດການປັບປ່ຽນ, ຫຼື ແກ້ໄຂ ເນື້ອໃນທັງໝົດ ຫຼື ບາງສ່ວນຂອງການບໍລິການ ຫຼື ສ່ວນໃດສ່ວນໜຶ່ງຂອງພວກມັນທີ່ຈະນຳມາຮ່ວມກັນ ຫຼື ລວມເຂົ້າໄວ້ໃນແອັບ ຫຼື ຂອບແວອື່ນໆໃດໜຶ່ງ;

c)    ຈະບໍ່ຮັບເອົາ ຫຼື ພະຍາຍາມທີ່ຈະເຂົ້າເຖິງ ແບບບໍ່ໄດ້ຮັບອະນຸຍາດ ຫຼື ທຳລາຍສ່ວນໃດໜຶ່ງຂອງການບໍລິການ ຫຼື ລະບົບ ຫຼື ເຄືອຂ່າຍທີ່ກ່ຽວຂ້ອງຂອງພວກມັນ;

d)    ຈະບໍ່ຖອດ, ແປງລະຫັດ, ວິສະວະກຳຍ້ອນກັບ ຫຼືສ້າງຜົນງານເຊິ່ງມີຮູບແບບຈາກທັງໝົດ ຫຼື ບາງສ່ວນຂອງການບໍລິການ ຫຼື ພະຍາຍາມທີ່ຈະເຮັດເຊັ່ນນັ້ນເກີນກວ່າຂອບເຂດທີ່ໄດ້ຮັບອະນຸຍາດຕາມກົດໝາຍຍັງຄັບໃຊ້;

e)    ຈະບໍ່ແຈກຢາຍ, ໃຫ້ອະນຸຍາດ, ໃຫ້ເຊົ່າ, ຂາຍ, ຂາຍຕໍ່, ໂອນ, ສະແດງຕໍ່ສາທາລະນະ, ເຜີຍແຜ່ຕໍ່ສາທາລະນະ, ສົ່ງຕໍ່, ຖ່າຍຖອດ, ອອກອາກາດ ຫຼື ໃຊ້ການບໍລິການໃຫ້ເກີດປະໂຫຍດອື່ນໆ;

f)    ຈະ​ບໍ່​ໃຫ້ ຫຼື ເຮັດ​ໃຫ້​ການ​ບໍ​ລິ​ການ​ທັງ​ໝົດ ຫຼື ບາງ​ສ່ວນ (ລວມ​ທັງ​ວັດ​ຖຸ ແລະ ລະ​ຫັດ​ແຫຼ່ງ​ທີ່​ມາ) ມີ​ໃຫ້​ໃນ​ຮູບ​ແບບ​ໃດ​ໜຶ່ງ​ແກ່​ບຸກ​ຄົນ​ໃດ​ໜຶ່ງ​ໂດຍ​ບໍ່​ຮັບ​ການ​ຍິນຍອມ​ທີ່​ເປັນ​ລາຍ​ລັກ​ອັກ​ສອນ​ຈາກ​ພວກ​ເຮົາ​ກ່ອນ;

g)    ຈະບໍ່ປອມຕົວເປັນບຸກຄົນໃດໜຶ່ງ ຫຼື ແອບແຝງ ຫຼື ບິດເບືອນຄວາມຈິງທີ່ກ່ຽວຂ້ອງຂອງທ່ານກັບບຸກຄົນ ຫຼື ນິຕິບຸກຄົນ;

h)    ຈະບໍ່ໃຊ້ການບໍລິການ (ຫຼືສ່ວນໃດສ່ວນໜຶ່ງ) ໃນລັກສະນະທີ່ຜິດກົດໝາຍ, ສຳລັບຈຸດປະສົງໃດໜຶ່ງທີ່ຜິດກົດໝາຍ ຫຼື ໃນລັກສະນະທີ່ບໍ່ສອດຄ່ອງກັບຂໍ້ຕົກລົງນີ້ ຫຼື ການກະທຳແບບສໍ້ໂກງ ຫຼື ແບບມີເຈດຕະນາຮ້າຍ, ລວມເຖິງແຕ່ບໍ່ມີການຈຳກັດ, ໂດຍການແຮັກເຂົ້າໄປ ຫຼື ແຊກລະຫັດທີ່ເປັນອັນຕະລາຍ, ລວມເຖິງໄວຣັສ ຫຼື ຂໍ້ມູນທີ່ເປັນອັນຕະລາຍ ລົງໃນການບໍລິການ (ຫຼື ເຂົ້າໄປໃນເວັບໄຊທ໌ທີ່ເຊື່ອມໂຍງກັບການບໍລິການ) ຫຼື ລະບົບປະຕິບັດການໃດໜຶ່ງ;

i)    ຈະບໍ່ລະເມີດສິດທິໃນຊັບສິນທາງປັນຍາຂອງພວກເຮົາ ຫຼື ຂອງພາກສ່ວນທີສາມໃດໜຶ່ງກ່ຽວກັບການເຂົ້າເຖິງ ແລະ/ຫຼື ການໃຊ້ບໍລິການຂອງທ່ານ;

j)    ຈະບໍ່ເກັບເອົາຂໍ້ມູນຂອງຜູ້ໃຊ້ບໍລິການ, ຫຼື ເຂົ້າເຖິງການບໍລິການ ຫຼື ລະບົບຂອງພວກເຮົາ, ໂດຍໃຊ້ວິທີອັດຕະໂນມັດ (ຕົວຢ່າງ, ຮາເວັດຕິງ ບຸດທ໌) ຫຼື ພະຍາຍາມທີ່ຈະຖອດລະຫັດການຮັບສົ່ງຂໍ້ມູນໄປຍັງ ຫຼື ຈາກເຊີບເວີທີ່ເປີດໃຊ້ການບໍລິການຢູ່;

k)    ຈະບໍ່ພັດທະນາ, ສະໜັບສະໜູນ ຫຼື ໃຊ້ຊອບແວ, ອຸປະກອນ, ສະຄຣິບ, ຫຸ່ນຍົນ ຫຼື ວິທີການ ຫຼື ຂະບວນການອື່ນໆໃດໜຶ່ງ (ລວມທັງໂປຣແກຣມລວບລວມຂໍ້ມູນ, ປລັກອິນ ແລະ ແອັດອອນຂອງໂປຣແກຣມທ່ອງເວັບ ຫຼື ເທັກໂນໂລຊີ ຫຼື ເທັກນິກດ້ວຍຕົນເອງອື່ນໆໃດໜຶ່ງ) ເພື່ອຂູດການບໍລິການ ຫຼືວ່າອັດສຳເນົາໂປຣໄຟລ໌ ແລະ ຂໍ້ມູນອື່ນໆຈາກການບໍລິການ;

l)    ຈະບໍ່ໃຊ້ປະໂຫຍດການບໍລິການໃນທາງການຄ້າ ໂດຍບໍ່ມີການຍິນຍອມເປັນລາຍລັກອັກສອນລ່ວງໜ້າຈາກພວກເຮົາ;

m)    ຈະບໍ່ໃຊ້ການບໍລິການເພື່ອດຶງດູດການທຸລະກຳທາງທຸລະກິດໃດໜຶ່ງທີ່ຜິດກົດໝາຍ ເຊັ່ນ ການຄ້າຂາຍອາວຸດ, ຢາເສບຕິດ, ສານຕ້ອງຫ້າມ, ຊອບແວທີ່ລະເມີດລິຂະສິດ ຫຼື ສິ່ງຕ້ອງຫ້າມອື່ນໆ;

n)    ຈະບໍ່ໃຫ້ຂໍ້ມູນການພະນັນ ຫຼື ສົ່ງເສີມໃຫ້ຜູ້ອື່ນຫຼິ້ນການພະນັນຜ່ານວິທີການໃດໜຶ່ງ;

o)    ຈະບໍ່ຂໍຂໍ້ມູນການເຂົ້າສູ່ລະບົບ ຫຼື ເຂົ້າເຖິງບັນຊີທີ່ເປັນຂອງບຸກຄົນອື່ນ;

p)    ບໍ່ໃຫ້ມີການຟອກເງິນ, ການ​ເບີກເງິນສົດ​ລ່ວງ​ໜ້າ​ແບບຜິດກົດຫມາຍ ຫຼື ໂຄງການຂາຍແບບ​ຕ່ອງ​ໂສ້;

q)    ຈະບໍ່ພະຍາຍາມ, ອຳນວຍຄວາມສະດວກ ຫຼື ສົ່ງເສີມໃຫ້ມີການລະເມີດສັນຍາສະບັບນີ້ (ຫຼື ສ່ວນໃດສ່ວນໜຶ່ງຂອງມັນ); ແລະ

r)    ຈະບໍ່ໃຊ້ການບໍລິການໃນລັກສະນະໃດໜຶ່ງທີ່ອາດຈະເຮັດໃຫ້ເສຍຫາຍ, ປິດໃຊ້ງານ, ເຮັດໃຫ້ມີພາລະໜັກເກີນໄປ, ເຮັດໃຫ້ເສຍຫາຍ ຫຼື ເປັນອັນຕະລາຍຕໍ່ການບໍລິການ, ລະບົບ ຫຼື ຄວາມປອດໄພຂອງພວກເຮົາ ຫຼື ເຂົ້າໄປຫຍຸ້ງກ່ຽວກັບຜູ້ໃຊ້ງານອື່ນ ຫຼື ລະບົບຄອມພິວເຕີຂອງບຸກຄົນອື່ນ ຫຼື ແຮັກ ຫຼື ໄດ້ຮັບສິດເຂົ້າເຖິງການບໍລິການ ຫຼື ເນື້ອໃນ (ທີ່ກຳນົດໄວ້ລຸ່ມນີ້) ຫຼື ຂໍ້ມູນທີ່ບໍ່ໄດ້ຮັບອະນຸຍາດ.

9. ເນື້ອໃນຂອງພວກເຮົາ

ພວກເຮົາ ແລະ/ຫຼື ຜູ້ໃຫ້ອະນຸຍາດຂອງພວກເຮົາ ມີສິດ, ກຳມະສິດ ແລະ ສິດຜົນປະໂຫຍດທັງໝົດໃນ ​​ແລະ ຕໍ່​ກັບຂໍ້ມູນ (ໃນຮູບແບບໃດໆ​ກໍ​ຕາມ ລວມເຖິງ ແຕ່ບໍ່ຈຳກັດ ຂໍ້ຄວາມ, ກຣາບຟິກ, ວິດີໂອ ແລະ ສຽງ), ຮູບພາບ, ໄອຄອນ, ແອັບ, ການອອກແບບ, ຊອບແວ, ສະຄຣິບ, ໂປຣແກຣມ, ລິຂະສິດ, ເຄື່ອງໝາຍການຄ້າ, ຊື່ການຄ້າ, ໂລໂກ້ ແລະ ເນື້ອໃນອື່ນໆ ແລະ ການບໍລິການທີ່ມີຢູ່ໃນ ຫຼື ຜ່ານການບໍລິການ, ລວມທັງຮູບລັກສະນະ ແລະ ຄວາມຮູ້ສຶກຂອງພວກມັນ (ເຊິ່ງເອີ້ນລວມກັນວ່າ "ເນື້ອໃນຂອງພວກເຮົາ"). ທ່ານຮັບຮູ້ວ່າ ເນື້ອໃນຂອງພວກເຮົາໄດ້ຮັບການຄຸ້ມຄອງຕາມກົດໝາຍລິຂະສິດ, ເຄື່ອງໝາຍການຄ້າ, ສິດທິໃນຖານຂໍ້ມູນ, ສິດທິ ສະເພາະພິເສດ ແລະ ກົດໝາຍຊັບສິນທາງປັນຍາ ແລະ ອຸດສະຫະກຳອື່ນໆທີ່ບັງຄັບໃຊ້ພາຍໃຕ້ກົດໝາຍຂອງປະເທດ ແລະ ສົນທິສັນຍາລະຫວ່າງປະເທດ. ການເຂົ້າເຖິງ ແລະ/ຫຼື ການໃຊ້ການບໍລິການ​ໃດໆ​ກໍ​ຕາມຂອງທ່ານຈະບໍ່ໂອນກຳມະສິດ ຫຼື ສິດທິອື່ນໆໃນ ຫຼື ຕໍ່​ກັບການບໍລິການ ຫຼື ເນື້ອໃນຂອງພວກມັນ​ໃຫ້​ແກ່​ທ່ານ ຫຼື ບຸກຄົນ​ອື່ນ, ເວັ້ນ​ເສຍແຕ່ມີ​ການກຳນົດໄວ້ເປັນຢ່າງອື່ນໃນຂໍ້ຕົກລົງນີ້.

ທ່ານອາດຈະບໍ່ສາມາດເຮັດການປ່ຽນແປງ, ອັດສຳເນົາ, ການແຍກອອກ, ການແກ້ໄຂ ຫຼື ການເພີ່ມຕື່ມໃສ່ເນື້ອໃນຂອງພວກເຮົາ ຫຼື ຂາຍ, ອັດສຳເນົາ, ເຜີຍແຜ່ ຫຼື ອະນຸຍາດໃຫ້ໃຊ້ມັນ ຫຼື ໃຊ້ເນື້ອໃນຂອງພວກເຮົາໃນທາງໃດໜຶ່ງ. ຖ້າທ່ານຕ້ອງການທີ່ຈະຈັດພິມຄືນໃໝ່, ແຍກອອກ, ເຮັດຊ້ຳ, ເຜີຍແຜ່ ຫຼືອີກຢ່າງ ໃຊ້ເນື້ອຫາຕ່າງໆຂອງພວກເຮົາ, ທ່ານຈະຕ້ອງຕິດຕໍ່ພວກເຮົາລ່ວງໜ້າ ແລະ ໄດ້ຮັບການຍິນຍອມເປັນລາຍລັກອັກສອນຈາກພວກເຮົາກ່ອນ ຍົກເວັ້ນໃນກໍລະນີທີ່ໄດ້ລະບຸໄວ້ຢ່າງຊັດເຈນໃນຂໍ້ຕົກລົງສະບັບນີ້. ອັນນີ້ຈະບໍ່ກະທົບຕໍ່ສິດທິໃດໆທີ່ທ່ານອາດຈະມີພາຍໃຕ້ກົດໝາຍບັງຄັບໃຊ້ທີ່ຈະຕ້ອງໄດ້ປະຕິບັດຕາມ.

ຖ້າທ່ານເຊື່ອວ່າ ການບໍລິການ ຫຼື ສ່ວນໃດໆ​ກໍ​ຕາມຂອງການບໍລິການ ລະເມີດລິຂະສິດ, ເຄື່ອງໝາຍການຄ້າ, ສິດທິບັດ, ຄວາມລັບທາງການຄ້າ ຫຼື ສິດທິຊັບສິນທາງປັນຍາອື່ນໆ ຫຼື ຖ້າວ່າທ່ານມີຄວາມ​ກັງວົນອື່ນໆກ່ຽວກັບການບໍລິການ, ກະລຸນາແຈ້ງເຕືອນໃຫ້ພວກເຮົາຊາບໂດຍໃຊ້ຂໍ້ມູນຕິດຕໍ່ທີ່ໃຫ້ໄວ້ລຸ່ມນີ້ໃນຂໍ້ຕົກລົງສະບັບນີ້.

10. ເນື້ອໃນຂອງທ່ານ

ພວກເຮົາບໍ່ຮຽກເອົາສິດທິຄວາມເປັນເຈົ້າຂອງໃດໜຶ່ງໃນຂໍ້ຄວາມ, ໄຟລ໌, ຮູບ, ຮູບຖ່າຍ, ຜົນງານຂອງຜູ້ແຕ່ງ ຫຼື ເນື້ອຫາໃດໜຶ່ງທີ່ທ່ານອັບໂຫຼດ, ໂພສທ໌ ຫຼື ສົ່ງຕໍ່ໄປຍັງ ຫຼື ຜ່ານທາງການບໍລິການ (ເອີ້ນລວມກັນວ່າ, "ເນື້ອໃນຂອງທ່ານ"). ທ່ານສືບຕໍ່ຮັກສາຄວາມເປັນເຈົ້າຂອງໄວ້ ແລະ ຮັບຜິດຊອບຕໍ່ເນື້ອໃນຂອງທ່ານທັງໝົດ.

11. ການ​ຕິດ​ຕາມ​ການ​ບໍ​ລິ​ການ

ທ່ານຮັບຮູ້ ແລະ ເຫັນດີວ່າ ພວກເຮົາອາດໃຊ້ດຸນພິນິດຂອງພວກເຮົາແຕ່ພຽງຜູ້ດຽວໄດ້ຕະຫຼອດເວລາ ໂດຍບໍ່ຕ້ອງແຈ້ງເຕືອນທ່ານລ່ວງໜ້າ, ໃຊ້ມາດຕະການດັ່ງກ່າວໃນຂະນະທີ່ພວກເຮົາຕັດສິນໃຈທີ່ມີຄວາມຈຳເປັນສຳລັບຈຸດປະສົງຂອງ: ການດຳເນີນການ ແລະ ການປັບປຸງການບໍລິການ, ໃຫ້ແນ່ໃຈວ່າທ່ານປະຕິບັດຕາມຂໍ້ຕົກລົງນີ້, ກົດໝາຍບັງຄັບໃຊ້, ຄຳສັ່ງ ຫຼື ຄຳແນະນຳຂອງສານໃດໜຶ່ງ ຫຼື ທິດທາງ ຫຼື ຂໍ້ກຳນົດໃດໜຶ່ງຂອງໜ່ວຍງານລັດຖະບານ, ໜ່ວຍງານບັງຄັບໃຊ້ກົດໝາຍ ຫຼື ໜ່ວຍງານກຳກັບດູແລ. ສິ່ງເຫຼົ່ານີ້ລວມທັງ ແຕ່ບໍ່ຈຳກັດເຖິງມາດຕະການສຳລັບ: ຈຸດປະສົງການປ້ອງກັນການສໍ້ໂກງ, ການປະເມີນຄວາມສ່ຽງ, ການສືບສວນ ແລະ ການຊ່ວຍເຫຼືອລູກຄ້າ.

12. ຄວາມລັບສ່ວນຕົວ ແລະ ການເກັບເອົາຂໍ້ມູນ

ເພື່ອໃຫ້ການບໍລິການທີ່ປອດໄພຫຼາຍຂຶ້ນແກ່ທ່ານ ແລະ ຊ່ວຍຮັບປະກັນຄວາມປອດໄພໃນທຸລະກຳຂອງທ່ານ, ພວກເຮົາຈະເກັບເອົາ ແລະ ປະມວນຜົນຂໍ້ມູນ ແລະ ຂໍ້ມູນທາງເຕັກ​ນິກຂອງທ່ານຕາມ ແຈ້ງການກ່ຽວກັບຄວາມເປັນສ່ວນຕົວຂອງພວກເຮົາ.

13. ການປະຕິເສດຄວາມຮັບຜິດຊອບ

ການບໍລິການແມ່ນສຳລັບໃຫ້ທ່ານໃຊ້ແຕ່ພຽງຜູ້ດຽວເທົ່ານັ້ນ ແລະ ຈະຕ້ອງບໍ່ໃຫ້ພາກສ່ວນທີສາມໃຊ້. ທ່ານເຫັນດີວ່າ ພວກເຮົາ ແລະ ບໍລິສັດໃນເຄືອ, ພະນັກງານ, ຜູ້ອຳນວຍການ, ລູກຈ້າງ, ຜູ້ຮັບເໝົາ, ຕົວແທນ, ຜູ້ໃຫ້ບໍລິການການຊຳລະເງິນພາກສ່ວນທີສາມ, ຮຸ້ນສ່ວນ, ຜູ້ອອກໃບອະນຸຍາດ ແລະ ຕົວແທນຈຳໜ່າຍອື່ນໆຂອງພວກເຮົາ (ລວມກັນເອີ້ນວ່າ "ຝ່າຍ Huawei") ບໍ່​ຮັບຜິດຊອບ​ຕໍ່​ກັບ​ການ​ສູນ​ເສຍ​ໃດໆ​ກໍ​ຕາມທີ່​ເກີດ​ຈາກການໃຊ້ການບໍລິການໃດໜຶ່ງທີ່​ບໍ່​ໄດ້​ຮັບ​ອະນຸຍາດ.

​ຝ່າຍ Huawei ຈະບໍ່ຮັບຜິດຊອບຕໍ່ການບຳລຸງຮັກສາ ຫຼື ການບໍລິການໃຫ້ການຊ່ວຍເຫຼືອອື່ນໆສຳລັບການບໍລິການນີ້. ການໃຊ້ບໍລິການຂອງທ່ານອາດຈະຖືກຂັດຈັງຫວະ, ລ່າຊ້າ ຫຼື ຢຸດສະງັກເປັນໄລຍະເວລາທີ່ບໍ່ຮູ້ຈັກ ດ້ວຍເຫດຜົນທີ່ຢູ່ນອກເໜືອການຄວບຄຸມຂອງພວກເຮົາ. ​ຝ່າຍ Huawei ຈະບໍ່ຮັບຜິດຊອບຕໍ່ຂໍ້ຮຽກຮ້ອງໃດໆ ທີ່ເກີດຂຶ້ນຈາກ ຫຼື ກ່ຽວຂ້ອງກັບການຂັດຈັງຫວະ, ລ່າຊ້າ, ການຢຸດສະງັກ ຫຼື ຄວາມຜິດພາດທີ່ຄ້າຍຄືກັນດັ່ງກ່າວ.

ໃນຂອບເຂດສູງສຸດທີ່ໄດ້ຮັບອະນຸຍາດຕາມກົດໝາຍບັງຄັບໃຊ້ໃນເຂດອຳນາດສານຂອງທ່ານ, ຝ່າຍ Huawei ຈະບໍ່ຮັບຜິດຊອບຕໍ່ກັບທ່ານ ຫຼື ຕໍ່ກັບບຸກຄົນໃດໜຶ່ງສຳລັບໜີ້ສິນ, ການສູນເສຍ, ຄວາມເສຍຫາຍ ຫຼື ຄ່າຊົດເຊີຍໃດໜຶ່ງ ຖ້າທ່ານບໍ່ສາມາດເຂົ້າເຖິງ ຫຼື ໃຊ້ການບໍລິການນີ້ໄດ້ ເນື່ອງຈາກ:


a)    ການລະງັບ ຫຼື ການຍຸຕິການໃຫ້ບໍລິການໃດໜຶ່ງໂດຍພວກເຮົາ ເພື່ອເປີດໃຊ້ງານວຽກການບຳລຸງຮັກສາ ຫຼື ອັບເດດລະບົບ, ຊອບແວ ຫຼື ຮາດແວ ທີ່ຈະຖືກດຳເນີນການ;

b)    ຄວາມລ່າຊ້າ ຫຼື ຄວາມຜິດພາດໃດໜຶ່ງຂອງລະບົບ ຫຼື ການສື່ສານຂອງເຄືອຂ່າຍທີ່ເປັນເຈົ້າຂອງ ຫຼື ຄວບຄຸມໂດຍບຸກຄົນອື່ນ ນອກເໜືອຈາກພວກເຮົາ;

c)    ການລະງັບ, ການຍົກເລີກ ຫຼື ການຍຸຕິໃດໜຶ່ງໃນທຸກໆສັນຍາ ຫຼື ຂໍ້ຕົກລົງອື່ນໆລະຫວ່າງພວກເຮົາ ແລະ ທຸກໆຜູ້ໃຫ້ການບໍລິການການຊຳລະພາກສ່ວນທີສາມຂອງພວກເຮົາທີ່ມີຜົນຕໍ່ການບໍລິການ;

d)    ຂໍ້ຜິດພາດ ຫຼື ການຂັດຈັງຫວະໃດໜຶ່ງ ເນື່ອງມາຈາກຄວາມພະຍາຍາມໃນການແຮັກ ຫຼື ການລະເມີດຄວາມປອດໄພທີ່ຄ້າຍຄືກັນ; ຫຼື

e)    ເຫດການ ຫຼື ສິ່ງທີ່ເກີດຂຶ້ນອື່ນໆໃດໜຶ່ງນອກເໜືອຈາກການຄວບຄຸມທີ່ສົມເຫດສົມຜົນຂອງພວກເຮົາ.


ການບໍລິການນີ້ຖືກສະໜອງໃຫ້ "ຕາມສະພາບທີ່ເປັນຢູ່" ແລະ ບົນພື້ນຖານ "ຕາມທີ່ມີຢູ່" ໂດຍບໍ່ມີການເປັນຕົວແທນ ຫຼື ການຮັບຮອງໃນປະເພດໃດໆ. ໃນຂອບເຂດສູງສຸດທີ່ໄດ້ຮັບອະນຸຍາດຕາມກົດໝາຍບັງຄັບໃຊ້ໃນເຂດອຳນາດສານຂອງທ່ານ, ຝ່າຍ Huawei ປະຕິເສດການຮັບປະກັນ, ເງື່ອນໄຂ ຫຼື ຂໍ້ຕົກລົງປະເພດໃດໜຶ່ງບໍ່ວ່າທັງທີ່ສະແດງອອກມາ ຫຼື ບໍ່ສະແດງອອກມາ ແລະ ບໍ່ມີການຮັບຮອງ, ການໃຫ້ຄຳໝັ້ນສັນຍາ, ການເປັນຕົວແທນ ຫຼື ການ​ຄ້ຳ​ປະ​ກັນຕໍ່ໄປນີ້:


a)    ຄວາມຄົບ​ຖ້ວນ, ຄວາມຖືກຕ້ອງ, ຄວາມເຊື່ອຖື​ໄດ້ ຫຼື ການທັນເວລາຂອງ​ເນື້ອ​ຫາໃດໜຶ່ງ​ທີ່ເຮັດໃຫ້ມີໃນ ຫຼື ຜ່ານການບໍລິການ;

b)    ການບໍລິການ ຫຼື ເຊີບເວີທີ່ເປັນແມ່ຂ່າຍທີ່ປະສະຈາກຂໍ້ບົກຜ່ອງ, ຂໍ້ຜິດພາດ, ໄວຣັສ, ຂໍ້ຕິດຂັດ ຫຼື ເນື້ອໃນທີ່ເປັນອັນຕະລາຍອື່ນໆ;

c)    ຂໍ້ບົກຜ່ອງໃດໜຶ່ງ​ໃນການດຳເນີນການ ຫຼື ຟັງຄ໌ຊັນໃຊ້ງານຂອງການບໍລິການຕ່າງໆຈະຖືກແກ້ໄຂ​ໃຫ້​ຖືກຕ້ອງ;

d)    ຄວາມໜ້າເຊື່ອຖື, ຄຸນນະພາບ ຫຼື ຄວາມຖືກຕ້ອງຂອງຟັງຄ໌ຊັນສະເພາະຂອງການບໍລິການ ແລະ ຂໍ້ມູນໃດໜຶ່ງທີ່ທ່ານໄດ້ຮັບອັນເປັນຜົນມາຈາກການໃຊ້ ຫຼື ການເຂົ້າເຖິງການບໍລິການ;

e)    ຄວາມປອດໄພ ຫຼື ລັກສະນະທີ່ປະສະຈາກຂໍ້ຜິດພາດຂອງການບໍລິການ; ແລະ

f)    ຄວາມເຊື່ອຖື​ໄ​ດ້, ຄຸນນະພາບ, ຄວາມຖືກຕ້ອງ, ການ​ມີ​ຢູ່ຂອງ​ການ​ບໍ​ລິ​ການ ຫຼື ຄວາມສາມາດ​ໃນ​ການຕອບ​ສະໜອງ​ຄວາມ​ຕ້ອງການ​ຂອງ​ທ່ານ, ໃຫ້ຜົນຮັບ​ບາງຢ່າງ ຫຼື ບັນລຸຜົນ​ໄດ້​ຮັບ​ ຫຼື ຜົນຮັບບາງຢ່າງ.


ຝ່າຍ Huawei ບໍ່ຮັບຜິດຊອບການສູນເສຍ ຫຼື ຄວາມເສຍຫາຍໃດໆ​ຕໍ່ທ່ານທີ່ເກີດຂຶ້ນ​ໃນທັງໝົດ ຫຼື ບາງສ່ວນ ໂດຍທ່ານໂດຍການອາໄສ, ການໃຊ້ ຫຼື ການຕີຄວາມໝາຍການບໍລິການ ຫຼື ຂໍ້ມູນອື່ນໆທີ່ໄດ້ຮັບຜ່ານການເຂົ້າເຖິງ ແລະ/ຫຼື ການໃຊ້ການບໍລິການຂອງທ່ານ (ຫຼື ຂອງບຸກຄົນອື່ນ).

ກົດໝາຍຂອງບາງປະເທດບໍ່ອະນຸຍາດໃຫ້ມີຄວາມຮັບຜິດຊອບກ່ຽວກັບການຮັບປະກັນ, ການໃຫ້ຄຳໝັ້ນສັນຍາ, ການເປັນຕົວແທນ ຫຼື ການຄ້ຳປະກັນທີ່ຈະຖືກແຍກ ຫຼື ຖືກຈຳກັດໂດຍສັນຍາ. ຖ້າກົດໝາຍເຫຼົ່ານີ້ມີຜົນບັງຄັບໃຊ້ກັບທ່ານ, ການຍົກເວັ້ນ ຫຼື ຂໍ້ຈຳກົດບາງຢ່າງ ຫຼື ທັງໝົດຂ້າງເທິງ ອາດຈະບໍ່ມີຜົນບັງຄັບໃຊ້ກັບທ່ານ ແລະ ທ່ານອາດຈະມີສິດທິເພີ່ມເຕີມ. ບໍ່ມີສິ່ງໃດໃນຂໍ້ຕົກລົງສະບັບນີ້ສົ່ງຜົນກະທົບຕໍ່ສິດທິທີ່ທ່ານມີສິດເປັນຜູ້ບໍລິໂພກຕາມກົດໝາຍ ຫຼື ເຊິ່ງທ່ານບໍ່ສາມາດເຫັນດີໃຫ້ແກ້ໄຂ ຫຼື ສະຫຼະສິດຕາມສັນຍາໄດ້.

14. ຂໍ້ຈຳກັດຂອງຄວາມຮັບຜິດຊອບ

ໃນຂອບເຂດສູງສຸດທີ່ໄດ້ຮັບອະນຸຍາດຕາມກົດໝາຍທີ່ບັງຄັບໃຊ້ຢູ່ໃນເຂດອຳນາດຂອງທ່ານ, ການເຂົ້າເຖິງ ແລະ ການໃຊ້ການບໍລິການຂອງທ່ານ ​ແມ່ນ​ທ່ານ​ຮັບຜິດຊອບຄວາມສ່ຽງຂອງທ່ານ​ເອງ ແລະ ຝ່າຍ Huawei ບໍ່ຮັບ​ເອົາ​ທຸກ​ຄວາມຮັບຜິດຊອບ, ການສູນເສຍ ຫຼື ຄວາມເສຍຫາຍທີ່ເກີດຂຶ້ນຈາກທ່ານ ຫຼື ບຸກຄົນອື່ນ​ໃດໆ​ກໍ​ຕາມ, ບໍ່ວ່າໃນສັນຍາ, ການເຮັດຜິດທາງກົດໝາຍ (ລວມທັງຄວາມປະໝາດ) ຫຼື ພາຍໃຕ້ຫຼັກການອື່ນໆ, ສຳລັບສິ່ງຕ່າງໆຕໍ່ໄປນີ້:


a)    ການສູນເສຍຜົນກຳ​ໄລ, ລາຍໄດ້, ລາຍຮັບ, ຂໍ້ມູນ ຫຼື ເສຍຊື່ສຽງ; ແລະ

b)    ການສູນເສຍ ຫຼື ​ຄວາມເສຍຫາຍພິເສດ, ໂດຍທາງອ້ອມ ແລະ ເປັນຜົນສືບເນື່ອງ.


ຂໍ້ຈຳກັດ ແລະ ຂໍ້ຍົກເວັ້ນໃນຂໍ້ຕົກລົງສະບັບນີ້ຈະມີຜົນບັງຄັບໃຊ້ຫຼືບໍ່ ພວກເຮົາໄດ້ຮັບຄຳແນະນຳ ຫຼື ຄວນຮັບຮູ້ເຖິງຄວາມເປັນໄປໄດ້ຂອງການເກີດຄວາມເສຍຫາຍໃດໜຶ່ງຂຶ້ນ.

ຖ້າທ່ານບໍ່ພໍໃຈໃນດ້ານການບໍລິການໃດໜຶ່ງ, ວິທີແກ້ໄຂແຕ່ພຽງຜູ້ດຽວ ແລະ ທັງໝົດແມ່ນໃຫ້ຢຸດການເຂົ້າເຖິງ ແລະ ການໃຊ້ການບໍລິການນີ້ໄດ້ຕະຫຼອດເວລາ. ໂດຍບໍ່ລະເມີດຕໍ່ຂໍ້ຈຳກັດກ່ອນໜ້າ ແລະ ຂອບເຂດສູງສຸດທີ່ໄດ້ຮັບອະນຸຍາດຕາມກົດໝາຍບັງຄັບໃຊ້ໃນເຂດອຳນາດຂອງທ່ານ, ຝ່າຍ Huawei ຈະບໍ່ຮັບຜິດຊອບບໍ່ວ່າໃນກໍລະນີໃດໆທັງໝົດຕໍ່ກັບທ່ານ ຫຼື ຕໍ່ກັບບຸກຄົນອື່ນໆໃດໜຶ່ງໃນການຮຽກຮ້ອງ, ການດຳເນີນຄະດີ, ພາລະໜີ້ສິນ, ຄວາມຮັບຜິດຊອບ, ຄວາມເສຍຫາຍ, ການສູນເສຍ ແລະຄ່າໃຊ້ຈ່າຍຕ່າງໆ, ບໍ່ວ່າຈະຢູ່ໃນສັນຍາ, ການເຮັດຜິດທາງກົດໝາຍ (ລວມທັງການປະໝາດ) ຫຼື ຢູ່ພາຍໃຕ້ຫຼັກການອື່ນໆໃດໜຶ່ງເກີນ HKD 500.00. ທ່ານຮັບຮູ້ ແລະ ເຫັນດີນຳຄຳປະຕິເສດ ແລະ ຂໍ້ຈຳກັດຂອງຄວາມຮັບຜິດຊອບທີ່ສະແດງໄວ້ໃນຂໍ້ຕົກລົງສະບັບນີ້ມີຄວາມຍຸຕິທຳ ແລະ ສົມເຫດສົມຜົນ.

ກົດໝາຍຂອງບາງປະເທດບໍ່ອະນຸຍາດໃຫ້ບາງສ່ວນ ຫຼື ທັງໝົດຂອງຂໍ້ຈຳກັດ ແລະ ຂໍ້ຍົກເວັ້ນທີ່ອະທິບາຍໄວ້ຢູ່ຂ້າງເທິງ. ຖ້າກົດໝາຍເຫຼົ່ານີ້ນຳໃຊ້ກັບທ່ານ, ຂໍ້ຈຳກັດບາງສ່ວນ ຫຼື ທັງໝົດອາດຈະບໍ່ໃຊ້ກັບທ່ານ ແລະ ທ່ານອາດຈະສິດທິເພີ່ມເຕີມ. ບໍ່ມີສິ່ງໃດໃນຂໍ້ຕົກລົງສະບັບນີ້ສົ່ງຜົນກະທົບຕໍ່ສິດທິທີ່ທ່ານມີສິດເປັນຜູ້ບໍລິໂພກຕາມກົດໝາຍ ຫຼື ເຊິ່ງທ່ານບໍ່ສາມາດເຫັນດີໃຫ້ແກ້ໄຂ ຫຼື ສະຫຼະສິດຕາມສັນຍາໄດ້.

15. ການຍົກເລີກໂດຍທ່ານ

ທ່ານສາມາດຍົກເລີກບັນຊີຂອງທ່ານຜ່ານການຕັ້ງຄ່າບັນຊີຂອງທ່ານ ຫຼື ໂດຍການຢຸດໃຊ້ການບໍລິການນີ້.

16. ການຍົກເລີກ ແລະ ການໂຈະໂດຍພວກເຮົາ

ພາຍໃຕ້ກົດໝາຍບັງຄັບໃຊ້, ພວກເຮົາອາດຈະໂຈະ, ຍົກເລີກ ຫຼື ກຳນົດຂອບເຂດ ຫຼື ຈຳກັດການເຂົ້າເຖິງການບໍລິການໃນສ່ວນໃດໜຶ່ງ ຫຼື ທັງໝົດເປັນການຊົ່ວຄາວ ຫຼື ຖາວອນ ໄດ້ຕະຫຼອດເວລາ, ໂດຍບໍ່ຕ້ອງຮັບຜິດຊອບຕໍ່ກັບບຸກຄົນໃດໜຶ່ງ ຫຼື ພາກສ່ວນທີສາມ. ພວກເຮົາຈະພະຍາຍາມແຈ້ງໃຫ້ທ່ານຊາບກ່ອນທີ່ຈະດຳເນີນການນີ້. ເຖິງຢ່າງໃດກໍ່ຕາມ, ພວກເຮົາ​ບໍ່​ຈຳ​ເປັນ​ຕ້ອງແຈ້ງໃຫ້ທ່ານຊາບກ່ອນລ່ວງໜ້າ ແລະ ພວກເຮົາອາດຈະກຳນົດຂອບເຂດ, ຍົກເລີກ, ໂຈະ ຫຼື ຈຳກັດການເຂົ້າເຖິງການບໍລິການສ່ວນໃດໜຶ່ງ ຫຼື ທັງໝົດຂອງທ່ານພາຍໃຕ້ສະຖານະການ​ຕ່າງໆຕໍ່ໄປນີ້, ລວມ​ທັງ ​ແຕ່​ບໍ່​ຈຳ​ກັດເຖິງ:


a)    ຖ້າທ່ານລະເມີດ ຫຼື ຖ້າພວກເຮົາເຊື່ອວ່າທ່ານກຳລັງຈະລະເມີດຂໍ້ຕົກລົງສະບັບນີ້, ລວມເຖິງຂໍ້ຕົກລົງ, ນະໂຍບາຍ ຫຼື ຂໍ້​ແນະ​ນຳໃດໜຶ່ງທີ່ຮ່ວມຢູ່ດ້ວຍ;

b)    ຖ້າທ່ານ ຫຼື ບຸກຄົນໃດໜຶ່ງທີ່ກະທຳໃນນາມຂອງທ່ານ ກະທຳແບບສໍ້ໂກງ ຫຼື ຜິດກົດໝາຍ ຫຼື ໃຫ້ຂໍ້ມູນທີ່ບໍ່ເປັນຄວາມຈິງ ຫຼື ຂໍ້ມູນທີ່ຜິດພາດກັບພວກເຮົາ;

c)    ໃນການຕອບກັບຕໍ່ກັບການຮ້ອງຂໍໂດຍການບັງຄັບໃຊ້ກົດໝາຍ ຫຼື ໂດຍໜ່ວຍງານຂອງລັດຖະບານອື່ນໆ ພາຍໃຕ້ຂະບວນການທາງກົດໝາຍທີ່ໃຊ້ໄດ;

d)    ໃນກໍລະນີຂອງການບຳລຸງຮັກສາແບບຮີບດ່ວນ ຫຼື ອັບເດດລະບົບ ຫຼື ຮາດແວແບບຮີບດ່ວນ; ຫຼື

e)    ເນື່ອງຈາກເຫດຜົນດ້ານວິຊາການ, ຄວາມປອດໄພ, ທຸລະກິດ ຫຼື ຄວາມປອດໄພທີ່ບໍ່ຄາດຄິດ;


ການເປີດໃຊ້ງານຄືນໃໝ່ ຫຼື ການ​ຢຸດ​ເຊົາ​ຂໍ້​ຕົກລົງສະບັບນີ້​ບໍ່​ມີ​ຜົນ​ຕໍ່​ກັບ​ຂໍ້​ບັນຍັດ​ຂອງ​ຂໍ້​ຕົກລົງສະບັບນີ້​ທີ່​ແຈ້ງ​ບອກ​ເພື່ອ​ດຳ​ເນີນ​ງານ ຫຼື ທີ່ມີ​ຜົນ​ຫຼັງຈາກການ​ປິ​ດນຳ​ໃຊ້ ຫຼື ການ​ຢຸດ​ເຊົາດັ່ງກ່າວ ​ແລະ ​ໂດຍ​ບໍ່​ຂັດ​ກັບ​ສິດທິ ຫຼື ພັນທະ​ທີ່​ສະ​ສົມເພີ່ມ​ຂຶ້ນ ຫຼື ສິດທິ ຫຼື ພັນທະ​ໃດໆ​ກໍ​ຕາມທີ່​ມີ​​ເຈດ​ຕະນາ​ເພື່ອ​​ເຮັດ​ໃຫ້​ມີ​ການ​ປິດ​ນຳ​ໃຊ້ ຫຼື ການ​ຢຸດ​ເຊົາ​ດັ່ງກ່າວ.

​​ບົດ​ບັນ​ຍັດ​ໃດໜຶ່ງຂອ​ງ​ຂໍ້​ຕົກ​ລົງ​ນີ້ມີ​ຈຸດ​ປະ​ສົງ​ຢ່າງ​ຊັດ​ເຈນ ຫຼື ຕາມ​ທຳ​ມະ​ຊາດ​ຂອງ​ພວກ​ມັນ​ເພື່ອ​ຮັກ​ສາ​ການ​ຢຸດ​ຕິ​ຂໍ້​ຕົກ​ລົງ, ຈະ​ຍັງຄົງບັງ​ຄັບ​ໃຊ້ ແລະ ມີ​ຜົນ​ບັ​ງ​ຄັບ​ໃຊ້​ເຕັມ​ຮູບ​ແບບ​ຕໍ່​ຜົນ​ຕາມ​ມາ ແລະ ເຖິງ​ແມ່ນ​ຈະ​ມີ​ການຢຸດ​ຕິ​ດັ່ງ​ກ່າວ​ແລ້ວ​​ກໍ່​ຕາມ, ຈົນ​ກວ່າ​ບົດ​ບັນ​ຍັດດັ່ງກ່າວ​ຈະພໍໃຈ ຫຼື ​ໝົດ​ອາ​ຍຸ​ຕາມ​​ທຳ​ມະ​ຊາດ​ຂອງ​ພວກ​ມັນ.

Huawei ຂໍສະຫງວນສິດໃນການລຶບຂໍ້ມູນໃດໜຶ່ງທີ່ກ່ຽວຂ້ອງກັບບັນຊີຂອງທ່ານໃນກໍລະນີທີ່ບັນຊີຍັງຄົງບໍ່ໄດ້ໃຊ້ງານເປັນເວລາສິບສອງ (12) ເດືອນຕິດຕໍ່ກັນ.

17. ການປ່ຽນແປງໃນຂໍ້ຕົກລົງສະບັບນີ້

ພວກເຮົາມີການສ້າງສັນ, ການປ່ຽນແປງ ແລະ ການປັບປຸງການບໍລິການນີ້ຢ່າງຕໍ່ເນື່ອງ. ພວກເຮົາອາດເພີ່ມ ຫຼື ເອົາຟັງຄ໌ຊັນ ຫຼື ຄຸນສົມບັດອອກໄປ, ສ້າງຂໍ້ຈຳກັດໃໝ່ກັບການບໍລິການ ຫຼື ໂຈະ ຫຼື ຢຸດການບໍລິການແບບຊົ່ວຄາວ ຫຼື ແບບຖາວອນ. ພວກເຮົາສາມາດປ່ຽນແປງຂໍ້ຕົກລົງສະບັບນີ້ໄດ້ຕະຫຼອດເວລາ ແລະ ໂພສທ໌ຂໍ້ກຳນົດສະເພາະເພີ່ມເຕີມ, ຫຼັກປະພຶດປະຕິບັດ ຫຼື ຫຼັກເກນທີ່ຄວບຄຸມໃນສ່ວນສະເພາະ, ບາງສ່ວນ ຫຼື ທັງໝົດຂອງການບໍລິການຂອງພວກເຮົາ.

ພວກເຮົາຈະແຈ້ງໃຫ້ທ່ານຮູ້ພາຍໃນໄລຍະເວລາທີ່ເຫັນສົມຄວນຂອງການປ່ຽນແປງໃດໜຶ່ງໃນການບໍລິການ ຫຼື ຂໍ້ຕົກລົງທີ່ຈະສົ່ງຜົນເສຍຫາຍຕໍ່ຜູ້ໃຊ້ ຫຼື ຈຳກັດການເຂົ້າເຖິງ ຫຼື ການໃຊ້ການບໍລິການຢ່າງຫຼວງຫຼາຍ. ພວກເຮົາອາດຈະບໍ່ແຈ້ງໃຫ້ທ່ານຊາບລ່ວງໜ້າກ່ຽວກັບການແກ້ໄຂຂໍ້ຕົກລົງສະບັບນີ້ ຫຼື ການປ່ຽນແປງການບໍລິການທີ່ບໍ່ກະທົບ ຫຼື ສົ່ງຜົນເສຍຢ່າງຫຼວງຫຼາຍຕໍ່ຜູ້ໃຊ້ຂອງພວກເຮົາ ຫຼື ບໍ່ຈຳກັດການເຂົ້າເຖິງ ຫຼື ການໃຊ້ການບໍລິການຂອງພວກເຮົາ. ສຳລັບການປ່ຽນແປງການບໍລິການທີ່ພວກເຮົາຈຳເປັນຕ້ອງໄດ້ດຳເນີນການ ເພື່ອໃຫ້ເປັນໄປຕາມຂໍ້ກຳນົດດ້ານຄວາມປອດໄພ, ຄວາມປອດໄພ, ຂໍ້ກຳນົດທາງດ້ານກົດໝາຍ ຫຼື ກົດລະບຽບ, ພວກເຮົາອາດຈະບໍ່ສາມາດປະຕິບັດຕາມກຳນົດເວລາທີ່ກ່າວມາຂ້າງເທິງ ແລະ ພວກເຮົາຈະອັບເດດໃຫ້ທ່ານຮູ້ກ່ຽວກັບການປ່ຽນແປງເຫຼົ່ານີ້ທັນທີທີ່ສາມາດເຮັດໄດ້.

18. ຂໍ້ກຳນົດທົ່ວໄປ

ການບໍລິການນີ້ ຫຼື ພາກສ່ວນທີສາມອາດຈະມີການເຊື່ອມໂຍງກັບເວັບໄຊທ໌ ຫຼື ແຫຼ່ງຂໍ້ມູນອື່ນໆ. ທ່ານຮັບຮູ້ ແລະ ເຫັນດີວ່າ ພວກເຮົາບໍ່ມີສ່ວນຮັບຜິດຊອບຕໍ່ການມີຢູ່ຂອງເວັບໄຊທ໌ ຫຼື ແຫຼ່ງຂໍ້ມູນພາຍນອກດັ່ງກ່າວ ແລະ ບໍ່ຮັບຮອງ ແລະ ບໍ່ຮັບຜິດຊອບ ຫຼື ຮັບຜິດຕໍ່ເນື້ອໃນ, ການໂຄສະນາ, ຜະລິດຕະພັນ ຫຼື ເນື້ອຫາອື່ນໆໃດໜຶ່ງໃນ ຫຼື ມີຢູ່ຈາກເວັບໄຊທ໌ ຫຼື ແຫຼ່ງຂໍ້ມູນດັ່ງກ່າວ. ນອກຈາກນີ້ ທ່ານຍັງຮັບຮູ້ ແລະ ເຫັນດີວ່າ ພວກເຮົາບໍ່ມີສ່ວນຮັບຜິດຊອບ ຫຼື ຮັບຜິດທັງໂດຍທາງກົງ ແລະ ທາງອ້ອມຕໍ່ຄວາມເສຍຫາຍ ຫຼື ຄວາມສູນເສຍໃດໜຶ່ງທີ່ເກີດຂຶ້ນ ຫຼື ຖືກກ່າວຫາວ່າເກີດຈາກ ຫຼື ກ່ຽວເລື່ອງກັບການໃຊ້ ຫຼື ການອາໄສເນື້ອໃນ, ສິນຄ້າ ຫຼື ການບໍລິການດັ່ງກ່າວໃດໜຶ່ງທີ່ມີຢູ່ໃນ ຫຼື ຜ່ານທາງເວັບໄຊທ໌ ຫຼື ແຫຼ່ງຂໍ້ມູນດັ່ງກ່າວໃດໜຶ່ງ.

ບໍ່ມີສິ່ງໃດໃນຂໍ້ຕົກລົງສະບັບນີ້ຈະຖືກຕີຄວາມເພື່ອສ້າງສາຍພົວພັນແຫ່ງການເປັນຫຸ້ນສ່ວນ ຫຼື ຕົວແທນລະຫວ່າງທ່ານກັບພວກເຮົາ ແລະ ທັງສອງຝ່າຍບໍ່ມີສິດ ຫຼື ອຳນາດໃນການກໍ່ໃຫ້ເກີດໜີ້ສິນ ຫຼື ຄ່າໃຊ້ຈ່າຍ ຫຼື ເຂົ້າຮ່ວມໃນສັນຍາໃດໜຶ່ງ ຫຼື ການດຳເນີນການໃດໜຶ່ງໃນຊື່ຂອງ ຫຼື ໃນນາມຂອງອີກຝ່າຍໜຶ່ງ.

ພວກເຮົາອາດຈະມອບໝາຍ, ເຮັດເປັນສັນຍາຍ່ອຍ ຫຼື ສົ່ງມອບສິດ ແລະ/ຫຼື ຂໍ້ຜູກພັນໃດໜຶ່ງຂອງພວກເຮົາພາຍໃຕ້ຂໍ້ຕົກລົງສະບັບນີ້ ແລະ ທ່ານເຫັນດີທີ່ຈະດຳເນີນການໃດໜຶ່ງ ແລະ ເອກະສານທັງໝົດທີ່ຈຳເປັນ ຫຼື ເປັນທີ່ຕ້ອງການສຳລັບຈຸດປະສົງດັ່ງກ່າວ.

ຖ້າບົດບັນຍັດໃດໜຶ່ງ (ຫຼືບາງສ່ວນຂອງບົດບັນຍັດ) ຂອງຂໍ້ຕົກລົງສະບັບນີ້ ຖືກຄົ້ນພົບໂດຍສານທີ່ມີອຳນາດ ຫຼື ໜ່ວຍງານທີ່ມີອຳນາດອື່ນໆໃດໜຶ່ງຖືວ່າເປັນໂມຄະ, ໃຊ້ບໍ່ໄດ້ ຫຼື ບໍ່ມີຜົນບັງຄັບໃຊ້, ຈະຖືວ່າເປັນການລຶບອອກຈາກຂໍ້ຕົກລົງສະບັບນີ້ ແລະ ບົດບັນຍັດອື່ນໆທັງໝົດຂອງຂໍ້ຕົກລົງສະບັບນີ້ຈະຍັງຄົງມີຜົນບັງຄັບໃຊ້ທັງໝົດ ແລະ ມີຜົນຕໍ່ຂອບເຂດທີ່ບົດບັນຍັດທີ່ເຫຼືອຢູ່ສາມາດໃຊ້ໄດ້ໂດຍບໍ່ຕ້ອງມີບົດບັນຍັດທີ່ຕັດສິນວ່າ ເປັນໂມຄະ, ໃຊ້ບໍ່ໄດ້ ຫຼື ບໍ່ມີຜົນບັງຄັບໃຊ້.

ຂໍ້ຕົກລົງນີ້ຄືຄວາມເຂົ້າໃຈທັງໝົດລະຫວ່າງທ່ານກັບພວກເຮົາທີ່ກ່ຽວຂ້ອງກັບການບໍລິການ ແລະ ທ່ານຮັບຮູ້ ແລະ ເຫັນດີວ່າ ທ່ານຍັງບໍ່ໄດ້ເພິ່ງພາ ຫຼື ຖືກຊັກນຳໃຫ້ເຂົ້າສູ່ຂໍ້ຕົກລົງນີ້ໂດຍອາໄສການເປັນຕົວແທນ, ການ​ຄ້ຳ​ປະ​ກັນ ຫຼື ໃຫ້ຄຳໝັ້ນສັນຍາ ເຊິ່ງບໍ່ຢູ່ໃນຂໍ້ຕົກລົງນີ້.

19. ກົດໝາຍທີ່ບັງຄັບໃຊ້ ແລະ ເຂດອຳນາດ

ການກຳເນີດ, ການຕີຄວາມໝາຍ ແລະ ການປະຕິບັດຕາມຂໍ້ຕົກລົງນີ້ ແລະ ຂໍ້ຂັດແຍ້ງ ຫຼື ການຮຽກຮ້ອງໃດໜຶ່ງທີ່ເກີດຂຶ້ນຈາກ ຫຼື ກ່ຽວຂ້ອງກັບພວກເຂົາ (ລວມທັງຂໍ້ຂັດແຍ້ງ ຫຼື ການຮຽກຮ້ອງທີ່ບໍ່ຢູ່ໃນສັນຍາ) ຖືກຄວບຄຸມໂດຍ ແລະ ຕີຄວາມໝາຍຕາມກົດໝາຍຂອງຮົງກົງ. ຍົກເວັ້ນທີ່ລະບຸໄວ້ເປັນຢ່າງອື່ນໂດຍກົດໝາຍບັງຄັບໃຊ້, ທ່ານ ແລະ ພວກເຮົາເຫັນດີວ່າ ສານຂອງຮົງກົງມີອຳນາດໃນການພິຈາລະນາ ແລະ ກຳນົດຂໍ້ຂັດແຍ້ງ, ຂໍ້ຮຽກຮ້ອງ, ການກະທຳ ຫຼື ການດຳເນີນຄະດີໃດໜຶ່ງທີ່ອາດຈະເກີດຈາກ ຫຼື ກ່ຽວຂ້ອງກັບຂໍ້ຕົກລົງນີ້. ເຖິງຢ່າງໃດກໍ່ຕາມ, ສິ່ງນີ້ບໍ່ໄດ້ເປັນການປ້ອງກັນບໍ່ໃຫ້ພວກເຮົາດຳເນີນການຕາມກົດໝາຍນອກຮົງກົງ.

20. ການຕິດຕໍ່ພວກເຮົາ

ຖ້າທ່ານມີຄຳຖາມໃດໜຶ່ງກ່ຽວກັບຂໍ້ຕົກລົງນີ້, ກະລຸນາ ຕິດຕໍ່ພວກເຮົາ.

ອັບເດດຫຼ້າສຸດ: ວັນທີ 27 ສິງຫາ 2019