སྤྲིན་ཐོག་བར་སྟོང་སྤྱོད་མཁན་གྱི་གྲོས་ཡིག

1. ང་ཚོའི་སྐོར།

ཧྭ་ཝེའི་སྤྲིན་ཐོག་བར་སྟོང་། (མཚན་ཉིད་གཤམ་གསལ་ལྟར།) སྤོ་རུང་ཉེར་སྤྱོད་དང་འབྲེལ་ཡོད་ཀྱི་ལག་རྩལ། བྱེད་ནུས་དང་ཞབས་ཞུ་རྣམས་ ནི་ (གཤམ་ནས་ཞབས་ཞུ་འདི་ཞེས་བསྡུས་མིང་འབོད།) Aspiegel ཚད་ཡོད་ཀུང་སི་ཡིས་གཉེར་སྐྱོང་བྱེད། Aspiegel ཚད་ཡོད་ཀུང་སི་ནི་ (གཤམ་ནས་ང་ཚོ་ཞེས་བསྡུས་མིང་འབོད།)ཨེར་ལན་གྱི་ཁྲིམས་ལྟར་བཙུགས་པ་ཡིན། ཀུང་སིའི་ཚབ་ཨང་ནི། 561134 ཡིན། ཐོ་འགོད་གནས་ཡུལ་ནི། ཨིར་ལན་ཏུའུ་པེར་ལེན་པར་ཁུལ་ 4 པའི་ Simmonscourt ལམ་གྱི་ Simmonscourt གཞུང་ལས་ཐོག་ཁང་གི་རྩེགས་རིམ་དང་པོ་ཡིན། གཤམ་གསལ་དོན་ཚན་ (མཚན་ཉིད་གཤམ་གསལ་ལྟར།) ནང་གི་ཁྱེད་དང་སྤྱོད་མཁན་ཞེས་པ་ནི་ཞབས་ཞུ་འདི་སྤྱོད་པའམ་ལྟ་སྤྱོད་བྱེད་པའི་མི་སྒེར་གང་རུང་ལ་གོ།

2. གྲོས་ཡིག་གི་དམིགས་ཡུལ།

སྤྱོད་མཁན་གྱི་གྲོས་ཡིག་འདི་དང་ང་ཚོའི་གསང་བའི་་བརྡ་ཐོ་(སྐུ་ཉིད་ཀྱིས་ཧྭ་ཝེའི་སྤྲིན་ཐོག་བར་སྟོང་གི་སྒྲིག་འགོད། ཞབས་ཞུའི་བརྡ་ཐོ་ཞེས་པའི་ནང་ནས་ཀློག་བཤེར་བྱེད་ཆོག) དང་ཞབས་ཞུ་འདིས་ཁྱབ་སྤེལ་ལམ་མཁོ་སྤྲོད་བྱས་པའི་སྲིད་ཇུས་དང་ཆ་འཕྲིན་གཞན་དག་ (གཤམ་ནས་གྲོས་ཡིག་འདི་ཞེས་བསྡུས་མིང་འབོད།) ནི་ང་ཚོས་སྐུ་ཉིད་ལ་ཞབས་ཞུ་འདི་མཁོ་སྤྲོད་བྱས་ཏེ་སྤྱོད་པ་དང་ལྟ་སྤྱོད་བྱ་བར་བཏོན་པའི་གཞི་འཛིན་སའི་དོན་ཚན་དང་ཆ་རྐྱེན་ཡིན། གྲོས་ཡིག་འདི་ལས་ཁྱེད་ཀྱིས་ང་ཚོ་དང་ང་ཚོས་ཁྱེད་ལ་ཞབས་ཞུ་འདི་མཁོ་སྤྲོད་བྱེད་ཐབས་དང་། ང་ཚོས་ཞབས་ཞུ་འདི་སྤྱོད་མཁན་ལ་བཅངས་པའི་རེ་བ། ཞབས་ཞུ་འདི་དང་འབྲེལ་ཡོད་ཞབས་ཞུས་ཆོག་མཆན་དང་བཀག་སྡོམ་ཡོད་པའི་བྱེད་སྒོ། གནད་དོན་འཕྲད་དུས་ཀྱི་བྱེད་ཐབས་དང་ཆ་འཕྲིན་གལ་ཆེན་གཞན་དག་རྒྱུས་ལོན་ཐུབ།

3. གྲོས་ཡིག་འདི་དང་ལེན།

གྲོས་མཐུན་འདི་ཞིབ་ཚགས་ངང་ཀློག་རོགས། ཁྱེད་ཀྱིས་ཞབས་ཞུ་འདི་ལ་ལྟ་སྤྱོད་དམ་བེད་སྤྱོད་བྱེད་ན། ཁྱེད་དང་ང་ཚོའི་བར་དུ་ཁྲིམས་ལུགས་ཀྱི་འཆིང་རྒྱ་ལྡན་པའི་གྲོས་ཡིག་བྱུང་བ་དང་གྲོས་ཡིག་འདི་ལ་མོས་མཐུན་བྱེད་ཅིང་དང་དུ་ལེན་པ་མཚོན།

ཁྱེད་ཀྱིས་གྲོས་ཡིག་འདི་ལ་མོས་མཐུན་མེད་ཚེ་ཞབས་ཞུ་འདི་ལ་ལྟ་སྤྱོད་དམ་སྤྱོད་མི་ཆོག ཁྱེད་ལ་གྲོས་ཡིག་འདིའམ་ཞབས་ཞུ་འདིས་ཁྱབ་སྤེལ་དང་མཁོ་སྤྲོད་བྱས་པའི་སྲིད་ཇུས་དང་ཆ་འཕྲིན་གཞན་དག་ལ་དོགས་གཞི་གང་རུང་ཡོད་ཚེ། གཤམ་གྱི་འབྲེལ་གཏུག་ཆ་འཕྲིན་ལྟར་ང་ཚོ་ལ་འབྲེལ་བ་གནང་རོགས།

4. བེད་སྤྱོད་པའི་ཐོབ་ཐང་།

སྐུ་ཉིད་ལོ་ན་ 13 ལ་སོན་ན་ད་གཟོད་ཞབས་ཞུ་འདི་ལ་ལྟ་སྤྱོད་དང་བེད་སྤྱོད་བྱེད་ཆོག གལ་སྲིད་ཁྱེད་རང་ལོ་ཚད་ 13 ལོན་མེད་པར་ཞབས་ཞུ་འདི་སྤྱོད་དགོས་ཚེ། ཁྱེད་རང་གི་ཕ་མའམ་ཁྲིམས་བཀོད་ལྟ་སྐྱོང་བས་བྱིས་པའི་དྲ་གྲངས་ཤིག་གསར་འཛུགས་བྱ་དགོས་པ་མ་ཟད་ཧྭ་ཝེའི་དྲ་གྲངས་འོག་གི་ཕ་མའམ་ལྟ་སྐྱོང་བའི་ཞབས་ཞུའི་དོན་ཚན་ཞེས་པ་དང་དུ་ལེན་དགོས།

ཁྱེད་ཀྱི་སྡོད་སའི་ཁྲིམས་འཛིན་ས་ཁོངས་དང་ཞབས་ཞུ་འདི་ལ་ལྟ་སྤྱོད་དམ་སྤྱོད་དུས་ཁྲིམས་འཛིན་ས་ཁོངས་དེའི་ཁྲིམས་ལུགས་སྒྲིག་ཁྲིམས་ཡོད་ཚད་ལ་བརྩི་སྲུང་ཞུ་དགོས།

5. ཞབས་ཞུ་འདི་ལྟ་སྤྱོད་བྱེད།

ང་ཚོས་ཁྱེད་ལ་གྲོས་ཡིག་འདི་གཞིགས་ནས་ཞབས་ཞུ་འདིའི་ཚད་ཡོད་ཡིན་ལ་འབའ་ཞིག་མིན་པ། ནང་བཤུག་གཏོང་མི་ཆོག་པ། སྒྱུར་སྤྲོད་བྱེད་མི་ཆོག་ཀྱང་། ཕྱིར་འཐེན་ཆོག་པའི་ལྟ་སྤྱོད་དང་བེད་སྤྱོད་བྱ་བའི་ཆོག་མཆན་སྤྲོད།

ཁྱེད་ཀྱིས་ཞབས་ཞུ་འདིར་དགོས་ངེས་ཀྱི་གྲ་སྒྲིག་ཡོད་ཚད་ལ་འགན་འཁུར་དང་བཀོད་སྒྲིག་བྱེད་དགོས། དེའི་ནང་དུ་ཁྱེད་ཀྱིས་དངུལ་སྤྲོད་ཐབས་དང་། ཀུན་འདུས་ཀྱི་སྒྲིག་ཆས། ཚོད་འཛིན་སྟེགས་བུའམ་སྟེགས་བུ་དེ་བཞིན་དྲ་རྒྱའི་འབྲེལ་མཐུད་བཅས་མཁོ་འདོན་བྱ་བ་བཅས་ཚུད་ཡོད། ཁྱེད་ཀྱིས་ད་དུང་ཁྱེད་ཀྱི་ཀུན་འདུས་སྒྲིག་ཆས་དང་། ཚོད་འཛིན་སྟེགས་བུའམ་སྟེགས་བུ་དེ་བཞིན་དྲ་རྒྱའི་འབྲེལ་མཐུད་བརྒྱུད་ནས་ཞབས་ཞུ་འདི་ལྟ་སྤྱོད་བྱ་མཁན་གྱི་སྤྱོད་མཁན་ཚང་མས་གྲོས་ཡིག་འདི་ཤེས་པ་མ་ཟད་ག་དུས་ཡིན་ཡང་གྲོས་ཡིག་ལ་འདི་རྩ་བ་ནས་བརྩི་སྲུང་ཞུ་བ་ཁག་ཐེག་གནང་དགོས།

ཁྱེད་ལ་ཧྭ་ཝེའི་དྲ་གྲངས་ཡོད་ཚེ་ད་གཟོད་ཞབས་ཞུ་འདི་ལ་ལྟ་སྤྱོད་དམ་བེད་སྤྱོད་བྱེད་ཐུབ། ཧྭ་ཝེའི་དྲ་གྲངས་ནི་ཁྱེད་ཀྱིས་ཧྭ་ཝེ་ཞབས་ཞུ་ཡོད་ཚད་ལ་ལྟ་སྤྱོད་བྱེད་པའི་སྤྱོད་མཁན་གྱི་དྲ་གྲངས་ཁོ་ན་ཡིན། དེར་ HiGame དང་། (HUAWEI GameCenter) HiApp (HUAWEI AppGallery) ཧྭ་ཝེའི་སྤྲིན་བར་སྟོང་། (Cloud) གཟི་དཔལ་ཧྲིལ་གཟུགས་ཅན་གྱི་དྲ་ཚིགས། (HiHonor) ཧྭ་ཝེའི་བརྗོད་བྱ་གཙོ་བོ། (HUAWEI Themes) ཧྭ་ཝེ་གསར་སྤེལ་མཁན་གྱི་མནའ་མཐུན། (HUAWEI Developer) ཧྭ་ཝེའི་བརྙན་ཟློས་ (HUAWEI Video) དང་ཧྭ་ཝེའི་ཁ་པར་ཞབས་ཞུ་གཞན་དག་བཅས་འདུས་ཡོད།

6. ཞབས་ཞུ་འདི།

ཞབས་ཞུ་འདིས་སྤྱོད་མཁན་གྱི་གཞི་གྲངས་སྤྲིན་བར་སྟོང་དུ་ཡར་སྐུར་བྱེད་པར་ཆོག་མཆན་བྱས་ཏེ། སྤྱོད་མཁན་གྱིས་ཧྭ་ཝེ་དྲ་གྲངས་སྤྱད་ནས་ཧྭ་ཝེའི་སྒྲིག་ཆས་གང་རུང་ནས་གཞི་གྲངས་འདི་ལ་ལྟ་སྤྱོད་བྱ་བར་སྟབས་བདེ་བསྐྲུན། (ཧྭ་ཝེའི་སྤྲིན་བར་སྟོང་།) ཧྭ་ཝེའི་སྤྲིན་ཐོག་བར་སྟོང་དུ་འདུས་པ་ནི།

སྤྲིན་མཉམ་འགྲོས། (པར་མཛོད། འབྲེལ་གཏུག་མི་སྣ། ལོ་ཐོའི་བྱེད་སྒོ། བརྗེད་ཐོ། Wi-Fi སྒྲིག་འགོད་སོགས།)

སྤྲིན་ཐོག་གྲབས་ཉར།

དེ་ལས་མང་བའི་ཉེར་སྤྱོད་ཀྱི་གཞི་གྲངས།

སྤྲིན་སྡེར།

དང་དེའི་ཞབས་ཞུ་གཞན་དག ཁྱེད་ཀྱིས་ད་དུང་ཧྭ་ཝེའི་སྤྲིན་ཐོག་བར་སྟོང་སྤྱད་དེ་བར་སྟོང་གསོག་མཛོད་དོ་དམ་དང་ཆེར་བསྐྱེད་བྱེད་ཆོག བྱེད་ནུས་འདི་རྣམས་ས་ཁུལ་མི་འདྲ་བར་སྤྱད་ན་དེའི་བྱེད་ནུས་ལ་ཡང་ཁྱད་པར་ཡོད། དོན་དངོས་ཀྱི་བྱེད་ནུས་ཁྱེད་ཀྱི་སྒྲིག་ཆས་སུ་གསལ།

ཧྭ་ཝེའི་སྤྲིན་ཐོག་བར་སྟོང་སྤྱོད་མགོ་བརྩམས་རྗེས། ཁྱེད་ཀྱིས་བདམས་པའི་གཞི་གྲངས་རང་འགུལ་གྱིས་ཧྭ་ཝེའི་སྤྲིན་ཐོག་བར་སྟོང་དུ་ཡར་སྐུར་དང་གསོག་ཉར་བྱེད། དཔེར་ན། འབྲེལ་གཏུག་མི་སྣ་དང་བརྡ་འཕྲིན། འདྲ་པར། བརྙན་ཟློས། ཁ་པར་གཏོང་ལེན་ཟིན་ཐོ། བརྗེད་ཐོ། སྒྲ་ཕབ། ལོ་ཐོའི་བྱེད་སྒོ། བཀག་པའི་མིང་ཐོ་དང་སྒྲིག་འགོད། Wi-Fi  སྒྲིག་འགོད་དང་དེའི་ཉེར་སྤྱོད་གཞི་གྲངས་ལྟ་བུའོ།ཁྱེད་ཀྱིས་རྗེས་ནས་ཧྭ་ཝེའི་སྤྲིན་ཐོག་བར་སྟོང་བརྒྱུད་དེ་གཞི་གྲངས་འདི་རྣམས་ལ་ལྟ་སྤྱོད་དམ་ཧྭ་ཝེའི་སྒྲིག་ཆས་གཞན་དག་ཏུ་སྐུར་ཆོག

ཞབས་ཞུ་འདི་ལ་གཤམ་གྱི་བྱེད་ནུས་ལྡན་ཏེ།

སྤྲིན་མཉམ་འགྲོས།

ཁྱེད་ཀྱིས་ཧྭ་ཝེའི་སྤྲིན་བར་སྟོང་བརྒྱུད་དེ་པར་མཛོད་དང་འབྲེལ་གཏུག་མི་སྣ། ལོ་ཐོ་དང་བརྗེད་ཐོ། Wi-Fi སྒྲིག་འགོད་རང་འགུལ་གྱིས་སྤྲིན་གྱི་ཞབས་ཞུ་ཆས་སམ་ཞུ་ནང་འཇུག་བྱས་པའི་ཧྭ་ཝེ་སྒྲིག་ཆས་སུ་མཉམ་འགྲོས་བྱེད་ཆོག།

ཁྱེད་ཀྱི་ཧྭ་ཝེ་སྒྲིག་ཆས་སམ་ཧྭ་ཝེའི་སྤྲིན་ཐོག་བར་སྟོང་ཁྲོད་ནས་གཞི་གྲངས་ལ་འགྱུར་བ་གང་རུང་བཏང་བ་དེ་ཚང་མས་མཉམ་འགྲོས་སློང་ཐུབ། དེས་ཁྱེད་ཀྱི་ཧྭ་ཝེ་སྒྲིག་ཆས་དང་ཧྭ་ཝེའི་སྤྲིན་ཐོག་བར་སྟོང་ཁྲོད་ཀྱི་གཞི་གྲངས་སོ་སོ་གཅིག་མཚུངས་ཡིན་པ་ཁག་ཐེག་བྱེད་ཐུབ། ཁྱེད་ཀྱིས་ཧྭ་ཝེའི་སྤྲིན་ཐོག་བར་སྟོང་དུ་རང་འགུལ་གྱིས་མཉམ་འགྲོས་བྱེད་མཚམས་འཇོག་དགོས་པའི་ཉེར་སྤྱོད་བདམས་ཏེ་ཉེར་སྤྱོད་དེའི་གཞི་གྲངས་རང་འགུལ་གྱིས་ཡར་སྐུར་དང་མཉམ་འགྲོས་བྱེད་མཚམས་འཇོག་ཐུབ།

སྤྲིན་ཐོག་གྲབས་ཉར།

ཁྱེད་ཀྱིས་སྤྲིན་ཐོག་གྲབས་ཉར་སྤྱད་དེ་ཁྱེད་ཀྱི་ཁ་པར་དང་ཧྭ་ཝེ་སྒྲིག་ཆས་གཞན་དག་སྟེང་གི་གཞི་གྲངས་སྤྲིན་གྱི་བར་སྟོང་དུ་གྲབས་ཉར་བྱེད་ཆོག་སྟེ། དེས་དུས་གང་རུང་ལ་ཧྭ་ཝེ་སྒྲིག་ཆས་གང་རུང་ནས་གཞི་གྲངས་འདི་དག་ལ་ལྟ་སྤྱོད་བྱེད་པར་སྟབས་བདེ་བསྐྲུན་ཐུབ། ཁྱེད་ཀྱི་ཧྭ་ཝེ་སྒྲིག་ཆས་ཀྱི་བརྙན་ཤེལ་སྒོ་ལྩགས་རྒྱབ་པའི་དུས། གློག་གསོག་སྐབས་སམ་སྐུད་མེད་དྲ་བར་སྦྲེལ་དུས། སྤྲིན་ཐོག་གྲབས་ཉར་གྱིས་དུས་ངེས་གཏན་ལྟར་རང་འགུལ་གྱིས་དེར་འབྲེལ་གྱི་ཧྭ་ཝེ་སྒྲིག་ཆས་ལ་གྲབས་ཉར་བཟོའོ།། པར་མཛོད་དང་། འབྲེལ་གཏུག་མི་སྣ། ཆ་འཕྲིན། ཁ་པར་གཏོང་ལེན་ཟིན་ཐོ། བརྗེད་ཐོ། སྒྲ་ཕབ། སྒྲིག་འགོད། གནམ་གཤིས་ཀྱི་ཆ་འཕྲིན། དུས་སྒྲོག་ཆུ་ཚོད་ཀྱི་ཆ་འཕྲིན། པར་ཆས་ཀྱི་གཞི་གྲངས། འཇུག་ཐབས་ཀྱི་སྒྲིག་འགོད། བཤར་ཆས་ཀྱི་གཞི་གྲངས། ལག་ཁྱེར་ཁ་པར་དོ་དམ་པའི་གཞི་གྲངས། Wi-Fi སྒྲིག་འགོད། ཅོག་ངོས་ཀྱི་འགྲེམ་ཚུལ་དང་ཉེར་སྤྱོད། ཕྱོགས་གསུམ་པའི་ཉེར་སྤྱོད་ཀྱི་གཞི་གྲངས་གྲབས་ཉར་མི་བྱེད། ཁྱེད་ཀྱིས་དུས་གང་རུང་ལ་ཉེར་སྤྱོད་འདིའི་ཁྲོད་ཀྱི་སྤྲིན་ཐོག་གྲབས་ཉར་མཚམས་འཇོག་པར་བརྟེན་ནས་གཞི་གྲངས་ཡར་སྐུར་བ་མཚམས་འཇོག་ཆོག སྐུ་ཉིད་ཀྱི་ཧྭ་ཝེ་སྒྲིག་ཆས་དེ་དུས་ཡུན་ཉིན་ 180 ནང་གཞི་གྲངས་ཅི་ཡང་ཧྭ་ཝེའི་སྤྲིན་བར་སྟོང་དུ་གྲབས་ཉར་མ་བྱས་ཚེ། ཧྭ་ཝེ་ལ་སྒྲིག་ཆས་འདི་དང་འབྲེལ་ཡོད་གྲབས་ཉར་གང་ཞིག་སུབ་པའི་དབང་ཆ་ཡོད།

དེ་ལས་མང་བའི་གཞི་གྲངས།

དེ་ལས་མང་བའི་ཉེར་སྤྱོད་གཞི་གྲངས་ཀྱི་གདམ་གའི་བྱེད་ནུས་ནང་དུ། ཁྱེད་ཀྱིས་སྒྲ་ཕབ་འཕྲུལ་ཆས། སུན་པའི་ཆ་འཕྲིན་བཀག་པ་སོགས་ཀྱི་གཞི་གྲངས་རང་འགུལ་ཐོག་ནས་ཡར་སྐུར་གྱི་བྱེད་ནུས་ཁ་འབྱེད་ཐུབ། སྒྲིག་ཆས་ནང་གི་གཞི་གྲངས་དེ་རྣམས་གསར་བཅོས་བྱ་རྒྱུ་ཡོད་དུས། གསར་བཅོས་ཀྱི་ཆ་ཤས་ཧྭ་ཝེའི་སྤྲིན་བར་སྟོང་ཐོག་ཏུ་རང་འགུལ་ཐོག་ནས་ཡར་སྐུར་བྱེད། དེ་ནི་དགོས་དུས་གནས་འདི་གར་ཕབ་ལེན་བྱ་ནས་བེད་སྤྱོད་བདེ་བའི་ཆེད་དུ་རེད།

ཧྭ་ཝེའི་སྤྲིན་སྡེར།

ཧྭ་ཝེའི་སྤྲིན་ཐོག་བར་སྟོང་ཁ་འབྱེད་རྗེས། སྤྲིན་ཐོག་བསྡུ་ཉར་ཡང་ཁ་འབྱེད་ངེས། ཁྱེད་ཀྱིས་ཡིག་ཆ་དོ་དམ་ནས་སྤྲིན་ཉར་ཚགས་སུ་བསྐྱོད་དེ་གནས་འདི་གའི་ཡིག་ཆ་ཧྭ་ཝེའི་སྤྲིན་བར་སྟོང་གི་ཞབས་ཞུ་ཆས་སུ་གསོག་ཉར་བྱེད་ཆོག་སྟེ། ཧྭ་ཝེའི་སྒྲིག་ཆས་གང་རུང་སྟེང་ནས་ཡིག་ཆ་དེ་རྣམས་ལྟ་སྤྱོད་དང་ཕབ་ལེན་བྱེད་པར་སྟབས་བདེ་སྐྲུན། ཁྱེད་ཀྱིས་ལག་འགུལ་གྱིས་ཡིག་ཆ་སྤྲིན་ཉར་ཚགས་སུ་ཁ་སྣོན་བྱེད་དགོས།

གལ་ཏེ་ཁྱེད་ཀྱིས་ཧྭ་ཝེ་དྲ་གྲངས་སུབ་ན། ཁྱེད་ཀྱི་ཧྭ་ཝེའི་སྤྲིན་བར་སྟོང་དུ་ཉར་བའི་གཞི་གྲངས་ཀྱང་མཉམ་དུ་བསུབ་སྲིད།

7. ཉོ་སྒྲུབ་ཀྱི་དོན་ཚན།

ཧྭ་ཝེའི་སྤྲིན་བར་སྟོང་གི་དྲ་གྲངས་ཐོ་འགོད་བྱེད་དུས་ཁྱེད་ལ་རང་འགུལ་གྱིས་གསོག་ཉར་བར་སྟོང་ 5G ཅན་ཐོབ་ཐུབ། ཁྱེད་ལ་བར་སྟོང་དེ་ལས་མང་བ་དགོས་ན། ཧྭ་ཝེ་སྒྲིག་ཆས་ནས་གསོག་ཉར་བར་སྟོང་དུས་ངེས་གཏན་ཅན་ (དཔེར་ན་ཟླ་གཅིག་གམ་ལོ་གཅིག) ཉོ་ཆོག་ཅིང་། ཧྭ་ཝེས་འཚོང་བཞིན་པའི་གསོག་ཉར་བར་སྟོང་ཐུམ་ལ་གཞིགས་ནས་བར་སྟོང་ལྷག་མ་ཉོ་ཡང་ཆོག ཉོ་སྒྲུབ་ཚང་མ་ཧྭ་ཝེའི་ཉེར་སྤྱོད་ནང་གི་རིན་སྤྲོད་ཁོ་ནར་བརྟེན་དགོས།

ཉོས་ཚར་རྗེས། ཁྱེད་ཀྱི་གསོག་ཉར་བར་སྟོང་ཐུམ་རིམ་པ་གསར་པ་ཞིག་ཏུ་སྤར་ངེས། ད་ཡོད་ཐུམ་གྱི་ནུས་ལྡན་དུས་ཡུན་ལྷག་མ་ཐུམ་གསར་པའི་ནུས་ལྡན་དུས་ཡུན་དུ་འཕོས་འགྲོ། དོ་སྣང་བྱེད་དགོས་པ་ཞིག་ལ། ཁྱེད་ལ་ཉོ་སྒྲུབ་རྩིས་མེད་དུ་བཟོ་བའི་དབང་ཆ་ལྡན་པ་ལས། ཁྱེད་ཀྱིས་ཉོས་པའི་གསོག་ཉར་བར་སྟོང་ཉུང་འཕྲི་བྱེད་པའི་རེ་བ་འདོན་ཐབས་མེད།

སྐུ་ཉིད་ཀྱིས་གསོག་འཇོག་ཐུམ་མམ་ཧྭ་ཝེའི་སྤྲིན་ཐོག་བར་སྟོང་གི་ཞབས་ཞུ་གཞན་པ་ཉོས་པའི་སྤྱིའི་རིན་གོང་དུ་གཤམ་གསལ་ཆ་ཤས་འདུས་ཏེ། (1) ཞབས་ཞུ་འདིའམ་རིམ་སྤོར་ཇུས་གཞིའི་རིན་གོང་དངོས། (2) སྤྱད་འཐུས་གཏན་འབེབས་ལྟར་སྤྲོད་དགོས་པའི་ཡིད་རྟོན་བྱང་བུ་གང་རུང་གི་འགྲོ་ལུགས་སྒྲུབ་རིན། (3) སྤྱད་འཐུས་ཁྲིམས་ལུགས་དང་ཉོ་སྒྲུབ་བྱེད་དུས་སྤྱོད་འོས་པའི་ཁྲལ་ཕྱོད་ལྟར་སྤྲོད་འོས་པའི་ཕྱིར་ཚོང་ཁྲལ་དང་བེད་སྤྱོད་ཁྲལ། ཚོང་ལས་དང་ཞབས་ཞུའི་ཁྲལ། གནས་ཐང་འཕར་བའི་ཁྲལ་ལམ་ཁྲལ་དངུལ་རིགས་གཞན་བཅས་སོ། ། ཁ་གསལ་པོར་གསལ་བཤད་བྱས་པ་ཕུད། (འདི་ཁུལ་བཅའ་ཁྲིམས་ཀྱིས་ཆོག་མཆན་སྤྲད་པའི་གནས་ཚུལ་འོག་) དེ་མིན་ཧྭ་ཝེའི་དྲ་ཚུགས་ཐོག་ཏུ་འཆར་བའི་རིན་གོང་ཆ་ཚང་གི་ནང་དུ་རིན་འཕར་ཁྲལ་ཚུད་ཡོད།

ཁྱེད་ཀྱིས་ཧྭ་ཝེ་ལ་དུས་ངེས་གཏན་མིན་པར་ཞབས་ཞུ་འདིའི་རིན་གོང་ལེགས་སྒྲིག་བྱེད་པའི་དབང་ཆ་ཡོད་པ་དང་ལེན་དང་མོས་མཐུན་བྱ་དགོས། རིན་གོང་གསར་པའི་ནུས་པ་ཐོན་རྗེས། ཁྱེད་ཀྱིས་ཐུམ་གསར་པ་ཉོ་དུས་རིན་གོང་གསར་པ་དེ་དང་ལེན་ཞུ་དགོས། ཁྱེད་ཀྱིས་ལེགས་སྒྲིག་བྱས་རྗེས་ཀྱི་རིན་གོང་དང་དུ་མ་བླངས་ཚེ། ཁྱེད་ལ་རིན་གོང་གསར་པ་སྤྱད་དེ་ཞབས་ཞུའི་ཐུམ་ཉོ་བའི་དབང་ཆ་མེད།

ཡོ་རོབ་མནའ་འབྲེལ་གྱི་ཉོ་སྒྲུབ་ཕྱིར་འཐེན་བྱེད་པའི་དབང་ཆ། གལ་ཏེ་ཁྱེད་ནི་ཡོ་རོབ་མནའ་འབྲེལ་ས་ཁུལ་གྱི་སྤྱི་དམངས་ཡིན་ཚེ། ང་ཚོའི་མངག་ཐོ་གཏན་ཁེལ་བརྡ་ཐོ་ཐོན་རྗེས་ཀྱི་ཉིན་ 14 ཡི་ནང་རྒྱུ་རྐྱེན་མེད་པར་ཉོ་སྒྲུབ་ཕྱིར་འཐེན་ཆོག

ཁྱེད་ཀྱིས་གོང་བརྗོད་ཉིན་ 14 ཡི་དུས་ཚད་ནང་ཚོང་ཟོག་མངག་ཐོ་ཕྱིར་འཐེན་གྱི་རེ་ཞུ་ང་ཚོར་སྤྲོད་དགོས། དེ་ནི་དུས་ཐོག་ཏུ་ཕྱིར་འཐེན་འགྲོ་ལུགས་གཉེར་བདེ་བའི་ཆེད་དུ་རེད། གལ་ཏེ་ཉོ་སྒྲུབ་ཕྱིར་འཐེན་བྱེད་དགོས་ཚེ། ང་ཚོར་འབྲེལ་གཏུག་བྱེད་རོགས། ཁྱེད་ཀྱིས་ཕྱིར་འཐེན་གྱི་རྒྱུ་མཚན་མཁོ་འདོན་མི་བྱེད་ནའང་ཆོག

ཕྱིར་འཐེན་ལེགས་པར་གྲུབ་རྗེས། ང་ཚོས་ཁྱེད་ཀྱི་གསོག་ཉར་བར་སྟོང་མ་ཉོས་གོང་གི་གནས་སྟངས་སུ་སླར་གསོ་བྱས་ཤིང་ཁྱེད་ཀྱི་མངག་ཐོ་ཕྱིར་འཐེན་བརྡ་ཐོ་འབྱོར་བའི་ཉིན་ 14 ནང་ཉོ་བའི་རིན་གོང་ཕྱིར་སློག་ངེས། འདིའི་རིང་ལ། གལ་ཏེ་ཁྱེད་ཀྱིས་སྤྱད་ཟིན་པའི་བར་སྟོང་ 5 GB ལས་རྒལ་ཚེ། ཁྱེད་ཀྱིས་དེ་ལས་མང་བའི་སྤྲིན་གྱི་གསོག་ཉར་བར་སྟོང་གློད་གྲོལ་ལམ་ཉོ་དགོས། དེ་ལྟར་མིན་ན་ཁྱེད་ཀྱིས་སྤྲིན་ཐོག་གྲབས་ཉར་རམ་བྱེད་ནུས་ཁ་ཤས་སྤྱོད་ཐབས་བྲལ།ཕྱོགས་གཉིས་ཀས་ཟུར་དུ་ཁ་ཆད་བྱས་པ་ཕུད། དེ་ལྟར་མིན་ཚེ་ང་ཚོས་ཁྱེད་ཀྱིས་དང་ཐོག་གི་ཚོང་ཟོག་མངག་ཐོའི་ནང་དུ་སྤྱད་པའི་དངུལ་སྤྲོད་ཐབས་གཞིར་བཟུང་ནས་དངུལ་ཕྱིར་སློག་ངེས།

8. ཧྭ་ཝེའི་སྤྲིན་ཐོག་བར་སྟོང་གི་དྲ་གྲངས་དང་ཉོ་ཚོང་གི་བདེ་འཇགས།

ཁྱེད་ཀྱིས་ཧྭ་ཝེའི་སྤྲིན་བར་སྟོང་དྲ་གྲངས་ཀྱི་ཆ་འཕྲིན་དང་ཧྭ་ཝེ་དྲ་གྲངས་ཀྱི་སྤྱོད་མཁན་མིང་དང་གསང་གྲངས་ཉར་ཚགས་དོ་དམ་ཡག་པོ་བྱེད་དགོས། མི་གང་རུང་ལ་འདིའི་རིགས་ཀྱི་ཆ་འཕྲིན་མཉམ་སྤྱོད་བྱེད་མི་རུང་། ང་ཚོས་ཁྱེད་ཀྱིས་བདེ་འཇགས་ཚད་རིམ་ཅུང་མཐོ་བའི་གསང་གྲངས་འདེམས་ཤིང་གསང་གྲངས་དེ་དོ་དམ་ནན་མོ་བྱེད་པའི་རེ་བ་འདོན་པ་ཡིན། ཁྱེད་ལ་ཁྱེད་ཀྱི་གསང་གྲངས་བདེ་འཇགས་ཁག་ཐེག་བྱེད་པའི་འོས་འགན་ཡོད། ཁྱེད་ཀྱིས་ཧྭ་ཝེ་དྲ་གྲངས་སམ་ཧྭ་ཝེའི་སྤྲིན་བར་སྟོང་གི་ཞིབ་ཆ་ཕྱོགས་གསུམ་པར་མཁོ་སྤྲོད་བྱས་ཚེ། དེ་ལས་བྱུང་བའི་གྱོང་གུན་ཁྱེད་ནས་རང་ཤུགས་ཀྱིས་འགན་འཁུར་དགོས།

གལ་སྲིད་ཁྱེད་ཀྱིས་མི་གཞན་གྱིས་ཁྱེད་ཀྱི་ཧྭ་ཝེ་ཉེར་སྤྱོད་ནང་གི་དངུལ་སྤྲོད་གསང་གྲངས། ཧྭ་ཝེ་དྲ་གྲངས་སམ་འབྲེལ་ཡོད་ཐོ་འཇུག་ཆ་འཕྲིན་སྤྱོད་པར་ངོས་འཛིན་ཚེ། ཁྱེད་ཀྱིས་ས་བཅད་ཨང་ 24 (ང་ཚོ་དང་འབྲེལ་བ་བྱེད་) པའི་ནང་གི་འབྲེལ་གཏུག་ཆ་འཕྲིན་བརྒྱུད་ནས་ལམ་སེང་ང་ཚོར་གསུང་རོགས། ད་དུང་མྱུར་དུ་ཁྱེད་ཀྱིས་འབྲེལ་ཡོད་ཀྱི་གསང་གྲངས་སྒྱུར་དགོས། ཁྱེད་ཀྱིས་མི་གཞན་གྱི་ཧྭ་ཝེ་དྲ་གྲངས་སྤྱད་དེ་ཞབས་ཞུ་འདི་ལ་ལྟ་སྤྱོད་བྱེད་མི་ཆོག ཁྱེད་ཀྱིས་འོས་འཚམ་གྱི་ཐབས་ལ་བརྟེན་ནས་ཁྱེད་ཀྱི་ཧྭ་ཝེ་དྲ་གྲངས་སམ་ཧྭ་ཝེའི་སྤྲིན་ཐོག་བར་སྟོང་གི་དྲ་གྲངས་ཆ་འཕྲིན། དངུལ་བྱང་ངམ་ཡིད་རྟོན་བྱང་བུའི་ཆ་འཕྲིན། རྩིས་འཁོར་དང་ཁ་པར། སྤོ་འགུལ་སྒྲིག་ཆས་གཞན་དག་དང་ SIM བྱང་བུའི་ཆ་འཕྲིན་ལ་སྲུང་སྐྱོབ་བྱས་ཏེ། ཕྱོགས་གསུམ་པས་དབང་མ་སྤྲད་པར་ཁྱེད་ཀྱི་གོང་གསལ་གྱི་ཆ་འཕྲིན་སྤྱོད་མི་ཆོག།

9. དང་ལེན་ཆོག་པའི་བེད་སྤྱོད།

ཁྱེད་ཁྲིམས་མཐུན་སྤྱོད་གཙང་གིས་གྲོས་ཡིག་འདི་ལྟར་ཞབས་ཞུ་འདི་ལྟ་སྤྱོད་དང་བེད་སྤྱོད་བྱེད་པར་འཐད། ཁྱེད་ཀྱིས་བསམ་ཤེས་དང་མོས་མཐུན་བྱ་རྒྱུར། ཁྱེད་ཀྱིས་ཞབས་ཞུ་འདི་སྤྱད་ནས་གཤམ་གསལ་ངོ་བོ་ལྡན་པའི་ཆ་འཕྲིན་གང་རུང་ཞིག་སྐྱེལ་འདྲེན་བྱ་མི་རུང་། ཡང་ན་བྱ་ཐབས་གཞན་བརྒྱུད་ནས་གཤམ་གསལ་ངོ་བོ་ལྡན་པའི་བྱེད་སྒོ་གང་རུང་ཞིག་ནང་ཞུགས་མི་རུང་། འདི་དག་ནི་བཅོས་མ། སྐྱོན་འདོགས། ཁེ་དབང་ལ་གནོད་འཚེ་གཏོང་བ། གནོད་ཅན། ཆགས་སྲེད། ཕར་རྒོལ། བརྙས་བཅོས། ཟིང་ཆ་སློང་བ། ཞབས་འདྲེན་གྱི་གནས་ཚུལ། འཁོན་འཛིན། ངན་སྐུལ། འཇིགས་སྐུལ། ཁྲིམས་འགལ། ཕོག་ཐུག་གཏོང་བ། འཆལ་རྩེད། གསང་བར་གནོད་འཚེ་གཏོང་བའམ་ཕྱོགས་གཞན་གྱི་ཐད་མི་གཞན་ཞེ་ལོག་ཏུ་བཅུག་པ་བཅས་ཡིན། འདིའི་ནང་དུ་ཁྲིམས་འགལ་བྱེད་སྒོ་སྤེལ་ཐབས་བྱ་བ། མངོན་གསལ་རང་བཞིན་གྱི་བཤད་པ་ཡོད་པ། བཙན་ཤེད་འུད་སྒྲོག་བྱ་བ། དེ་བཞིན་མཐོང་ཆུང་རང་བཞིན་དང་ཁྲིམས་འགལ་རང་བཞིན་གྱི་རྐྱེན་པས་བྱུང་བའམ་འབྱུང་སྲིད་པའི་མི་ལུས་དང་རྒྱུ་ནོར་གྱི་གྱོང་གུན་ནམ་གནོད་པ། སྤྱད་འཐུས་བཅའ་ཁྲིམས་འོག་གི་དམངས་དོན་ནམ་ཉེས་དོན་འོས་འགན་གྱི་ཆ་འཕྲིན་དང་བྱ་སྤྱོད་བཅས་ཚུད་ཡོད་ལ་དེས་མ་ཚད། (འདིའི་ནང་དུ་ཁྱེད་ལ་ཡོངས་བསྒྲགས་སམ་སྐྱེལ་འདྲེན་བྱ་བའི་དབང་ཆ་མེད་པའི་ཆ་འཕྲིན་གང་ཞིག་གམ་འདིའི་རིགས་ཀྱི་ཡོངས་བསྒྲགས་སམ་སྐྱེལ་འདྲེན་གྱིས་གསང་སྲུང་འོས་འགན་དང་ཡང་ན་ཕྱོགས་གསུམ་པའི་ཤེས་རིག་ཐོན་དབང་དང་འགལ་བ་ལ་སོགས་སོ།།)

གྲོས་ཡིག་འདིས་ཁ་གསལ་པོར་གཏན་འབེབས་བྱས་པའམ་སྤྱད་འཐུས་བཅའ་ཁྲིམས་ཀྱིས་ཆོག་མཆན་སྤྲད་པ་ཕུད། དེ་མིན་ཁྱེད་ཀྱིས་གཤམ་གསལ་བྱེད་སྒོ་གང་ཞིག་ཀྱང་མི་སྤེལ་བར་འཐད་པ་མ་ཟད་ཁས་ལེན་དགོས།

(ཀ) ཞབས་ཞུ་འདིའི་ནང་གི་པར་དབང་། ཚོང་རྟགས་སམ་གཞན་གྱི་གཅིག་པུར་ཡོད་པའི་བརྡ་ཐོ་གང་རུང་ཞིག་སུབ་པ།

(ཁ) ཞབས་ཞུ་འདིའི་ནང་དོན་ཆ་ཚང་ངམ་ཁ་ཤས་འདྲ་བཤུ་དང་དག་བཅོས་བྱ་བའམ་ཞབས་ཞུ་འདིའམ་འདིའི་ནང་གི་ཆ་ཤས་གཞན་གྱི་བྱ་རིམ་དང་ཟླ་སྒྲིལ་གཏོང་བའམ་གཞན་གྱི་བྱ་རིམ་ནང་དུ་ཟླ་སྒྲིལ་གཏོང་བ།

(ག) དབང་ཆ་མེད་པར་ཞབས་ཞུ་འདི་ལྟ་སྤྱོད་བྱ་བའམ་ལྟ་སྤྱོད་བྱ་བའི་ཚོད་ལྟ་བྱེད་པ། ཡང་ན་ཞབས་ཞུ་འདིའམ་འབྲེལ་ཡོད་རྒྱུད་ཁོངས་སམ་དྲ་རྒྱའི་ཆ་ཤས་གང་ཞིག་ལ་གནོད་འཚེ་གཏོང་བ།

(ང་པ།) ཞབས་ཞུ་འདིའམ་འདིའི་ཆ་ཤས་དབྱེ་ཕྲལ་རྩིས་གྲངས་ཡིག་འབེབས་སམ་ལྡོག་ཕྱོགས་སུ་གསར་སྤེལ་བྱེད་པའམ་ཞབས་ཞུ་འདིའམ་འདིའི་ཆ་ཤས་ལ་དམིགས་ནས་བསྐྱར་འགྱུར་བརྩམས་ཆོས་གསར་སྐྲུན་བྱེད་པ།ཡང་ན་སྤྱད་འཐུས་བཅའ་ཁྲིམས་ཀྱིས་བཀག་སྡོམ་བྱས་པའི་རིགས་འདྲའི་བྱེད་སྒོ་སྒྲུབ་ཐབས་བྱེད་པ།

(ཅ) ཞབས་ཞུ་འདི་བགོས་འགྲེམ། ཆོག་མཆན། བོགས་མར་གཏོང་བ། འཚོང་བ། བརྒྱུད་འཚོང་། འཛེམ་བག་མེད་པར་སྟོན་པ། འཛེམ་བག་མེད་པར་འཁྲབ་སྟོན། སྐྱེལ་འདྲེན། གཏོང་བ། ཁྱབ་སྤེལ་ལམ་གཞན་གྱི་བྱ་ཐབས་ཐོག་ནས་བེད་སྤྱོད་པ།

(ཆ)     ངེད་ཚང་གི་ཡིག་ངོས་ནས་ཆོག་མཆན་མ་བརྒྱུད་པར། བྱེད་ཐབས་གང་རུང་གི་སྒོ་ནས་ཞབས་ཞུ་འདིའི་ཚང་མའམ་ཆ་ཤས་ཀྱི་ནང་དོན་ (དམིགས་བྱའི་དངོས་པོ་དང་ཚབ་ཨང་ཁུངས་ཚུད་།) མཁོ་སྤྲོད་དམ་བྱེད་ཐབས་གང་རུང་གིས་མི་གཞན་པར་བེད་སྤྱོད་དུ་མཁོ་འདོན་བྱེད་པ།

(ཇ་པ།) མི་གཞན་ཡིན་ཁུལ་དང་རྫུན་མིང་ངམ་གཞན་གྱི་བྱ་ཐབས་ཐོག་ནས་ཁྱེད་དང་མི་ག་གེ་མོའམ་གདོས་བཅས་ག་གེ་མོའི་དབར་གྱི་འབྲེལ་བ་རྫུན་ཞུ་བྱེད་པ།

(ཉ) ཁྲིམས་འགལ་དམིགས་ཡུལ་གཞིར་བཟུང་ནས། ཁྲིམས་འགལ་རྣམ་པ་གང་རུང་ངམ་གྲོས་ཡིག་འདི་ལས་བརྒལ་བའི་བྱ་ཐབས་ཐོག་ནས་ཞབས་ཞུ་འདིའམ་ (འདིའི་ཆ་ཤས་གང་རུང་ཞིག་) བེད་སྤྱོད་པའམ་མགོ་སྐོར་གཡོ་འཕྲུལ་ལམ་བསམ་ངན་བྱ་སྤྱོད་གང་ཞིག་སྤེལ་བ། དེའི་ནང་དུ་ཞབས་ཞུ་འདི་ (ཡང་ན་ཞབས་ཞུ་འདིའི་སྦྲེལ་བའི་དྲ་ཚིགས་) ལ་ནང་འཛུལ་གནོད་སྐྱེལ་བ། བཀོལ་སྤྱོད་རྒྱུད་ཁོངས་གང་རུང་ཞིག་གམ་དེའི་ནང་དུ་བསམ་ངན་ཚབ་རྟགས་འཇུག་པ་ཚུད་ཡོད་ལ་དེས་མ་ཚད། དེའི་ནང་དུ་ནད་དུག་གམ་གནོད་ཅན་གཞི་གྲངས་ཚུད་ཡོད།

(ཏ)     ཞབས་ཞུ་འདི་ལྟ་སྤྱོད་དང་ཡང་ན་བེད་སྤྱོད་བྱེད་སྐབས་ངེད་ཚང་ངམ་ཕྱོགས་གསུམ་པའི་ཤེས་རིག་ཐོན་དབང་ལ་གནོད་འཚེ་གཏོང་བ།

ཞབས་ཞུ་འདིའི་སྤྱོད་མཁན་གྱི་ཆ་འཕྲིན་བསྡུ་རུབ། ཡང་ན་རང་འགུལ་ཅན་གྱི་བྱ་ཐབས་ (དཔེར་ན་བརྔ་བསྡུའི་འཕྲུལ་འཁོར་དྲ་ངོས་ཀྱིས་མཉེན་ཆས་འཚོལ་བསྡུ་བྱེད་པ་ལྟ་བུ།) སྤྱད་ནས་ཞབས་ཞུ་འདིའམ་ང་ཚོའི་རྒྱུད་ཁོངས་ལྟ་སྤྱོད་བྱེད་པ། ཡང་ན་ཨང་སྒྱུར་རྟོལ་ནས་ཞབས་ཞུ་འདི་འཁོར་སྐྱོད་བྱེད་པའི་ཞབས་ཞུ་ཆས་ཀྱི་ནང་དོན་གང་རུང་སྐྱེལ་འདྲེན་བྱེད་པའམ་དེའི་ནང་ནས་ནང་དོན་གང་རུང་ལེན་ཐབས་བྱེད་པ།

(ད) མཉེན་ཆས། སྒྲིག་ཆས། མ་གཞུང་། འཕྲུལ་མིའམ་གཞན་གྱི་བྱེད་ཐབས་སམ་འཕེལ་རིམ་ (དེའི་ནང་དུ་འཛེག་འབུ་མཉེན་ཆས། བཤར་ཆས་ཀྱི་བར་གཞུག་གམ་གཞན་གྱི་ལག་རྩལ་ལམ་མིས་བྱེད་པའི་ལས་ཀ་གང་རུང་ཞིག་ཚུད་ཡོད།) བཅས་གསར་སྤེལ་རྒྱབ་སྐྱོར་རམ་བེད་སྤྱད་ནས་ཞབས་ཞུ་འདི་ཧབ་བསྡུ་བྱེད་པའམ་གཞན་གྱི་བྱ་ཐབས་ཐོག་ནས་ཞབས་ཞུ་འདིའི་ནང་གི་སྤྱོད་མཁན་གྱི་ཆ་འཕྲིན་དང་གཞན་གྱི་གཞི་གྲངས་འདྲ་བཤུ་བྱེད་པ།

(ན) ངེད་ཚང་གི་ཡིག་ངོས་ནས་ཆོག་མཆན་མ་བརྒྱུད་པར་ཞབས་ཞུ་འདི་ཚོང་ལས་བེད་ཕྱོགས་སུ་སྤྱོད་པ།

(པ) ཞབས་ཞུ་འདི་བེད་སྤྱད་ནས་ཁྲིམས་འགལ་ཚོང་ལས་ཉོ་ཚོང་གང་ཞིག་སྒྲུབ་པ། དཔེར་ན་མཚོན་ཆ།དུག་རྫས།ཁྲིམས་འགལ་དངོས་པོ།ལྐོག་པར་གྱི་མཉེན་ཆས་སམ་གཞན་གྱི་བཀག་རྫས་བར་ཚོང་རྒྱག་པ།

(ཕ) རྒྱན་འཛུགས་ཆ་འཕྲིན་མཁོ་འདོན་བྱ་བའམ་ཐབས་ཤེས་གཞན་གང་ཞིག་གི་ཐོག་ནས་མི་གཞན་རྒྱན་འཛུགས་པར་སླུ་བྲིད་བྱེད་པ།

(བ) མི་གཞན་གྱི་ཐོ་འཇུག་ཆ་འཕྲིན་སློང་བའམ་མི་གཞན་གྱི་དྲ་གྲངས་ལྟ་སྤྱོད་བྱེད་པ།

(མ) དངུལ་བཀྲུ། ལག་དངུལ་གྱི་ཁེ་བཟང་ཐོབ་ཐབས་བྱེད་པའམ་བརྒྱུད་འཚོང་བཅས་ཀྱི་བྱེད་སྒོའི་ནང་དུ་ཞུགས་པ།

(q) གྲོས་མཐུན་འདི་(ཡང་ན་དེའི་ཁྲོད་ཀྱི་ཁག་གང་རུང་ཞིག་)དང་འགལ་བར་བྱེད་པ། ཡང་ན་བྱ་སྤྱོད་དེ་རིགས་ལ་སྐུལ་འདེད་དང་ངན་སྐུལ་བཏང་པ།

(ཚ)     ཞབས་ཞུ་འདི་བེད་སྤྱོད་དུས་ཞབས་ཞུ་འདི་དང་ངེད་ཚང་གི་མ་ལག་ཡང་ན་དེའི་བདེ་འཇགས་ལ་གནོད་སྐྱོན། བཀག་པ། ཞན་པར་བྱེད་པ། ཡང་ན་དེ་ཐེག་ཚད་ལས་བརྒལ་དུ་འཇུག་པ། སྤྱོད་མཁན་གཞན་པའམ་ཕྱོགས་གཞན་པ་གང་རུང་གི་གློག་ཀླད་མ་ལག་ལ་བར་ཆད་བྱེད་པ། ཞབས་ཞུ་འདིའམ་ངེད་ཚང་གི་ནང་དོན་ཡང་ན་གཞི་གྲངས་ལ་བཙན་འཛུལ་བྱེད་པའམ་ཆོག་མཆན་མ་བརྒྱུད་པར་ལྟ་སྤྱོད་བྱེད་པ།

10. ང་ཚོའི་ནང་དོན་སྤྱོད་པ།

ང་ཚོའམ་ང་ཚོས་ཆོག་མཆན་གནང་ཡོད་མཁན་གྱིས་ཞབས་ཞུ་འདིའམ་ཞབས་ཞུ་འདི་ལས་ཐོབ་པའི་ཆ་འཕྲིན་ཡོད་ཚད། (རྣམ་པ་གང་ལྟར་མངོན་ཀྱང་རུང་རྩོམ་ཆོས་དང་པར་རིས། བརྙན་ཟློས་དང་སྒྲ་ཟློས་ལ་སོགས་སོ།།) པར་རིས། པར་རྟགས། ཉེར་སྤྱོད། ཇུས་འགོད། མཉེན་ཆས། མ་དེབ། བྱ་རིམ། པར་དབང་། ཚོང་རྟགས། ཚོང་ཨང་། མཚོན་རྟགས་དང་དཔྱད་ཡིག་དང་ཞབས་ཞུ་གཞན། གོང་གསལ་ནང་དོན་གྱི་བཟོ་ལྟ་དང་ཉམས་ལེན་ (གཤམ་ནས་ང་ཚོའི་ནང་དོན་ཞེས་བསྡུས་མིང་འབོད།) བཅས་ལ་བདག་དབང་དང་ཁེ་དབང་ཡོད་ཚད་ཉར་ཡོད། ཁྱེད་ཀྱིས་དོ་སྣང་བྱེད་དགོས་པ་ནི་རྒྱལ་ཁབ་ཀྱི་ཁྲིམས་ལུགས་དང་རྒྱལ་སྤྱིའི་ཆིངས་ཡིག་ལྟར་ང་ཚོའི་ནང་དོན་ལ་པར་དབང་དང་། ཚོང་རྟགས་ཀྱི་དབང་ཆ། གཞི་གྲངས་ཀྱི་མཛོད་དབང་། ཁྱད་ཡོད་ཀྱི་དབང་ཆ་དང་ཤེས་བྱའི་བདག་དབང་དང་བཟོ་ལས་བདག་དབང་གཞན་དག་གི་ཁྲིམས་ལུགས་ཀྱིས་སྲུང་སྐྱོབ་བྱས་ཡོད། གྲོས་ཡིག་འདིས་གསར་དུ་གཏན་འབེབས་མ་བྱས་ཚེ་ཁྱེད་ཀྱིས་ཞབས་ཞུ་འདི་ལ་ལྟ་སྤྱོད་དམ་སྤྱོད་པས་ཞབས་ཞུ་འདིའམ་འདིའི་ནང་དོན་གྱི་བདག་དབང་གང་རུང་ངམ་དབང་ཆ་གཞན་དག་ཁྱེད་དམ་མི་གཞན་པར་སྤོ་མི་ཐུབ།

ཁྱེད་ཀྱིས་བྱེད་ཐབས་གང་རུང་བརྒྱུད་དེ་ང་ཚོའི་ནང་དོན་ལ་སྒྱུར་བ་དང་འདྲ་བཤུ། བསྡུ་ལེན། དག་བཅོས། ཁ་སྣོན་མི་ཆོག་ཅིང་། ཕྱིར་ཚོང་དང་འདྲ་བཤུས། ཁྱབ་བརྡལ། ཆོག་མཆན་བཀོད་པ་སོགས་གང་འདོད་དུ་ང་ཚོའི་ནང་དོན་སྤྱོད་མི་ཆོག གལ་སྲིད་ཁྱེད་ཀྱིས་ང་ཚོའི་ནང་དོན་བསྐྱར་དུ་ཡོངས་བསྒྲགས་དང་ལེན་པ། འདྲ་བཤུ། བརྒྱུད་བསྒྲགས་སམ་དེ་མིན་གྱི་བྱ་ཐབས་སྤྱོད་དགོས་ན། ངེས་པར་དུ་སྔ་ནུར་དུ་ང་ཚོ་དང་འབྲེལ་བ་དགོས་པ་མ་ཟད་ང་ཚོའི་དོན་སྒྲུབ་ཀྱི་ཡིག་ཐོག་ཆོག་མཆན་རག་པ་བྱེད་དགོས། གྲོས་ཡིག་འདིས་གསལ་པོར་གསལ་བཤད་བྱས་པའི་གནས་ཚུལ་ཕུད། འདིས་ཁྱེད་ཀྱིས་སྤྱད་འཐུས་ཀྱི་བཙན་ཐབས་བཅའ་ཁྲིམས་ལ་ཡོད་པའི་དབང་ཆ་ཚང་མ་གཞིར་བཟུང་རྒྱུར་ཤུགས་རྐྱེན་མི་ཐེབས།

གལ་སྲིད་སྐུ་ཉིད་ཀྱིས་ཞབས་ཞུ་འདིའམ་འདིའི་ཆ་ཤས་གང་ཞིག་གིས་པར་དབང་དང་ཚོང་རྟགས། ཆེད་ཁེ། ཚོང་ལས་གསང་བའམ་དེ་མིན་གྱི་ཤེས་བྱའི་ཐོན་དབང་བཅས་ལ་གནོད་འཚེ་བཏང་བ་ངོས་འཛིན་པའམ་སྐུ་ཉིད་ཀྱིས་ཞབས་ཞུ་འདིར་འབྲེལ་ཡོད་དོགས་གནད་གཞན་དག་ཡོད་ཚེ། ཁྱེད་ཀྱིས་ང་ཚོར་འབྲེལ་གཏུག་བྱས་ཆོག པ་ཡིན།

ཁྱེད་ཀྱིས་ཞབས་ཞུ་འདིའམ་ཉེར་སྤྱོད་གང་ཞིག་གམ་ཞབས་ཞུ་འདི་བརྒྱུད་ནས་ཡར་སྐུར་ཡོངས་བསྒྲགས་གློག་རྡུལ་སྦྲག་ཡིག་ཐོག་ནས་སམ་གཞན་གྱི་བྱ་ཐབས་ཐོག་གམ་ཉེར་སྤྱོད་གང་ཞིག་བརྒྱུད་ནས་སྐྱེལ་འདྲེན་བྱ་བའི་ཡིག་གཞི་དང་ཡིག་ཆ།པར་རིས།འདྲ་པར།རང་ཉིད་ཀྱི་བརྩམས་ཆོས་སམ་གཞན་གྱི་ཆ་འཕྲིན་གང་ཞིག་ (གཤམ་ལ་མཉམ་དུ་ཁྱེད་ཀྱི་ནང་དོན་ཞེས་འབོད།) ནས་སྐྱེལ་འདྲེན་བྱས་པར་ང་ཚོར་གཅིག་པུར་དབང་བའི་ཁེ་དབང་གང་ཞིག་ཡང་མེད། ཁྱེད་ཀྱིས་ཁྱེད་ཀྱི་ནང་དོན་གྱི་བདག་དབང་དང་ཡང་ན་འཁྲོལ་དབང་ཡོད་ཚད་མུ་མཐུད་དུ་སོར་ཉར་བྱེད། ཁྱེད་ཀྱིས་ཁྱེད་ཀྱི་ནང་དོན་གྱི་འགན་དབང་ཡོད་ཚད་འཁུར་དགོས། ཁྱེད་ཀྱིས་ཞབས་ཞུ་འདིའམ་ཉེར་སྤྱོད་གང་ཞིག་ཐོག་གམ་ཞབས་ཞུ་འདིའམ་ཉེར་སྤྱོད་གང་ཞིག་བརྒྱུད་ནས་ཁྱེད་ཀྱི་ནང་དོན་གང་ཞིག་སྐྱེལ་འདྲེན་བྱས་པ་དེ་ཁྱེད་ཀྱི་གསལ་བསྒྲགས་སུ་བརྩི་བ་མ་ཟད་ཁྱེད་ལ་གོང་བརྗོད་སྤྱོད་དབང་ཡོད། ད་དུང་ང་ཚོས་གཤམ་གསལ་ཆོག་མཆན་གཞིར་བཟུང་ནས་ཁྱེད་ཀྱི་ནང་དོན་སྤྱོད་པར་བཅའ་ཁྲིམས་སམ་ཕྱོགས་གསུམ་པའི་ཁེ་དབང་དང་འགལ་ཡོད་མེད་ལྟ།

ཞབས་ཞུ་འདིའམ་ཉེར་སྤྱོད་གང་ཞིག་ཐོག་གམ་ཞབས་ཞུ་འདིའམ་ཉེར་སྤྱོད་གང་ཞིག་བརྒྱུད་ནས་ཁྱེད་ཀྱི་ནང་དོན་སྐྱེལ་འདྲེན་བྱས་པ་དེ། ཁྱེད་ཀྱིས་དམིགས་བསལ་དུ་ང་ཚོར་འབའ་ཞིག་ཅན་མིན་ལ་པར་དབང་རིན་མི་དགོས་པ་དངུལ་གྲངས་ཆ་ཚང་སྤྲོད་པ་ཕྱིར་འཐེན་མི་ཆོག་པ་ནང་བཤུག་གཏོང་ཆོག་པ་དེ་བཞིན་བརྒྱུད་སྤྲོད་བྱ་ཆོག་པའི་དབང་ཆ་འཛམ་གླིང་ཡོངས་ཀྱི་ཁྱབ་ཁོངས་ནང་དུ་ཁྱེད་ཀྱི་ནང་དོན་ང་ཚོས་བེད་སྤྱོད་བཟོ་བཅོས་འཛེམ་བག་མེད་པར་འཁྲབ་པ།འཛེམ་བག་མེད་པར་སྟོན་པ་དང་འདྲ་བཤུ།བགོས་འགྲེམ།དེ་བཞིན་ཡིག་སྒྱུར་བྱ་བ་དེ་ང་ཚོས་ཞབས་ཞུ་འདི་མཁོ་འདོན་བྱ་བདེ་བའི་ཆེད་དུ་ཡིན།

ཁྱེད་ཀྱིས་ཧྭ་ཝེ་མ་ཡིན་པའི་སྒྲིག་ཆས་སྟེང་ནས་ཁྱེད་ཀྱི་ནང་དོན་ཁྲོད་ཀྱི་ཡིག་ཆ་གལ་ཆེན་དང་གཞི་གྲངས། པར་རིས་དང་ཆ་འཕྲིན་གཞན་པ་གང་རུང་གྲབས་ཉར་བྱེད་པར་འགན་འཁུར་དགོས། ང་ཚོས་ལུགས་མཐུན་གྱི་ལག་རྩལ་བྱེད་ཐབས་སྤྱད་དེ་འོས་འཚམ་དང་གཟབ་ནན་ཐོག་ནས་ཞབས་ཞུ་འདི་མཁོ་སྤྲོད་བྱ་རྒྱུ་ཡིན། འོན་ཏེ་ང་ཚོས་ཁྱེད་ཀྱིས་ཞབས་ཞུ་འདི་བརྒྱུད་ནས་ཉར་ཚགས་དང་ལྟ་སྤྱོད་བྱས་པའི་ནང་དོན་བསམ་ཡུལ་ལས་འདས་པའི་གནོད་སྐྱོན་དང་གནོད་འཚེ། བོར་བརླག་མི་འབྱུང་བའི་ཁས་ལེན་དང་ཁག་ཐེག་བྱེད་མི་ཐུབ་པ་མ་ཟད། ང་ཚོར་གྲོས་ཡིག་འདི་ལྟར་ཁྱེད་ཀྱི་ནང་དོན་སུབ་པའི་དབང་ཆ་ཡོད།

གལ་སྲིད་སྐུ་ཉིད་ཀྱི་ནང་དོན་ནང་དུ་མི་སྒེར་གྱི་གཞི་གྲངས་གང་ཞིག་ཚུད་ཡོད་ཚེ། ང་ཚོས་ངེད་ཀྱི་གསང་བའི་གསལ་བསྒྲགས་ཞེས་པར་གཞིགས་ནས་གཞི་གྲངས་འདི་བེད་སྤྱོད་རྒྱུ།

11. ཞབས་ཞུ་འདིར་བཙན་ལྟ།

ཁྱེད་ཀྱིས་ཤེས་དགོས་པ་ནི་ང་ཚོར་ཁྱེད་ (ཡང་ན་མི་གཞན་གང་རུང་།) ཀྱིས་ཞབས་ཞུ་འདི་ལ་ལྟ་སྤྱོད་དང་སྤྱོད་པའི་ཐད་གྲོས་ཡིག་འདི་དང་འགལ་ཡོད་མེད་ལྟ་རྟོག་ཚོད་འཛིན་བྱེད་པའི་འོས་འགན་མེད། འོན་ཀྱང་ང་ཚོར་ཚོང་གཉེར་དང་ཞབས་ཞུ་ལེགས་བཅོས་བྱ་རྒྱུའི་དམིགས་ཡུལ་ (དེའི་ནང་དུ་གཡོ་ཁྲམ་འགོག་ཟོན་དང་ཉེན་ཁ་དཔྱད་དཔོག བརྟག་དཔྱད་དེ་བཞིན་མཁོ་མཁན་གྱི་རྒྱབ་སྐྱོར་བཅས་ཚུད་ཡོད་ལ་དེས་མ་ཚད།) གཞིགས་ནས་ལྟ་སྲུང་བྱེད་དབང་ཡོད། ཁྱེད་ཀྱིས་གྲོས་ཡིག་འདི་དང་སྤྱད་འཐུས་བཅའ་ཁྲིམས། ཡང་ན་ཁྲིམས་ཁང་དང་སྲིད་རྒྱ། སྲིད་འཛིན་ལས་ཁུངས་སམ་སྲིད་ཞུང་ལས་ཁུངས་གཞན་གྱི་བཀའ་རྒྱའམ་རེ་འདུན་ལ་བརྩི་སྲུང་ཞུ་དགོས། ང་ཚོར་དུས་ནམ་ཡང་ཁྱེད་ཀྱི་ནང་དོན་གྲོས་ཡིག་འདི་དང་མཐུན་ཞིང་འཚམ་པ་ཡིན་མིན་ཐག་གཅོད་པའི་དབང་ཆ་ཡོད། གལ་སྲིད་ང་ཚོས་ཁྱེད་ཀྱི་ནང་དོན་གྲོས་ཡིག་འདི་དང་འགལ་བའམ་ཕྱོགས་གཞན་གྱི་ཐད་ལ་མི་གཞན་ཞེ་ལོག་ཏུ་བཅུག་པ་ཤེས་ཚེ། ང་ཚོས་སྔོན་དུ་བརྡ་ཐོ་མ་གཏོང་བའི་གནས་ཚུལ་འོག ག་དུས་ཡིན་རུང་བབ་བསྟུན་གྱི་ཁྱེད་ཀྱི་ནང་དོན་ལ་གྲ་སྒྲིག་འདྲི་གཅོད། གནས་སྤོ། ཁས་མི་ལེན་པ། བཟོ་བཅོས་དང་ཡང་ན་སྒྱུར་སྤོ་བཅས་བྱེད་དབང་ཡོད།

12. ཁྱེད་ཀྱིས་ཉེན་ཁ་རང་ཁུར་བྱེད་དགོས་པའི་མཐུན་སྦྱོར།

ཁྱེད་ཀྱིས་རང་ཉིད་ཀྱི་ཧྭ་ཝེ་དྲ་གྲངས་གསར་འཛུགས་དང་གསར་སྒྱུར་བྱེད་དུས། ང་ཚོས་ཁྱེད་ཀྱིས་མཁོ་སྤྲོད་བྱས་པའི་ཆ་འཕྲིན་སྤྱད་དེ་གློག་རྡུལ་གྱི་ལམ་ནས་ཁྱེད་དང་ཞབས་ཞུ་འདིར་དམིགས་ཏེ་མཐུན་སྦྱོར་བྱེད་སྲིད། ཁྱེད་ཀྱིས་མོས་མཐུན་བྱ་རྒྱུར། ང་ཚོས་གྲོས་ཡིག་འདི་དང་ཞབས་ཞུ་འདིའི་ལྟ་སྤྱོད་དང་བེད་སྤྱོད་ཀྱི་ཐད་འབྲེལ་ཡོད་དོན་ཚན་ལྟར་གློག་རྡུལ་ཐབས་ལམ་བརྒྱུད་ནས་ཁྱེད་དང་མཐུན་སྦྱོར་བྱེད། ཕྱོགས་གསུམ་པས་གློག་རྡུལ་སྦྲག་ཡིག་དང་མཉམ་སྦྲེལ་དྲ་རྒྱ་བརྒྱུད་ནས་ཆ་འཕྲིན་བརྒྱུད་གཏོང་བྱ་ཐབས་ལ་ཐེ་གཏོགས་སམ་ཞིབ་བཤེར་གཏན་འབེབས་བྱེད་དེ།གཅིག་པུར་ར་སྤྲོད་བྱེད་དགོས། ང་ཚོས་འདིའི་རིགས་མཐུན་སྦྱོར་གྱི་བདེ་འཇགས་དང་གསང་བའི་རང་བཞིན་འགན་ལེན་བྱ་ཐབས་བྲལ་བས། འདིའི་རིགས་མཐུན་སྦྱོར་གྱི་ཉེན་ཁའི་འགན་འཁྲི་རང་ཉིད་ཀྱིས་འཁུར་རྒྱུ།

13. གསང་བ་དང་གཞི་གྲངས་ཀྱི་བསྡུ་རུབ།

སྐུ་ཉིད་ལ་སྔར་བས་བརྟན་འཇགས་ཀྱི་ཞབས་ཞུ་མཁོ་འདོན་བྱ་ཆེད་དང་སྐུ་ཉིད་ཀྱི་ཉོ་ཚོང་བདེ་འཇགས་འགན་ལེན་བྱ་ཆེད་དུ། ང་ཚོས་གསང་བའི་གསལ་བསྒྲགས་གཞིར་བཟུང་ནས། སྐུ་ཉིད་ཀྱི་ཆ་འཕྲིན་དང་ལག་རྩལ་གཞི་གྲངས་བསྡུ་རུབ་དང་ཐག་གཅོད་བྱ་རྒྱུ།

14. འོས་འགན་མེད་པའི་གསལ་བཤད།

ཞབས་ཞུ་འདི་ནི་ཁྱེད་མི་སྒེར་གྱིས་སྤྱོད་པ་ཁོ་ནར་མཁོ་འདོན་བྱས། ཕྱོགས་གསུམ་པ་གང་རུང་ཞིག་གིས་སྤྱོད་པར་མཁོ་འདོན་བྱེད་མི་ཉན། ཁྱེད་ཀྱིས་མོས་མཐུན་བྱ་རྒྱུར། ང་ཚོ་དང་ང་ཚོའི་ཀུང་སི་མ་གཙོ་དང་ཡན་ལག་ཀུང་སི། འབྲེལ་ཡོད་ཀུང་སི། འགན་འཁུར་བ། ལས་འཛིན། ལས་མི། ཚོང་འགན་གཙང་། ལས་ཚབ། ཕྱོགས་གསུམ་པའི་དངུལ་སྤྲོད་ཞབས་ཞུ་མཁོ་འདོན་ཚོང་པ། མཉམ་ལས་རོགས་ཟླ། ཁས་ལེན་ཕྱོགས་དང་བརྒྱུད་འཚོང་ཚོང་པ་ (གཤམ་ནས་མཉམ་དུ་ཧྭ་ཝེ་ཕྱོགས་ཞེས་འབོད།) བཅས་ཀྱིས་དབང་མ་སྤྲད་པར་ཞབས་ཞུ་སྤྱོད་པའི་རྐྱེན་གྱིས་བྱུང་བའི་གྱོང་གུན་གང་རུང་ཞིག་གི་འགན་འཁྲི་ཅི་ཡང་མི་འཁུར།

ཧྭ་ཝེ་ཕྱོགས་ཀྱིས་ཞབས་ཞུ་འདིར་སྲུང་སྐྱོང་ངམ་གཞན་གྱི་རྒྱབ་སྐྱོར་ཞབས་ཞུ་མཁོ་འདོན་མི་བྱེད། ཞབས་ཞུ་འདིས་བེད་སྤྱོད་པའི་བརྒྱུད་རིམ་ནང་ཚོད་འཛིན་མི་ཐུབ་པའི་རྐྱེན་གྱིས་དུས་མཚམས་འདིའི་རིང་ཆད་པ་དང་དུས་འགྱངས་ཀྱི་འགོག་རྐྱེན་འཕྲད་སྲིད། ཧྭ་ཝེའི་ཕྱོགས་ཀྱིས་གོང་གསལ་བར་མཚམས་ཆད་པ་དང་དུས་འགྱངས་པ།འགོག་རྐྱེན་ནམ་ལས་འཛོལ་རིགས་ཀྱི་རྐྱེན་པའི་འབྲེལ་ཡོད་རྒྱུ་མཚན་ཞུ་འབུལ་ལ་འགན་འཁྲི་ཅི་ཡང་མི་འཁུར།

ཁྱེད་གནས་སའི་ཁྲིམས་འཛིན་མངའ་ཁོངས་ཀྱི་སྤྱད་འཐུས་བཅའ་ཁྲིམས་ཀྱིས་ཆོག་མཆན་སྤྲད་པའི་གཞི་རྒྱ་ཆེ་ཤོས་ནང་དུ་སྐུ་ཉིད་དང་དེ་མིན་གྱི་མི་གང་རུང་ཞིག་གིས་གཤམ་གྱི་རྒྱུ་རྐྱེན་གྱི་རྐྱེན་པས་ཞབས་ཞུ་འདི་ལྟ་སྤྱོད་དང་བེད་སྤྱོད་མི་ཐུབ་པའི་འགན་འཁྲི་དང་གྱོང་གུན། གནོད་འཚེའམ་གུན་གསབ་བཅས་ཀྱི་ཐད་ལ་ཧྭ་ཝེ་ཡིས་འགན་འཁྲི་ཅི་ཡང་མི་འཁུར།

ཀ་པ། ང་ཚོས་མ་ལག་གམ་མཉེན་ཆས་དང་མཁྲེགས་ཆས་ལ་སྲུང་སྐྱོང་ངམ་རིམ་སྤོར་བྱེད་པའི་རྐྱེན་གྱིས་ཞབས་ཞུ་འདི་བར་མཚམས་འཇོག་པའམ་མཚམས་འཇོག་པ།

ཁ་པ། ང་ཚོའི་མིན་པའམ་ང་ཚོས་ཚོད་འཛིན་མི་བྱེད་པའི་མ་ལག་གམ་དྲ་རྒྱའི་འཕྲིན་གཏོང་གི་དུས་འགྱངས་སམ་ལས་འཛོལ་བྱུང་བ།

ག་པ།ང་ཚོ་དང་ཕྱོགས་གསུམ་པའི་དངུལ་སྤྲོད་ཞབས་ཞུ་མཁོ་འདོན་ཚོང་པ་གང་ཞིག་དབར་གྱི་གན་རྒྱ་དང་དེ་མིན་གྱི་ཁ་ཆད་བར་མཚམས་འཇོག་པ་དང་རྩིས་མེད་དུ་གཏོང་བ། མཚམས་འཇོག་པ།

d. ཧག་ཁེར་གྱི་ཚུར་རྒོལ་ལམ་རིགས་དང་དེ་འདྲའི་བདེ་འཇགས་ཤུགས་རྐྱེན་གྱིས་རྐྱེན་པས་ནོར་འཛོལ། ཡང་ན་བར་ཆད་བྱུང་བ།

ཅ་པ། ང་ཚོའི་ལུགས་མཐུན་གྱི་ཚོད་འཛིན་ལས་བརྒལ་བའི་དེ་མིན་གྱི་རྒྱུ་རྐྱེན།

ཞབས་ཞུ་འདི་ད་ལྟའི་གནས་བབ་དང་ད་ཡོད་ལྟར་མཁོ་འདོན་བྱེད་ཅིང་།རྣམ་པ་གང་རུང་གི་ཁག་ཐེག་དང་འཛིན་ཡིག་ཅི་ཡང་མེད། ཁྱེད་གནས་སའི་ཁྲིམས་འཛིན་མངའ་ཁོངས་སྤྱད་འཐུས་བཅའ་ཁྲིམས་ཀྱི་གཞི་རྒྱ་ཆེ་ཤོས་ནང་། ཧྭ་ཝེ་ཕྱོགས་ཀྱིས་གཤམ་གསལ་གསལ་སྟོན་ནམ་ཟུར་བརྡ་སྟོན་པའི་འགན་ལེན་དང་ཆ་རྐྱེན་ནམ་དེ་མིན་གྱི་ཆོད་དོན་བཅས་ཀྱི་ཐད་ལ་ཁས་ལེན་བྱས་མེད། དེའི་ཆེད་ཁག་ཐེག ཁས་ལེན། གསལ་བསྒྲགས་སམ་འགན་ལེན་ཅི་ཡང་བྱས་མེད། (ཀ་པ།) ཞབས་ཞུ་འདིའམ་ཞབས་ཞུ་འདི་བརྒྱུད་ནས་ཐོབ་པའི་ནང་དོན་གང་རུང་ཞིག་ཆ་ཚང་རང་བཞིན་དང་ཡང་དག་རང་བཞིན། བློ་གཏད་ཆོག་པའི་རང་བཞིན་དེ་བཞིན་དུས་ཐོག་རང་བཞིན་གཞིར་བཟུང་། (ཁ་པ།) ཞབས་ཞུ་འདིའམ་ཞབས་ཞུ་འདི་འཁུར་མཁན་ཞབས་ཞུའི་སྟེགས་བུར་སྐྱོན་ཆ། ནོར་འཁྲུལ། ནད་དུག སྐྱོན་ནམ་དེ་མིན་གྱི་གནོད་ཅན་རྒྱུ་རྐྱེན་གཙོ་བོ་ཡོད་མེད། (ག་པ།) ཞབས་ཞུ་འདིའི་འཁོར་སྐྱོད་དམ་བྱེད་ནུས་ཐད་ཀྱི་སྐྱོན་ཆ་བཟོ་བཅོས་བྱས་ཡོད་མེད། (ང་པ།) ཞབས་ཞུ་འདིའི་དམིགས་བཙུགས་བྱེད་ནུས་འབྲེལ་ཡོད་འགན་ལེན་ནམ་ཁྱེད་ཀྱིས་ཞབས་ཞུ་འདི་སྤྱོད་པའམ་ལྟ་སྤྱོད་བྱ་དུས་ཐོབ་པའི་ཆ་འཕྲིན་གང་ཞིག་བློས་གཏད་ཆོག་པ། སྤུས་ལེགས་སམ་གནད་དུ་འཁེལ་བ་ཡིན་མིན། (ཅ་པ།) ཞབས་ཞུ་འདི་བདེ་འཇགས་ཡིན་མིན་དང་ནོར་འཁྲུལ་ཡོད་མེད། དེ་བཞིན་ (ཆ་པ།) ཞབས་ཞུ་འདི་བློས་གཏད་ཆོག་པ་དང་སྤུས་ལེགས། གནད་དུ་འཁེལ་བ། སྤྱོད་ཐུབ་པ་བཅས་ཡིན་མིན་དང་ཁྱེད་ཀྱི་དགོས་མཁོ་སྐོང་ཐུབ་མིན། དམིགས་བཙུགས་ཀྱི་མཇུག་འབྲས་ཐོན་ཐུབ་པམ་དམིགས་བཙུགས་ཀྱི་མཇུག་འབྲས་སམ་གྲུབ་འབྲས་མངོན་འགྱུར་ཐུབ་པ། ཞབས་ཞུ་འདིའི་ཆ་ཚང་ངམ་ཁ་ཤས་ལ་བརྟེན་ཐབས་དང་བེད་སྤྱོད་དམ་འགྲེལ་བཤད་བྱ་བའམ་ཁྱེད་ (དམ་མི་གཞན་) གྱིས་ལྟ་སྤྱོད་དང་ཡང་ན་བེད་སྤྱོད་དུས་ཐོབ་པའི་ཆ་འཕྲིན་གྱིས་རྐྱེན་པའི་གྱོང་གུན་དང་གནོད་འཚེ་གང་ཞིག་ལ་ཧྭ་ཝེ་ཡིས་འགན་འཁྲི་ཅི་ཡང་མི་འཁུར།

རྒྱལ་ཁབ་ཁ་ཤས་ཀྱི་བཅའ་ཁྲིམས་ཀྱིས་གན་རྒྱའི་ནང་དུ་འགན་ལེན་ཁག་ཐེག་གམ་འོས་འགན་རྐྱེན་སེལ་ལམ་བཀག་སྡོམ་བྱེད་མི་ཆོག གལ་སྲིད་བཅའ་ཁྲིམས་འདི་ཚོ་ཁྱེད་དང་འཚམ་མཐུན་ཡིན་ཚེ། གོང་བརྗོད་རྐྱེན་སེལ་ལམ་བཀག་སྡོམ་གྱི་དོན་ཚན་ཆ་ཚང་ངམ་ཁ་ཤས་ཁྱེད་དང་འཚམ་མཐུན་མེད་སྲིད། ཁྱེད་ལ་དེ་ལས་གཞན་པའི་ཁེ་དབང་ཡོད། གྲོས་ཡིག་འདིའི་ཁྲོད་ཀྱི་ནང་དོན་གྱིས་ཁྱེད་འཛད་སྤྱོད་པར་ཡོད་པའི་ཁྲིམས་བཀོད་ཁེ་དབང་ལ་ཤུགས་རྐྱེན་ཐེབས་མི་སྲིད། ཁྱེད་ཀྱིས་ཀྱང་མོས་མཐུན་བརྒྱུད་ནས་གན་རྒྱ་འདིའི་ཁེ་དབང་འདི་ཚོ་འགྱུར་ལྡོག་གམ་བློས་གཏོང་ཐབས་བྲལ།

15.འགན་འཁྲིའི་ཚད་བཀག།

ཁྱེད་གནས་སའི་ཁྲིམས་འཛིན་མངའ་ཁོངས་ཀྱི་སྤྱད་འཐུས་ཁྲིམས་ལུགས་ཀྱིས་ཆོག་མཆན་སྤྲད་པའི་གཞི་རྒྱ་ཆེ་ཤོས་ནང་། ཁྱེད་ཀྱིས་ཞབས་ཞུ་འདི་ལ་ལྟ་སྤྱོད་དང་སྤྱོད་པར་འཕྲད་སྲིད་པའི་ཉེན་ཁའི་འགན་འཁུར་དགོས། ཧྭ་ཝེའི་ཕྱོགས་ཀྱིས་ཁ་གསལ་པོར་གཤམ་གྱི་གནས་ཚུལ་གྱིས་རྐྱེན་པས་ཁྱེད་དམ་མི་གཞན་གང་རུང་ཞིག་ལ་བཟོས་པའི་འགན་འཁྲི་དང་གྱོང་གུན་ནམ་གནོད་འཚེ་བཅས་སེལ་ཐབས་བྱེད། གན་རྒྱ་གཞིར་བཟུང་ཡིན་པའམ་ཁེ་དབང་ལ་གནོད་འཚེ་གཏོང་བ་ (དེའི་ནང་དུ་ལས་འཛོལ་གྱི་ཁེ་དབང་ལ་གནོད་འཚེ་གཏོང་བ་ཡང་ཚུད་ཡོད།) ཡང་ན་གཞན་གྱི་གཞི་འཛིན་ས་གང་འདྲ་ཞིག་ཡིན་རུང་། (ཀ) ཁེ་སྤོགས་གྱོང་གུན། ཡོང་འབབ་གྱོང་གུན། ཁེ་ཕན་གྱོང་གུན། གཞི་གྲངས་བརླག་པའམ་ཚོང་སྙན་གྱོང་གུན། ཡང་ན་ (ཁ) དམིགས་བསལ་དང་།གཞན་བརྒྱུད་དམ་འགྱུར་སྐྱེ་རང་བཞིན་གྱི་གྱོང་གུན་ནམ་གནོད་འཚེ། གོང་བརྗོད་ཀྱི་གྱོང་གུད་ཀྱི་འབྱུང་སྲིད་རང་བཞིན་ངེད་ཚང་གིས་ཤེས་རྟོགས་བྱུང་ཡོད་པའམ་ཤེས་རྟོགས་བྱེད་འོས་མིན་གང་ཡིན་རུང་། གྲོས་མཐུན་འདིའི་ཁྲོད་ཀྱི་ཚད་བཀག་དང་ཁས་ལེན་མི་བྱེད་པའི་དོན་ཚན་ཚང་མ་སྤྱད་འཐུས་ཡིན།

ཁྱེད་ཀྱིས་ག་དུས་ཡིན་རུང་། ཞབས་ཞུ་འདིའི་ཕྱོགས་གང་ཐད་ནས་བློ་ལ་མ་བབས་ཚེ། ཁྱེད་ཀྱི་འབའ་ཞིག་ཅན་གྱི་རྒུད་སྐྱོབ་བྱ་ཐབས་ནི་ཞབས་ཞུ་འདི་ལ་ལྟ་སྤྱོད་དང་སྤྱོད་མཚམས་འཇོག་རྒྱུ་དེ་རེད། གོང་གསལ་གྱི་ཚད་བཀག་ལ་ཤུགས་རྐྱེན་མི་ཐེབས་པའི་གནས་ཚུལ་འོག ཁྱེད་གནས་སའི་ཁྲིམས་འཛིན་མངའ་ཁོངས་ཀྱི་ཁྲིམས་ལུགས་ཀྱི་གཞི་རྒྱའི་ནང་། ཧྭ་ཝེ་ཕྱོགས་ཀྱིས་ཁྱེད་དམ་དེ་མིན་གཞན་གྱི་རེ་ཞུ་དང་གཞུང་གཏུག འགན་འཁྲི། འོས་འགན། གྱོང་གུན། གནོད་འཚེ། མ་གནས་བཅས་འགན་འཁྲི་ཚང་མ་ཡོ་སྒོར་ (50) ལས་མི་རྒལ་བ་དང་གན་རྒྱ་གཞིར་བཟུང་ཡིན་པའམ་ཁེ་དབང་ལ་གནོད་འཚེ་གཏོང་བ་ (དེའི་ནང་དུ་ལས་འཛོལ་གྱི་ཁེ་དབང་ལ་གནོད་འཚེ་གཏོང་བ་ཡང་ཚུད་ཡོད།) ཡང་ན་གཞན་གྱི་གཞི་འཛིན་ས་གང་འདྲ་ཞིག་ཡིན་རུང་། ཁྱེད་ཀྱིས་གྲོས་ཡིག་འདིའི་ནང་གི་འགན་མེད་གསལ་བསྒྲགས་དང་འོས་འགན་བཀག་སྡོམ་ཀྱི་དྲང་སྙོམས་དང་ལུགས་མཐུན་ལ་བསམ་ཤེས་དང་མོས་མཐུན་བྱ་དགོས།

རྒྱལ་ཁབ་ཁ་ཤས་ཀྱི་བཅའ་ཁྲིམས་ཀྱིས་གན་རྒྱའི་ནང་དུ་འགན་ལེན་ཁག་ཐེག་གམ་འོས་འགན་རྐྱེན་སེལ་ལམ་བཀག་སྡོམ་བྱེད་མི་ཆོག གལ་སྲིད་བཅའ་ཁྲིམས་འདི་ཚོ་ཁྱེད་དང་འཚམ་མཐུན་ཡིན་ཚེ། གོང་བརྗོད་རྐྱེན་སེལ་ལམ་བཀག་སྡོམ་གྱི་དོན་ཚན་ཆ་ཚང་ངམ་ཁ་ཤས་ཁྱེད་དང་འཚམ་མཐུན་མེད་སྲིད། ཁྱེད་ལ་དེ་ལས་གཞན་པའི་ཁེ་དབང་ཡོད། གྲོས་ཡིག་འདིའི་ཁྲོད་ཀྱི་ནང་དོན་གྱིས་ཁྱེད་འཛད་སྤྱོད་པར་ཡོད་པའི་ཁྲིམས་བཀོད་ཁེ་དབང་ལ་ཤུགས་རྐྱེན་ཐེབས་མི་སྲིད། ཁྱེད་ཀྱིས་ཀྱས་མོས་མཐུན་བརྒྱུད་ནས་གན་རྒྱ་འདིའི་ཁེ་དབང་འདི་ཚོ་འགྱུར་ལྡོག་གམ་བློས་གཏོང་ཐབས་བྲལ།

16. སྐྱིན་གསབ།

ཁྱེད་གནས་སའི་ཁྲིམས་འཛིན་མངའ་ཁོངས་ཀྱི་སྤྱད་འཐུས་ཁྲིམས་ལུགས་ཀྱིས་ཆོག་མཆན་བཀོད་པའི་ཆེས་ཆེ་བའི་ཁྱབ་ཁོངས་སུ། ཁྱེད་ཀྱིས་ཁྱེད་ཀྱི་ནང་དོན་དང་ཁྱེད་ཀྱིས་ཞབས་ཞུ་འདི་སྤྱོད་པ། ཁྱེད་གྲོས་ཡིག་འདི་དང་འགལ་བ། ཁྱེད་ཀྱིས་ཕྱོགས་གསུམ་པའི་ཤེས་བྱའི་བདག་དབང་དང་དབང་ཆ་གཞན་པ། ཡང་ན་མི་གང་རུང་གིས་ཁྱེད་ཀྱི་ཧྭ་ཝེ་དྲ་གྲངས་སྤྱད་དེ་སྤྱོད་པ་འདི་རིགས་སྤེལ་བའམ་ཆིངས་ཡིག་དང་འགལ་བ། དེ་ལས་བྱུང་བའི་འབྲེལ་ཡོད་ཀྱི་གུན་གསབ་ཞུ་བ་གང་རུང་དང་གཏུག་བཤེར། ཡང་ན་གཏུག་བཤེར་ལས་བྱུང་བའི་གནོད་འཚེ་གང་ཡང་ཧྭ་ཝེའི་ཕྱོགས་ལ་འབྲེལ་བ་མེད་པ་ཁག་ཐེག་བྱེད་དགོས་པ་མ་ཟད། གནོད་འཚེ་འདིའི་རིགས་བྱུང་ན་ཧྭ་ཝེའི་ཕྱོགས་ལ་སྐྱིན་ཚབ་སྤྲོད་དགོས། གོང་གསལ་གྱི་གུན་གསབ་ཞུ་བ་དང་གཏུག་བཤེར། ཡང་ན་གཏུག་བཤེར་ (ནོར་འཁྲུལ་ལ་ཁ་གཏད་པའི་གུན་གསབ་ཞུ་བ་གང་རུང་འདུས།) ་ལས་བྱུང་བའི་འགན་ཁུར་དང་གྱོང་གུན། འགྲོ་གྲོན། གཏུག་བཤེར་རྒྱག་རིན་དང་ཁྲིམས་རྩོད་པའི་རིན་པ་བཅས་ཁོངས་སུ་གཏོགས།

ཁྱེད་ཀྱིས་ཧྭ་ཝེ་ཕྱོགས་གང་རུང་ཞིག་གིས་ལུགས་མཐུན་གྱི་རེ་བ་འདོན་དུས། འཕྲལ་དུ་ནུས་པ་གང་ཡོད་ཀྱིས་འདིའི་གོང་བརྗོད་གྱོང་གསབ་ལེན་པའི་རེ་ཞུའམ་རེ་བ་དག་འབུད་བྱ་རྒྱུ་ཁག་ཐེག་བྱེད་པ་མ་ཟད་མོས་མཐུན་བྱེད་དགོས། ང་ཚོར་རང་ཉིད་ཀྱིས་རིན་སྤྲོད་པའི་དབང་ཆ་ཡོད་ལ། ཁྱེད་ཀྱིས་གུན་གསབ་བྱ་བའི་སྒྲུབ་སྟངས་ལ་སྒེར་ཚུགས་ཀྱི་དག་འབུད་བྱ་བ་མ་ཟད་དབང་ཆ་ཚང་མས་ཚོད་འཛིན་བྱ་དབང་ཡོད།

17. ཁྱེད་ཀྱིས་མཚམས་འཇོག་པ།

ཁྱེད་ཀྱིས་དྲ་གྲངས་སྒྲིག་འགོད་བརྒྱུད་པའམ་ཞབས་ཞུ་འདི་བེད་སྤྱོད་མཚམས་འཇོག་ནས་ཁྱེད་ཀྱི་དྲ་གྲངས་མཚམས་འཇོག་ཐུབ།

དྲ་གྲངས་མཚམས་འཇོག་རྗེས། ཁྱེད་ཀྱི་དྲ་གྲངས་སུ་ཉར་བའི་གཞི་གྲངས་ཡོད་ཚད་དེ། ཁྱེད་ཀྱི་དྲ་གྲངས་ལས་བྱུང་བའི་ནང་དོན་ཡོད་ཚད་ཀྱང་གཏན་དུ་བསུབ།

ཁྱེད་ཀྱི་དྲ་གྲངས་ལས་བྱུང་བའི་ནང་དོན་ཡོད་ཚད་ཀྱང་གཏན་དུ་བསུབ། ཁྱེད་ཀྱིས་དྲ་གྲངས་མཚམས་འཇོག་རྒྱུ་ཐག་མ་བཅད་གོང་། གྲོས་ཡིག་འདི་ཞིབ་ཏུ་ཀློག་པར་ཞུ།

ཁྱེད་ཀྱིས་དྲ་གྲངས་མཚམས་འཇོག་རྗེས། ཧྭ་ཝེ་ཡིས་དེ་འཕྲལ་དུ་ཁྱེད་ཀྱི་དྲ་གྲངས་ཀྱི་གཞི་གྲངས་དང་ཡིག་ཆ། ཉར་བའི་ནང་དོན་ཡོད་ཚད་གཏན་ཏུ་བསུབ་ངེས།

18. ང་ཚོས་མཚམས་འཇོག་གམ་བར་མཚམས་འཇོག་པ།

ང་ཚོས་སྤྱད་འཐུས་ཁྲིམས་ལུགས་ལྟར་དུས་གང་རུང་ལ་ཁྱེད་ཀྱིས་ཞབས་ཞུ་འདིའི་ཚང་མའམ་ཁག་གཅིག་ལྟ་སྤྱོད་བྱ་བར་གནས་སྐབས་རང་བཞིན་ནམ་ཡུན་རིང་རང་བཞིན་གྱི་བར་མཚམས་འཇོག་པ་རྩིས་མེད་དུ་གཏོང་བའམ་བཀག་སྡོམ་བྱ། མི་སྒེར་དང་ཕྱོགས་གསུམ་པ་གང་ཞིག་གི་འགན་འཁྲི་འཁུར་དགོས་མེད། ང་ཚོས་གོང་བརྗོད་བྱ་ཐབས་སྤྱད་ནས་ནུས་ཤུགས་ཡོད་རྒུས་ཁྱེད་ལ་བརྡ་ཐོ་གཏོང་རྒྱུ་ཡིན། འོན་ཀྱང་གཤམ་གྱི་གནས་ཚུལ་ཐོན་ཚེ། ང་ཚོས་ཁྱེད་རང་ལ་བརྡ་ཐོ་མ་བཏང་བའི་གནས་ཚུལ་འོག་འཕྲལ་དུ་ཁྱེད་ཀྱིས་ཞབས་ཞུ་འདིའི་ཚང་མའམ་ཁག་གཅིག་ལྟ་སྤྱོད་བྱ་བར་གནས་སྐབས་རང་བཞིན་ནམ་ཡུན་རིང་རང་བཞིན་གྱི་བར་མཚམས་འཇོག་པ་རྩིས་མེད་དུ་གཏོང་བའམ་བཀག་སྡོམ་བྱ།

ཀ་པ། ཁྱེད་ཀྱིས་གྲོས་ཡིག་འདི་དང་འགལ་བའམ་ང་ཚོར་ཁྱེད་ཀྱི་གྲོས་ཡིག་འདི་ལས་འགལ་བཟོ་ཡོད་པའི་རྒྱུ་མཚན་ཡོད་པ། འདིའི་ནང་ཁ་ཆད་སྲིད་ཇུས་སམ་ཕྱོགས་སྟོན་གང་རུང་ཚུད་ཡོད།

ཁ་པ། ཁྱེད་དམ་ཁྱེད་ཀྱི་ལས་ཚབ་མི་སྣས་མགོ་སྐོར་གཡོ་འཕྲུལ་ལམ་ཁྲིམས་འགལ་བྱེད་སྒོ་སྤེལ་བ། ཡང་ན་ང་ཚོར་རྫུན་མའི་ཆ་འཕྲིན་ནམ་འཁྱོག་བཤད་མཁོ་འདོན་བྱ་བ།

ག ནུས་ལྡན་བཅའ་ཁྲིམས་བྱ་རིམ་གཞིར་བཟུང་ནས་ཁྲིམས་འཛིན་སྡེ་ཁག་གམ་སྲིད་གཞུང་ལས་ཁུངས་ཀྱིས་བཏོན་པའི་རེ་བ་དང་ལེན་ཞུ་བ།

d. མྱུར་ཚབས་ཆེ་བའི་རྒྱུད་ཁོངས་སམ་སྲ་ཆས་ཀྱི་ཆེད་དུ་སྲུང་སྐྱོབ་དང་གསར་སྒྱུར་གྱི་ལས་ཀ་སྒྲུབ།

ཅ། སྔོན་དཔག་བྱ་ཐབས་བྲལ་བའི་ལག་རྩལ་དང་བདེ་འཇགས་སམ་ལས་སྒོའི་རྒྱུ་རྐྱེན།

སྤྱོད་མཁན་གྱི་ཞབས་ཞུ་འདི་བེད་སྤྱོད་དང་ལྟ་སྤྱོད་དེ་གལ་སྲིད་ངེད་ཀྱིས་མཚམས་བཞག་པ་དང་མཇུག་སྒྲིལ་བའམ་ཡང་ན་ཐོ་བསུབ་བྱས་ན། སྔོན་ནས་ངེད་ཚང་གི་ཡིག་ཐོག་གི་ཆོག་མཆན་མེད་པར།སྤྱོད་མཁན་གྱིས་ཧྭ་ཝེའི་དྲ་གྲངས་གསར་སྐྲུན་དང་ཞབས་ཞུ་འདིར་ལྟ་སྤྱོད་བྱེད་མི་ཐུབ།

གྲོས་མཐུན་འདི་དུས་བཀག་གཙང་བའམ་མཚམས་འཇོག་པ་ཡིས་གྲོས་མཐུན་འདིའི་ནང་གསལ་བཤད་ཁ་གསལ་བྱས་པའི་གོ་མི་ཆོད་པའམ་མཚམས་འཇོག་བྱས་རྗེས་སྔར་བཞིན་བཀོལ་སྐྱོད་བྱེད་ཐུབ་པའམ་མུ་མཐུད་ནུས་ལྡན་ཡིན་པའི་ཆ་རྐྱེན་ལ་ཤུགས་རྐྱེན་ཐེབས་མི་སྲིད་ལ། ཁེ་དབང་ངམ་འོས་འགན་ནམ་གྲོས་མཐུན་འདི་གོ་མི་ཆོད་པའམ་མཚམས་འཇོག་བྱས་རྗེས་མུ་མཐུད་དུ་གོ་ཆོད་པའི་ཁེ་དབང་ངམ་འོས་འགན་བེད་སྤྱོད་བྱ་རྒྱུར་ཤུགས་རྐྱེན་ཐེབས་མི་སྲིད།

གལ་སྲིད་ཁྱེད་ཀྱི་དྲ་གྲངས་བསྟུད་མར་ཟླ་བ་ 12 ཀྱི་ནང་དུ་ནུས་ལྡན་བཟོས་མེད་ཚེ། ཧྭ་ཝེ་ལ་ཁྱེད་ཀྱི་དྲ་གྲངས་འབྲེལ་ཡོད་གཞི་གྲངས་གང་རུང་ཞིག་སུབ་པའི་དབང་ཆ་ཡོད།

ས་བཅད་ 14 དང་།15དང་། 16དང་། 17 དང་དེ་མིན་ 22 བཅས་འདི་ཚོའི་ངོ་བོར་གཞིགས་ནས་གྲོས་ཡིག་འདི་མཚམས་འཇོག་གམ་དུས་བཀག་ལོངས་རྗེས་མུ་མཐུད་དུ་ནུས་ལྡན་ཡིན་པའི་དོན་ཚན་གཞན་གང་ཞིག་ནི་ཁྱེད་དང་ང་ཚོའི་བར་གྱི་གན་རྒྱའི་འབྲེལ་བ་མཚམས་འཇོག་པའམ་དུས་བཀག་ལོངས་ཀྱང་མུ་མཐུད་གོ་ཆོད།

19. ཞབས་ཞུ་འདི་བཟོ་བཅོས་བྱེད་པ།

ང་ཚོས་རྟག་ཏུ་ཞབས་ཞུ་འདི་གསར་སྒྱུར་དང་དག་བཅོས། ལེགས་བཅོས་བྱེད་བཞིན་ཡོད། ང་ཚོས་ཞབས་ཞུ་འདི་ལ་བྱེད་ནུས་སམ་གཤིས་ནུས་སྣོན་པའམ་སུབ་པ། ཚོད་འཛིན་གསར་པ་སྒྲིག་འགོད་དང་། གནས་སྐབས་སམ་གཏན་དུ་ཞབས་ཞུ་ལ་ཤས་མཁོ་སྤྲོད་བྱེད་མཚམས་འཇོག་ཀྱང་སྲིད།

གལ་སྲིད་ཞབས་ཞུ་འདིའི་དག་བཅོས་ཀྱིས་ང་ཚོའི་སྤྱོད་མཁན་ལ་ཤུགས་རྐྱེན་ཚབས་ཆེན་ཐེབས་པའམ་ཞབས་ཞུ་འདིར་ལྟ་སྤྱོད་དང་བེད་སྤྱོད་པར་བཀག་སྡོམ་ཚབས་ཆེན་བྱེད་ཚེ། ང་ཚོས་འགྱུར་ལྡོག་མ་གཏོང་གོང་དུ་ལུགས་མཐུན་གྱི་དུས་ཚོད་ནང་ཁྱེད་ལ་བརྡ་ཐོ་གཏོང་། གལ་སྲིད་གྲོས་ཡིག་འདིའམ་ཞབས་ཞུ་འདིའི་དག་བཅོས་ཀྱིས་ང་ཚོའི་སྤྱོད་མཁན་ལ་ཤུགས་རྐྱེན་ཚབས་ཆེན་ཐེབས་པའམ་ཞབས་ཞུ་འདིར་ལྟ་སྤྱོད་དང་བེད་སྤྱོད་པར་བཀག་སྡོམ་ཚབས་ཆེན་བྱེད་ཚེ། ང་ཚོས་སྔ་ནུར་དུ་ཁྱེད་ལ་བརྡ་ཐོ་མི་གཏོང་། བདེ་འཇགས། བཅའ་ཁྲིམས་སམ་བཙོན་སྲུང་དོ་དམ་གྱི་རེ་བ་སྐོང་ཆེད་གྲོས་ཡིག་འདིར་བཟོ་བཅོས་རྒྱག་པ་དེར། ང་ཚོས་གོང་བརྗོད་དུས་ཚོད་ཀྱི་རེ་བ་སྐོང་ཐབས་བྲལ། འོན་ཀྱང་ང་ཚོས་ཁྱེད་ལ་གང་མགྱོགས་ངང་བརྡ་ཐོ་གཏོང་།

20. གྲོས་ཡིག་འདིའི་དག་བཅོས།

ང་ཚོས་དུས་ནམ་ཡང་ཞབས་ཞུ་འདི་དག་བཅོས་བྱེད་པ་མ་ཟད་ཞབས་ཞུ་འདིའི་ཧྲིལ་བོ་དང་གཅིག་གམ། མང་པོའི་འབྲེལ་ཡོད་ཀྱི་དོན་ཚན་བྱེ་བྲག་པ། བྱ་སྤྱོད་ཚད་གཞིའམ་མཛུབ་ཁྲིད་སྤེལ་ངེས། གྲོས་མཐུན་འདིའི་ཆེས་གསར་ཤོས་ཀྱི་པར་གཞི་ཞབས་ཞུ་འདིའི་ནང་ཁྱབ་སྤེལ་བྱ་སྲིད། ཁྱེད་ཀྱིས་དུས་ཚོད་གཏན་འཁེལ་ནང་ཆེས་གསར་ཤོས་ཀྱི་པར་རིམ་ལ་ཞིབ་བཤེར་བྱ་དགོས། གང་ཡིན་ཟེར་ན་ཆེས་གསར་ཤོས་ཀྱི་པར་རིམ་འཚམ་ཤོས་ཡིན།

གལ་སྲིད་ཁྱེད་ཀྱི་ཁེ་དབང་དང་འོས་འགན་ལ་གནོད་པའི་བཟོ་བཅོས་བྱས་ཡོད་ཚེ། ང་ཚོས་ལུགས་མཐུན་གྱི་བྱ་ཐབས་ཐོག་ནས་ཁྱེད་རང་ལ་བརྡ་ཐོ་གཏོང་སྲིད། གོང་བརྗོད་བྱ་ཐབས་ནང་ཞབས་ཞུ་འདིའམ་གློག་རྡུལ་སྦྲག་ཡིག་བརྒྱུད་ནས་བརྡ་ཐོ་གཏོང་བ་ཚུད་ཡོད། བདེ་འཇགས། བཅའ་ཁྲིམས་སམ་བཙོན་སྲུང་དོ་དམ་གྱི་རེ་བ་སྐོང་ཆེད་གྲོས་ཡིག་འདིར་བཟོ་བཅོས་རྒྱག་པ་དེར། ང་ཚོས་གོང་བརྗོད་དུས་ཚོད་ཀྱི་རེ་བ་སྐོང་ཐབས་བྲལ། འོན་ཀྱང་ང་ཚོས་ཁྱེད་ལ་གང་མགྱོགས་བརྡ་ཐོ་གཏོང་།

གལ་སྲིད་ཁྱེད་ཀྱིས་དག་བཅོས་བྱས་པའི་ནུས་པ་ཐོན་རྗེས་མུ་མཐུད་དུ་ཞབས་ཞུ་འདི་སྤྱོད་ཚེ། ཁྱེད་ཀྱིས་གོང་བརྗོད་བཟོ་བཅོས་དང་ལེན་བྱས་པ་མཚོན། གལ་སྲིད་ཁྱེད་ཀྱིས་འདིའི་རིགས་ཀྱི་དག་བཅོས་དང་ལེན་མ་བྱེད་ཚེ། ཁྱེད་ཀྱིས་འཕྲལ་དུ་ཞབས་ཞུ་འདི་བེད་སྤྱོད་མཚམས་བཞག་ནས་ང་ཚོའི་བར་གྱི་གན་རྒྱ་མཇུག་སྒྲིལ་བ་བྱ་དགོས། ཁྱེད་ཀྱིས་གྲོས་ཡིག་འདིར་བཟོ་བཅོས་དང་།བརྗེ་འགྱུར་རམ་དག་བཅོས་བྱས་པ་དེས་ང་ཚོར་བཅའ་ཁྲིམས་གཅུན་སྡོམ་གྱི་ནུས་པ་ལྡན་མེད།

21. སྤྱིར་བཏང་གི་དོན་ཚན།

གྲོས་ཡིག་འདི་དང་ལུངས་དྲངས་པའི་ཡིག་ཚགས་གང་རུང་གིས་ཁྱེད་དང་ང་ཚོའི་བར་ཁྱེད་ཀྱིས་ཞབས་ཞུ་འདི་ལྟ་སྤྱོད་དང་བེད་སྤྱོད་བྱ་བར་གྲོས་མཐུན་པའི་ཆ་ཚང་བའི་གྲོས་ཡིག་འགྲུབ།

ཞབས་ཞུ་འདིའམ་ཕྱོགས་གསུམ་པས་དྲ་ཚུགས་སམ་ཐོན་ཁུངས་ཀྱི་སྦྲེལ་མཐུད་གཞན་མཁོ་འདོན་བྱེད་སྲིད། ཁྱེད་ཀྱིས་བསམ་ཤེས་དང་མོས་མཐུན་བྱ་རྒྱུར། ང་ཚོས་འདིའི་རིགས་ཀྱི་ཕྱིའི་དྲ་ཚིགས་སམ་ཐོན་ཁུངས་ཀྱི་བཀོལ་སྤྱོད་རང་བཞིན་ལ་འགན་འཁུར་མི་སྲིད་ལ། འདིའི་རིགས་ཀྱི་དྲ་ཚིགས་སམ་ཐོན་ཁུངས་སམ་དེ་ལས་ཐོབ་པའི་ནང་དོན་དང་བརྡ་ཁྱབ། ཐོན་རྫས་སམ་ཆ་འཕྲིན་གཞན་བཅས་ལ་ངོས་འཛིན་དང་འགན་ལེན་གྱི་འགན་འཁྲི་འཁུར་མི་སྲིད། ཁྱེད་ཀྱིས་བསམ་ཤེས་དང་མོས་མཐུན་བྱ་རྒྱུར། ཁྱེད་ཀྱིས་གཞི་འཛིན་ས་བེད་སྤྱོད་དམ་དེར་བརྟེན་ཐབས་བྱ་བའམ་འདིའི་རིགས་ཀྱི་ཕྱིའི་དྲ་ཚིགས་སམ་ཐོན་ཁུངས་བརྒྱུད་ནས་ཐོབ་པའི་ནང་དོན། ཚོང་ཟོག་གམ་ཞབས་ཞུའི་རྐྱེན་གྱིས་བྱུང་བའམ་གསལ་བསྒྲགས་ཀྱི་རྐྱེན་གྱིས་བྱུང་བའམ་འབྲེལ་ཡོད་གནོད་སྐྱོན་ནམ་གྱོང་གུན་གང་རུང་ཞིག་གི་ཐད།ང་ཚོས་ཐད་ཀར་རམ་བར་བརྒྱུད་ཀྱི་ཐོག་ནས་འགན་འཁྲི་ཅི་ཡང་མི་འཁུར།

གྲོས་མཐུན་འདིའི་ཁྲོད་ཀྱི་འགན་མེད་གསལ་བསྒྲགས་དང་འགན་འཁྲིའི་ཚད་བཀག འགན་འཁྲི་མེད་པར་བཟོ་བ། དོན་ཚན་ཁ་གསབ་བཅས་གྲོས་མཐུན་འདི་དུས་ལས་ཡོལ་བའམ་མཚམས་བཞག་རྗེས་དུས་བཅད་མེད་པར་གོ་ཆོད།

གྲོས་ཡིག་འདིའི་ཁྲོད་ཀྱི་ནང་དོན་ཅི་ཞིག་གིས་ཀྱང་ཁྱེད་དང་ང་ཚོའི་བར་ལ་མཉམ་ལས་དང་ལས་ཚབ་ཀྱི་འབྲེལ་བ་བཙུགས་པ་མཚོན་གྱི་མེད། ཕྱོགས་གང་རུང་ཞིག་ལ་ཕྱོགས་གཞན་ཞིག་གི་མིང་ཐོག་གམ་ཕྱོགས་གཞན་ཞིག་གི་ཚབ་བྱེད་པ་ལས་བྱུང་བའི་འགན་འཁྲིའི་དངུལ་འཛིན་དང་མ་གནས། དེ་བཞིན་གན་རྒྱ་དང་ཁ་ཆད་བྱེད་པའི་དབང་ཆ་མེད།

འོས་འཚམ་གྱིས་ཚོད་འཛིན་བྱས་པའི་ཁྱབ་ཁོངས་གཞན་གྱི་དོན་རྐྱེན་གྱིས། ང་ཚོས་གྲོས་མཐུན་འདིའམ་ཞབས་ཞུ་འདིའི་ཚད་དང་མཐུན་པའི་འོས་འགན་མ་སྒྲུབ་པའམ་འགྱངས་ནས་སྒྲུབ་པ་དེ་ལ་འགན་ཅི་ཡང་མི་འཁུར།

ང་ཚོས་ལས་དོན་མ་སྒྲུབ་གོང་གི་ཡིག་ཐོག་ཆོག་མཆན་མེད་པར། ཁྱེད་ཀྱིས་གྲོས་ཡིག་འདིའི་ནང་གི་ཁྱེད་ཀྱི་ཁེ་དབང་ངམ་འོས་འགན་གང་ཞིག་ནང་བཤུག་གཏོང་མི་ཆོག་ལ་རྣམ་པ་གཞན་གྱི་ཐོག་ནས་སྤོ་འགྱུར་བྱེད་མི་ཆོག ཆོག་མཆན་མེད་པར་ནང་བཤུག་གཏོང་བ་དང་སྤོ་འགྱུར་བྱེད་པ་ནུས་མེད་དུ་བརྩི། ང་ཚོར་གྲོས་མཐུན་འདིའི་ང་ཚོའི་ཁེ་དབང་དང་འོས་འགན་བཤུག་པ་དང་བགོ་བ། བརྗེ་རེས་བྱེད་དབང་ཡོད། ཁྱེད་ཀྱིས་འཕྲལ་དུ་དམིགས་ཡུལ་འདིར་ཞབས་འདེགས་ཞུ་བར་དགོས་ངེས་ཀྱི་ཡིག་ཆ་གང་རུང་ཞིག་དང་ཆ་ཚང་ལག་ལེན་བསྟར་བར་མོས་མཐུན་བྱས།

གལ་སྲིད་ཁྱེད་ཀྱིས་གྲོས་ཡིག་འདི་ལས་རྒལ་ཡང་ང་ཚོས་བྱ་སྤྱོད་གང་ཞིག་སྤེལ་མེད་ཚེ། ཁྱེད་ཀྱིས་གྲོས་ཡིག་འདིའི་དེ་མིན་གྱི་གནས་ཚུལ་འོག་དེ་དང་འགལ་བར་ང་ཚོར་ང་ཚོའི་དབང་ཆ་ལག་ལེན་དང་དབུལ་སྐྱོབ་འཚོལ་བའི་དབང་ཆ་ཡོད། གལ་ཏེ་གྲོས་ཡིག་འདིའི་ནང་གི་ཆ་རྐྱེན་གང་རུང་ (ཡང་ན་ཆ་རྐྱེན་ཅི་རིགས་ཤིག་གི་ཆ་ཤས་ཤིག་) ཁོངས་གཏོགས་དོ་དམ་དབང་ཆ་ཡོད་པའི་ཁྲིམས་ཁང་ངམ་གཙོ་བོའི་དོ་དམ་ཚན་པས་གོ་མི་ཆོད་པ། ནུས་པ་ཤོར་བའམ་ལག་ལེན་བསྟར་མི་ཐུབ་པར་བརྩི་བ་ཡིན་ཚེ། ཆ་རྐྱེན་འདི་གྲོས་ཡིག་འདིའི་ནང་ནས་སུབ་དགོས་པ་དང་། ཆ་རྐྱེན་གཞན་རྣམས་སྔར་བཞིན་ཆ་ཚང་བའི་ཁྲིམས་ལུགས་ཀྱི་ནུས་པ་ལྡན་ཡོད། ལྷག་འཕྲོད་ཀྱི་ཆ་རྐྱེན་རྣམས་ཆ་རྐྱེན་འདིར་གོ་མི་ཆོད་པ། ནུས་པ་ཤོར་བའམ་ལག་ལེན་བསྟར་མི་ཐུབ་པའི་རྗེས་སྔར་བཞིན་གོ་ཆོད།

22. མངའ་ཁོངས་ཀྱི་བཅའ་ཁྲིམས་དང་མངའ་ཁུལ།

གྲོས་མཐུན་འདིའི་གཏན་འབེབ་དང་འགྲེལ་བཤད། ལག་བསྟར་གྱིས་བསྐྱེད་པའམ་འབྲེལ་ཡོད་ཀྱི་རྩོད་གཞི་གང་རུང་ངམ་གྱོང་ཚབ་ལེན་པའི་རེ་བ་ (གན་རྒྱ་མིན་པའི་རྩོད་གཞིའམ་གྱོང་ཚབ་ལེན་པའི་རེ་བ་འདུས།)ལ་ཨིར་ལན་གྱི་ཁྲིམས་ཀྱིས་བདག་སྐྱོང་བྱེད། སྤྱད་འཐུས་བཅའ་ཁྲིམས་ཀྱིས་ཟུར་དུ་གཏན་འབེབས་བྱས་པ་ཕུད། དེ་མིན་ཕྱོགས་གཉིས་ཀས་ཨེར་ལེན་ཁྲིམས་ཁང་ལ་ཆེད་གཏོགས་བདག་སྐྱོང་དབང་ཆ་ཡོད་པར་མོས་མཐུན་བྱ་དགོས། དེས་གྲོས་ཡིག་འདིའི་རྐྱེན་གྱིས་བྱུང་བའི་འབྲེལ་ཡོད་རྩོད་གཞི་རེ་བ་དག་འབུལ་གཏུག་བཤེར་རམ་བྱ་རིམ་ཉན་པ་མ་ཟད་ཁྲུན་ཐག་གཅོད་ཆོག འོན་ཀྱང་འདིས་ང་ཚོས་ཨིར་ལན་གྱི་མངའ་ཁོངས་ཕྱི་རོལ་དུ་ཁྲིམས་ཀྱི་བསྒྲིགས་རིམ་གང་རུང་འདོན་པ་ལ་ཤུགས་རྐྱེན་མི་ཐེབས།

གལ་སྲིད་ཁྱེད་ནི་ཡོ་རོབ་མནའ་འབྲེལ་ཚོགས་མིའི་རྒྱལ་ཁབ་མངའ་ཁོངས་སུ་གཞིས་ཆགས་པའི་འཛད་སྤྱོད་པ་ཡིན་ཚེ། ཁྱེད་ད་དུང་གཞིས་ཆགས་སའི་རྒྱལ་ཁབ་བཅའ་ཁྲིམས་ནང་གི་བཙན་ཤེད་དོན་ཚན་གྱི་སྲུང་སྐྱོབ་ནང་དུ་ཚུད་ཡོད། གྲོས་ཡིག་འདིའི་ནང་གི་ནང་དོན་གང་འདྲ་ཞིག་ (དུམ་བུ་གོང་མ་དེ་ཡང་ཚུད་ཡོད།) གིས་ཁྱེད་འཛད་སྤྱོད་པ་ཞིག་ཡིན་པའི་ངོས་ནས་འདི་ཁུལ་བཅའ་ཁྲིམས་ཀྱི་བཙན་ཤེད་དོན་ཚན་ལ་བརྟེན་ནས་ལོངས་སུ་སྤྱོད་ཆོག་པའི་ཁེ་དབང་ཚང་མར་ཤུགས་རྐྱེན་ཐེབས་མི་སྲིད། དེ་མིན། ཡོ་རོབ་མནའ་མཐུན་ཨུ་ཡོན་ལྷན་ཁང་གིས་ད་དུང་དྲ་ཐོག་རྩོད་རྙོག་ཐག་གཅོད་བྱེད་པའི་སྟེགས་བུ་མཁོ་འདོན་བྱས་ཡོད། ཞིབ་ཕྲ་http://ec.europa.eu/consumers/odr/ལྟ་ཀློག་གནང་རོགས། ངེད་ཚང་གིས་གནད་དོན་གང་རུང་ལ་དོ་སྣང་བྱེད་དགོས་ཚེ། ངེད་ཚང་ལ་འབྲེལ་གཏུག་གནང་རོགས།

23. ང་ཚོར་འབྲེལ་གཏུག་གནང་།

གལ་སྲིད་ཁྱེད་ཀྱིས་གྲོས་ཡིག་འདིར་དོགས་གནད་གང་རུང་ཞིག་ཡོད་ཚེ། གཤམ་གསལ་ཆ་འཕྲིན་བརྒྱུད་དེ་ང་ཚོ་དང་འབྲེལ་གཏུག་གནང་རོགས