HUAWEI Cloud සහ රහස්‍යතාව පිළිබඳ ප්රකාශය

HUAWEI Cloud යනු අයර්ලන්තය පදනම් කර ගත් Huawei හි පරිපාලිතයක් වන Aspiegel Limited (මින් ඉදිරියට "අපි", "අප" හෝ "අපගේ" ලෙස හැඳින්වේ) විසින් සපයන සේවාවකි. HUAWEI Cloud ඔබගේ දත්ත වලාකුළු සර්වර වෙත ස්වයංක්‍රීයව සමමුහුර්තය, උපස්ථ කිරීම සහ පැටවීම කරන අතර එබැවින් ඔබ ඕනෑම උපාංගයක් මත ලොගින් වූ විට ඔබට එයට පිවිසීමට සහ කළමනාකරණය කිරීමට හැකිය.

මෙම ප්‍රකාශය විස්තර කරන්නේ:

1. අපි ඔබ ගැන රැස් කරන්නේ කුමන දත්තද?

2. අපි ඔබගේ දත්ත භාවිතා කරන්නේ කෙසේ ද?

3. අපි ඔබගේ දත්ත කොපමණ කලක් ගබඩා කර ගන්නේ ද?

4. අපි ඔබගේ දත්ත හුවමාරු කරන්නේ කෙසේ ද?

5. ඔබේ හිමිකම් සහ විකල්ප මොනවාද?

6. අපව සම්බන්ධ කර ගන්නේ කෙසේද?

7. අපි මෙම ප්රකාශය යාවත්කාලීන කරන්නේ කෙසේද?

1 අපි ඔබ ගැන රැස් කරන්නේ කුමන දත්තද?

HUAWEI Cloud සේවාවේ කොටසක් ලෙස මෙම ප්‍රකාශනයේ දක්වා ඇති අරමුණු සඳහා පමණක් අප විසින් ඔබගේ පෞද්ගලික දත්ත එක් රැස් කර භාවිතා කරනු ඇත. පෞද්ගලික දත්ත යන්නෙන් අදහස් වන්නේ ඔබ පරිශීලකයෙක් ලෙස හඳුනාගැනීමට අපට ඉවහල් වන යම් තොරතුරකි.
අපි පහත දත්ත රැස් කර සකසමු:

ගිණුම් තොරතුරු: ගිණුමේ නම, විද්‍යුත් තැපැල් ලිපිනය, දුරකථන අංකය, පැතිකඩ පින්තූරය, පරිශීලක නාමය, රටේ කේතය, ගිණුම් හැඳිනීම්කරු, සහ පරිශීලක සේවා ටෝකනය වැනි.

උපාංග තොරතුරු: උපාංග ID (ඔබගේ පද්ධතිය මත පදනම්ව MEID, UDID හෝ IMEI, වැනි), OAID, උපාංග මාදිලිය, මෙහෙයුම් පද්ධතිය, APK අනුවාදය සහ භාෂා සැකසුම් වැනි.

ජාල තොරතුරු: IP ලිපිනය, ජාල වර්ගය, සහ සම්බන්ධතා තත්වය වැනි.

සේවා භාවිත තොරතුරු: HUAWEI Cloud අනුවාදය, බාගත් මූලාශ්‍රය, යෙදුම විවෘත කරන සහ වසන වේලාව, ස්ථාපිත යෙදුම් ලැයිස්තුව, ක්ලික් කිරීම් සහ නිරාවරණය, පැකේජ තොරතුරු (නම, ධාරිතාව සහ කාල සීමාව), මිලදී ගැනීමේ තොරතුරු (වේලාව, ප්‍රමාණය සහ ඇණවුම් ID), පද්ධති ලොග් සහ දෝෂ ලොග්.

සමමුහුර්ත කළ, උපස්ථ කළ හෝ පැටවූ දත්ත (ඔබගේ ලියාපදිංචි HUAWEI ID රට/කලාපය තුළ ලද හැකි විශේෂාංග මත පදනම්ව ප්‍රතිඵල විවිධ වීමට ඉඩ ඇත): සමමුහුර්ත කළ දත්ත (සබඳතා, දින දර්ශන සිද්ධි, Wi-Fi සැකසුම්, සටහන්, ඡායාරූප සහ වීඩියෝ ඇතුළුව), Cloud උපස්ථකරණ දත්ත (සබඳතා, දින දර්ශන සිද්ධි, Wi-Fi සැකසුම්, සටහන්, ඡායාරූප සහ වීඩියෝ, පටිගත කිරීම්, ඇමතුම් ලොගය, හිරිහැර ‍පෙරහන සහ සැකසුම්, පණිවුඩ, දුරකථන කළමනාකරු සැකසුම්, බ්‍රව්සර පොත් සලකුණු, කාලගුණ සැකසුම්, තිර පිරිසැලසුම, කැමරා සැකසුම්, දුරකථන සැකසුම්, FM රේඩියෝ සැකසුම්, එලාම සැකසුම්, SmartCare සැකසුම්, සහ ස්ථාපිත යෙදුම් ලැයිස්තුව ඇතුළුව) Huawei Drive ගොනු (ඔබ පැටවීමට තෝරාගන්නා දේශීය ගොනු වෙතොත් ඒවා ඇතුළත්ව) සහ Cloud වෙබ් අඩවිය මත ඔබගේ බැංකු කාඩ්පත් කළමනාකරණය (ඉවත් කිරීම සහ අත්හිටුවීම) සඳහා ව්‍යාජනය කරන ලද බැංකු කාඩ්පත් අංකය (අවසන් ඉලක්කම් හතර). බැංකු කාඩ්පත් තොරතුරු Cloud මත ගබඩා නොකෙරේ..


ඔබ ඔබගේ දත්ත කළමනාකරණය කිරීමට ඔබගේ HUAWEI ID මගින් නිල HUAWEI Cloud වෙබ් අඩවියට (cloud.huawei.com) පූරණය වන්නේ නම් පහත දත්ත ද රැස් කෙරෙනු ඇත:

බ්‍රව්සර සහ භාවිත තොරතුරු: කුකීස්, IP ලිපිනය, බ්‍රව්සර වර්ගය, වේලා කලාපය, භාෂාව, සහ මූසික සහ යතුරු පුවරු මෙහෙයුම් වැනි. කුකී පිළිබඳ තවත් තොරතුරු සඳහා, කරුණාකර අපගේ කුකී රහස්‍යතාවකියවන්න.

HUAWEI Cloud හට උපාංග තොරතුරු ලබාගැනීමට දුරකථනය වෙත පිවිසීමේ අවසරය සහ සමමුහුර්තකරණ සහ උපස්ථ සේවාව පිරිනැමීමට ගබඩාව, කැමරාව, පණිවුඩකරණය, සබඳතා සහ දින දර්ශනය වෙත පිවිසීමට අවශ්‍ය වේ.

2 අපි ඔබගේ දත්ත භාවිතා කරන්නේ කෙසේ ද?

Cloud සමමුහුර්තය, Cloud උපස්ථකරණය, Huawei Drive සහ අනෙකුත් දත්ත සේවා ඇතුළු HUAWEI Cloud ක්‍රියාකාරීත්ව යොදාගැනීමට මෙන්ම, ගිවිසුම්ගත බැඳීම් සම්පූර්ණ කිරීමට ද, පාරිභෝගික සම්බන්ධතා කළමනාකරණය, සහය සහ සන්නිවේදනය, පාරිභෝගික පැමිණිලි හැසිරවීම, නඩත්තුව, මෘදුකාංග සහ පද්ධති යාවත්කාලය, පරිශීලක හඳුනාගැනීම සහ ගැටළු නිශ්චය කිරීම් සහ අලුත්වැඩියා අරමුණු සඳහා ඔබගේ දත්ත රැස් කර සැකසුම් කිරීමට ද යෙදුමට අවශ්‍ය වේ.

අතිරේකව, නීත්‍යානුකූල කැමැත්ත මත පදනම්ව පහත අරමුණු සඳහා අපි ඔබගේ පෞද්ගලික දත්ත භාවිතා කරමු:

ඔබගේ භාවිත ක්‍රියාකාරකම් මත පදනම්ව සමූහස්ථ කණ්ඩායම් නිර්මාණය ඇතුළුව සංඛ්‍යාන සහ නිෂ්පාදන වැඩිදියුණු කිරීමේ අරමුණු. මෙමගින් අපගේ පරිශීලකයන්ගේ අවශ්‍යතා වටහා ගැනීමට සහ අපගේ වර්තමාන සහ අනාගත සේවා සහ දීමනාවල ගුණාත්වය සහ පරිශීලක අත්දැකීම වැඩිදියුණු කිරීමට ද අපව සක්‍රීය කරයි. පහත5.5 කොටසේ විස්තර කර ඇති පරිදි ඔබට එවැනි සැකසීම් සඳහා එරෙහි විය හැකිය.

අපගේ දීමනා, විකුණුම් ප්‍රවර්ධන සහ වෙනත් වෙළඳ අරමුණු පිළිබඳ සන්නිවේදනය ඇතුළුව වෙළඳ ප්‍රචාරණය මෙන්ම වෙළඳ ප්‍රචාරණය සඳහා සමූහස්ථ ඉලක්ක නිර්මාණය සඳහා. අපේ ගනුදෙනුකරුවන්ගේ මනාප දැන ගැනීමෙන් අපට අපේ පිරිනැමීම් ඉලක්කගත කිරීමට සහ අපේ පාරිභෝගිකයින්ගේ අවශ්යතා සහ අපේක්‍ෂාවන්ට වඩා හොඳින් ගැළපෙන නිෂ්පාදන සහ සේවා පිරිනැමීමට අපට හැකිය. පහත5.5 කොටසේ විස්තර කර ඇති පරිදි ඔබට එවැනි සැකසීම් සඳහා එරෙහි විය හැකිය.

ඔබට ආරක්ෂිත සහ විශ්වාසනීය සේවා සැපයීමට සේවා වැරදි භාවිතයේ විවිධ ආකාර සහ වංචාව හඳුනා ගැනීමට හෝ වැළැක්වීම ඇතුළු තොරතුරු ආරක්ෂක අරමුණු.

අත්‍යාවශ්‍ය විට අපි ඔබට සේවා-සම්බන්ධ දැනුම්දීම් (පද්ධති නඩත්තු දැන්වීම්, ගනුදෙනු වාර්තා සහ වළා ගබඩාව භාවිත සිහිපත් කිරීම් වැනි) එවීමට ඉඩ ඇත. ස්වභාවයෙන් ප්‍රවර්ධනාත්මක නොවන වැදගත් සේවා-සම්බන්ධ දැනුම්දීම් ලැබීම තෝරා ඉවත් කිරීමට ඔබට නොහැකි වීමට ඉඩ ඇත.

අපට අදාලවන නීති සහ රෙගුලාසි මගින් අවශ්‍ය කරන පරිදි බදු සහ ගිණුම්කරණ අරමුණු සඳහා අපි ඔබගේ පැකේජ සහ මිලදීගැනීම් තොරතුරු ද සැකසුම් කරමු.

3 අපි ඔබගේ දත්ත කොපමණ කලක් ගබඩා කර ගන්නේ ද?

මෙම ප්‍රකාශය තුළ දක්වා ඇති අරමුණු වලට අත්‍යාවශ්‍ය කාල සීමාවෙන් පසු අපි ඔබගේ පෞද්ගලික දත්ත තබා නොගනු ඇත.

පාරිභෝගික සම්බන්ධතා කාල සීමාව සඳහා අපි ඔබේ දත්ත සැකසීමට සහ රඳවා තබා ගන්නෙමු. ඔබ මාස දොලහක (12) කාලයකට HUAWEI Cloud භාවිතා කිරීම නවත්වන්නේ නම්, ඔබගේ දත්ත මැකෙනු ඇත. මෙම අවස්ථාවේ දී, අපි මැකීම පිළිබඳව විද්‍යුත් තැපෑල සහ වෙනත් සුදුසු ආකාරවලින් ඔබට කලින් සිහිපත් කරන්නෙමු. ඔබ ඔබගේ HUAWEI ID මකන විට, HUAWEI Cloud වැනි ඔබගේ ගිණුමට අදාළ පෞද්ගලික දත්ත සහ එහි සම්බන්ධිත සේවා මකනු ඇත. කෙසේ වෙතත්, අපි රඳවාගන්නේ:

ගනුදෙනුව සිදු කළ දින සිට වසර හතකට (7) HUAWEI Cloud පැකේජ සහ මිලදී ගැනීමේ තොරතුරු.

පාරිභෝගික සම්බන්ධතා කළමනාකරණ අරමුණු සඳහා සැකසුම් කළ පෞද්ගලික දත්ත (පැමිණිලි, දත්ත විෂයය ඉල්ලීම් සහ ගිවිසුම් කළමනාකරණ තොරතුරු වැනි) ඔබගේ HUAWEI ID ගිණුම මැකීමෙන් පසු වසර පහක් (5) දක්වා; ඔබ එවැනි සැකසුම් කිරීම සඳහා එරෙහි නොවන්නේ නම්, සංඛ්‍යාන විශ්ලේෂණය සහ නිෂ්පාදන සංවර්ධන සඳහා මෙන්ම විකුණුම් ප්‍රවර්ධනය සහ අලෙවිකරණ අරමුණු සඳහා භාවිතා කළ පෞද්ගලික දත්ත රැස් කිරීමෙන් මාස දොළහක් (12) දක්වා.

ඔබේ දත්ත සහ සේවා සුරක්ෂිත කිරීම සඳහා සැකසූ දත්ත උපස්ථ සහ යෙදුම් ලොග් ඒවා තැනූ දින සිට මාස හය (6) ක් දක්වා.

අදාළ සංඛ්‍යාන විශ්ලේෂණ සම්පූර්ණ කළ පසු වහාම ක්‍රියාකාරකම් ලොග් සහ පද්ධති ලොග් මැකෙනු ඇත; දෝෂ ලොග් තොරතුරු රැස් කිරීමෙන් දින හතකට (7) පසු ස්වයංක්‍රීයව මැකෙනු ඇත.

රඳවා ගැනීමේ කාල සීමාව කල් ඉකුත් වූ විට, අදාළ නීති සහ නියාමන මගින් වෙනත් ආකාරයකින් අවශ්‍ය නොකරන්නේ නම් අපි ඔබගේ පෞද්ගලික දත්ත මැකීම හෝ නිර්ණාමික කරමු.

4 අපි ඔබගේ දත්ත හුවමාරු කරන්නේ කෙසේ ද?

අපි රුසියාවේ පිහිටි දත්ත මධ්‍යස්ථානවල ඔබගේ දත්ත ගබඩා කරමු. අපි රුසියානු සමූහාණ්ඩුවේ සිට අයර්ලන්තය සහ ෆින්ලන්තය වැනි වෙනත් රටවල් සහ EU/EEA සහ රුසියානු සමූහාණ්ඩුවෙන් පිටත රටවල් වෙත දේශ-සීමා හරහා පෞද්ගලික දත්ත මාරු කර යැවීමට ඉඩ ඇත. ඔබ මෙමගින් රුසියානු සමූහාණ්ඩුවෙන් පිටත රටවල් වෙත ඔබගේ පෞද්ගලික දත්ත දේශ-සීමා හරහා මාරු කර යැවීමට රුසියානු සමූහාණ්ඩුවේ නීතිය යටතේ අවශ්‍ය ඔබගේ කැමැත්ත අපට ලබාදෙයි.

අපි පහත අවස්ථාවලදී පමණක් ඔබගේ දත්ත හුවමාරු කරමු:

නීති ක්‍රියාවලියකට ප්‍රතිචාර වශයෙන් හෝ අදාළ වන නීතිවලට අනුව හෝ නෛතික ක්රියා පටිපාටියක් හෝ ක්‍රියාවලියක් සම්බන්ධයෙන් නිසි බලධාරියකු විසින් ඉල්ලා සිටින විට.

ඒකාබද්ධ කිරීමක, අත්පත් කර ගැනීමක, වත්කම් විකිණීමක (සේවා ගිවිසුම් වැනි) හෝ සේවාව Huawei සමූහ ව්යාපාරයකට හෝ තවත් සමාගමකට මාරු කිරීමේ කොටසක් ලෙස අවශ්‍ය වන විට.

5 ඔබේ හිමිකම් සහ විකල්ප මොනවාද?

ඔබට පහත දැක්වෙන හිමිකම් සහ විකල්ප තිබේ:

5.1 ඔබගේ දත්ත වෙත පිවිසෙන්න

ඔබගේ උපාංගය මත සැකසුම් (Settings) > HUAWEI ID (HUAWEI ID) > රහස්‍යතා මධ්‍යස්ථානය (Privacy center) > ඔබගේ දත්ත ඉල්ලන්න (Request your data) වෙත යාමෙන් ඔබට අප විසින් රැස් කර HUAWEI Cloud හි ගබඩා කර ඇති ඔබගේ පෞද්ගලික දත්තවල පිටපතක් සහ විස්තරයක් ඉල්ලීමට හැකිය.

ඔබට HUAWEI Cloud යෙදුම හෝ නිල වෙබ් අඩවිය (cloud.huawei.com) වෙතින් සමමුහුර්ත කළ, උපස්ථ කළ හෝ පටවා ඇති දත්ත වෙත පිවිසීමට සහ බාගැනීමට හැකිය.

අතිරේක පිවිසීම් ඉල්ලීම සඳහා, කරුණාකර අප අමතන්න.

5.2 ඔබේ දත්ත නිවැරදි කරන්න

ඔබගේ දත්ත යාවත්කාලීනව සහ නිවැරදිව පවත්වා ගැනීමට, ඔබට ඔබගේ උපාංගය මත සැකසුම් (Settings) > HUAWEI ID (HUAWEI ID) වෙත යාමෙන් ඔබගේ දත්ත වෙත පිවිසීමට සහ නවීකරණය කිරීමට හැකිය.
ඔබට HUAWEI Cloud යෙදුම හෝ නිල වෙබ් අඩවිය (cloud.huawei.com) වෙතින් සමමුහුර්ත කළ, උපස්ථ කළ හෝ පටවා ඇති දත්ත වෙත පිවිසීමට සහ නවීකරණය කිරීමට හැකිය.

5.3 ඔබගේ දත්ත මාරු කරන්න

පොදුවේ භාවිතා වන යන්ත්‍රයෙන් කියවිය හැකි ආකෘතියකින් ඔබ විසින් HUAWEI Cloud තුළ අපට සපයා ඇති පෞද්ගලික දත්ත ඔබට ගෙනයා හැක්කේ ඔබගේ උපාංගය මත සැකසුම් (Settings) > HUAWEI ID (HUAWEI ID) > රහස්‍යතා මධ්‍යස්ථානය (Privacy center) > ඔබේ දත්ත ඉල්ලන්න (Request your data) වෙත යාමෙනි.
ඔබ HUAWEI Cloud යෙදුම හෝ නිල වෙබ් අඩවිය (cloud.huawei.com) වෙතින් සමමුහුර්ත කළ, උපස්ථ කළ සහ පැටවූ දත්ත ද බාගැනීමට හැකිය.

5.4 ඔබේ දත්ත මකා දමන්න

ඔබට ඕනෑම වේලාවක මේවා සිදු කළ හැකිය:

ඔබගේ සමමුහුර්ත කළ, උපස්ථ කළ, සහ අනෙකුත් වර්ගවල යෙදුම් දත්ත ඒවා ඔබගේ උපාංගය මත මැකීමෙන් මකා දැමීමට. මැකීම ස්වයංක්‍රීයව වලාකුළ වෙත සමමුහුර්ත සහ යාවත් වනු ඇත.

ඔබගේ ගබඩා කළ දත්ත Huawei Drive මත කෙලින්ම මැකීමෙන් ඒවා මකා දැමීමට.

සබඳතා, ඡායාරූප, පටිගත කිරීම්, සහ Huawei Drive ගොනු ඇතුළු ඔබගේ දත්ත මැකීමට නිල HUAWEI Cloud වෙබ් අඩවිය (cloud.huawei.com) වෙත ලොගින් වන්න.

ඔබගේ HUAWEI ID මැකීම. මෙමගින් HUAWEI Cloud තුළ ඔබගේ පෞද්ගලික දත්ත ඇතුළුව ඔබගේ HUAWEI ID හා සම්බන්ධ ඔබගේ පෞද්ගලික දත්ත මකනු ඇත.

5.5 කොටසේ පැහැදිලි කර ඇති පරිදි, ඔබගේ පෞද්ගලික දත්ත සැකසීමට එරෙහි වීම. ඔබගේ එරෙහිවීම වලංගු නම්, සහ අපට තවදුරටත් ඔබගේ දත්ත සැකසීම ඉදිරියට කරගෙන යාමට නීතිමය පදනමක් නොමැති නම්, අපි ඔබගේ වලංගු එරෙහිවීම තුළ වන දත්ත මකන්නෙමු.

ඔබගේ පෞද්ගලික දත්ත සැකසීම නීත්‍යානුකූල නොවන බවත් ඔබගේ දත්ත මැකිය යුතු බවත් ඔබ සිතන්නේ නම්, අප අමතන්න.

5.5 සැකසීමට එරෙහි වන්න

ඔබගේ දත්ත සංඛ්‍යානමය, නිෂ්පාදන වැඩිදියුණු කිරීමේ හෝ විකුණුම් සහ අලෙවිකරණ අරමුණු සඳහා සැකසීමට එරෙහි වීමට ඔබට අවශ්‍ය නම්, කරුණාකර අප අමතන්න.

ඉල්ලීම සිදු කිරීමේ දී, කරුණාකර ඉල්ලීමේ විෂය පථය දක්වා ඔබ ඔබගේ HUAWEI ID මගින් HUAWEI Cloud වෙත පූරණය වීමට භාවිතා කළ ඔබගේ විද්‍යුත් තැපැල් ලිපිනය හෝ දුරකථන අංකය අපට ලබා දෙන්න.

ඔබගේ ඉල්ලීම ඉදිරියට කරගෙන යාමට ඔබගේ අනන්‍යතාව තහවුරු කිරීමට අපි ඔබව අමතන්නෙමු.

5.6 සැකසීම සීමා කරන්න

ඔබට ඔබගේ පෞද්ගලික දත්ත සැකසීම සීමා කිරීමට අවශ්‍ය නම්, කරුණාකර අප අමතන්න. පහත අවස්ථා වලදී ඔබගේ දත්ත සැකසීම සීමා කිරීමට ඔබට අයිතිය ඇත:

ඔබගේ දත්ත නීති විරෝධීව සැකසුම් කෙරෙන නමුත් ඔබට එය මැකීමට අවශ්‍ය නොවේ.

ඔබ සනාථ කිරීමට, ක්‍රියාත්මක කිරීමට හෝ ආරක්ෂා කිරීමට අවශ්ය නීතිමය හිමිකමක් ඇති අතර ඔබ විසින් අපි ඒවා වෙනත් ආකාරයකින් පවත්වා ගෙන නොයන විට ඔබේ දත්ත තබා ගැනීමට අපෙන් ඉල්ලා තිබේ.

ඔබගේ එරෙහි විමට ඉල්ලීම අපගේ සත්‍යාපනය අවසන් කර නොමැත.

ඔබගේ ඉල්ලීම ඉදිරිපත් කිරීමේ දී, කරුණාකර ඉල්ලීමේ විෂය පථය සහ පදනම දක්වා ඔබ ඔබගේ HUAWEI Cloud වෙත පූරණය වීමට භාවිතා කළ ඔබගේ විද්‍යුත් තැපැල් ලිපිනය හෝ දුරකථන අංකය අපට ලබා දෙන්න.

ඔබගේ ඉල්ලීම ඉදිරියට කරගෙන යාමට ඔබගේ අනන්‍යතාව තහවුරු කිරීමට අපි ඔබව අමතන්නෙමු.

6 අපව සම්බන්ධ කර ගන්නේ කෙසේද?

ඔබට ඔබගේ දත්ත විෂය හිමිකම් ක්‍රියාත්මක කරන ආකාරය පිළිබඳ උපදෙස් කොටස 5තුළ සොයාගත හැක. ඔබට පෞද්ගලික දත්ත අදාළ වන කෙනෙකු ලෙස හෝ අප විසින් ඔබේ පෞද්ගලික දත්ත සැකසීම පිළිබඳ ප්‍රශ්න, අදහස් හෝ යෝජනා කිසිවක් තිබේ නම් හෝ ඔබට අපගේ දත්ත ආරක්ෂණ නිලධාරියා ඇමතීමට අවශ්‍ය නම්, කරුණාකර අපව අමතන්න.

අපේ මූලස්ථානයේ ලිපිනය: Aspiegel Limited, 1F, Simmonscourt House, Ballsbridge, Dublin 4, D04 W9H6, Ireland. ලියාපදිංචි අංකය 561134.

අපි මෙම ප්‍රකාශය හෝ අදාළ දත්ත ආරක්ෂක නීති වලට අනුව ඔබගේ පෞද්ගලික දත්ත සැකසුම් නොකරන බවට ඔබ විශ්වාස කරන්නේ නම්, ඔබට ඔබගේ දත්ත ආරක්ෂක අධිකාරිය, හෝ අයර්ලන්තයේ දත්ත ආරක්ෂක කොමසාරිස් ඉදිරියේ පැමිණිල්ලක් ඉදිරිපත් කළ හැකිය.

7 අපි මෙම ප්රකාශය යාවත්කාලීන කරන්නේ කෙසේද?

අපි එය අවස්ථානුකූලව වෙනස් කළ හැකි බැවින් මෙම ප්රකාශයේ නවතම අනුවාදය යෙදුම් සැකසුම් තුළ නිරන්තරයෙන් පරීක්ෂා කරන ලෙස අපි ඔබව දිරිමත් කරමු. මෙම ප්‍රකාශයට ප්‍රධාන වෙනස්කම් සිදුවන විට, අපි දැනුම්දීම් දෙබස්, තල්ලු පණිවුඩ, විද්‍යුත් තැපෑල ආදිය මගින් අපි ඔබට කලින් දැනුම් දෙමුවෙනස්කමේ ස්වභාවය මත පදනම්ව.

නවතම යාවත්කාලය: 2019 ජුලි 3