HUAWEI Cloud va maxfiylik haqida bayonnoma

HUAWEI Cloud Huawei kompaniyasining Irlandiyadagi filiali Aspiegel Limited (bundan keyin “biz”, “bizga” yoki “bizning” deb yuritiladi) tomonidan taqdim etiladigan xizmatdir. HUAWEI Cloud xizmati istalgan qurilmada hisobingizga kirganingizdan keyin ma’lumotlaringizni oson olishingiz va boshqarishingiz uchun ularni avtomatik sinxronlaydi, zaxiralaydi va bulut xizmatlariga yuklaydi.

Mazkur bayonnomada quyidagilar tavsiflanadi:

1. Siz haqingizda qanday ma’lumotlar olinadi?

2. Maʼlumotlaringizdan qanday foydalaniladi?

3. Maʼlumotlaringiz qancha muddat saqlanadi?

4. Ma’lumotlaringizni qanday ulashamiz?

5. Huquq va imkoniyatlaringiz nimalardan iborat?

6. Biz bilan qanday aloqa qilinadi?

7. Mazkur Bayonnomani qanday yangilaymiz?

1 Siz haqingizda qanday ma’lumotlar olinadi?

HUAWEI Cloud xizmatining bir qismi sifatida, biz shaxsiy ma’lumotlaringizni faqat mazkur Bayonnomada keltirilgan maqsadlarda olamiz va ulardan foydalanamiz. Shaxsiy ma’lumotlar deganda, Huawei kompaniyasiga sizni foydalanuvchi sifatida aniqlash imkonini beruvchi har qanday ma’lumot tushuniladi.
Biz quyidagi ma’lumotlarni olamiz va qayta ishlaymiz:

Hisob haqidagi axborot: masalan, hisob nomi, e-pochta manzili, telefon raqami, profil rasmi, foydalanuvchi nomi, mamlakat kodi, hisob identifikatori, foydalanuvchi xizmat tokeni.

Qurilma haqidagi axborot: masalan, qurilma ID (masalan, MEID, UDID yoki IMEI, tizimingizga qarab), OAID, qurilma modeli, operatsion tizimi, APK versiyasi hamda til sozlamalari.

Tarmoq haqidagi axborot: masalan, IP manzil, tarmoq turi va ulanish holati.

Xizmatdan foydalanish haqidagi axborot: masalan, HUAWEI Cloud versiyasi, yuklab olingan manba, ilovani ochish va yopish vaqtlari, oʻrnatilgan ilovalar roʻyxati, bosishlar va ekspozitsiyalar, paket axboroti (nomi, sigʻimi va davomiyligi), xarid haqidagi axborot (vaqti, miqdori va buyurtma ID), tizim jurnallari hamda xatoliklar jurnallari.

Sinxronlangan, zaxiralangan yoki yuklangan maʼlumotlar (natijalar siz registratsiya qilgan HUAWEI ID mamlakat/mintagadagi mavjud funksiyalarga qarab farq qilishi mumkin): masalan, sinxronlangan ma’lumotlar (jumladan, Kontaktlar, Taqvimdagi tadbirlar, Wi-Fi sozlamalari, qayd, surat va videolar), Cloud zaxirasi ma’lumotlari (jumladan, Kontaktlar, Taqvimdagi tadbirlar, Wi-Fi sozlamalari, qayd, surat va videolar, yozuvlar, chaqiruvlar jurnali, tazyiq filtri va sozlamalari, xabarlar, Telefon menejeri sozlamalari, brauzer bukmarklari, Ob-havo axboroti sozlamalari, ekran sxemasi, Kamera sozlamalari, telefon sozlamalari, FM radio sozlamalari, Signal sozlamalari, SmartCare sozlamalari hamda oʻrnatilgan ilovalar roʻyxati),Huawei Drive fayllari (jumladan, siz yuklash uchun tanlagan istalgan mahalliy fayllar) hamda Cloud veb-saytidagi bank kartalaringizni boshqarish (olib tashlash va toʻxtatib qoʻyish) uchun psevdoanonim bank kartasi raqami (oxirgi toʻrtta raqam). Mazkur bank kartasi axborotlari Cloud xizmatida saqlanmaydi.


Agar ma’lumotlaringizni boshqarish uchun HUAWEI ID hisobingiz bilan rasmiy HUAWEI Cloud veb-saytiga kirsangiz (cloud.huawei.com), quyidagi ma’lumotlar ham olinadi:

Brauzer va foydalanish statistikasi: masalan, cookie-fayllar, IP manzil, brauzer turi, vaqt mintaqasi, til, sichqoncha va klaviatura yordamida bajarilgan amallar. Cookie-fayllardan foydalanish tafsilotlari uchun cookie-fayllardan foydalanish siyosatimiz bilan tanishing.

HUAWEI Cloud qurilma haqidagi axborot hamda Xotira, Kamera, Xabarlar, Kontaktlar va Taqvim axborotlarini olish va sinxronlash hamda zaxiralash xizmatlari uchun telefonga kirish ruxsatini talab qiladi.

2 Maʼlumotlaringizdan qanday foydalaniladi?

HUAWEI Cloud funksiyalarini amalga oshirish, jumladan, Cloud sinxronizatsiyasi, Cloud zaxirasi, Huawei Drive hamda boshqa maʼlumot xizmatlari, shuningdek, shartnoma majburiyatlarini bajarish uchun ushbu ilova mijozlar bilan aloqalar boshqaruvi, yordam va muloqot, mijozlar shikoyatlari bilan ishlash, profilaktika, dasturlar va tizimni yangilash, foydalanuvchilar identifikatsiyasi hamda diagnostika va tuzatish maqsadlari uchun maʼlumotlaringizni olish va qayta ishlashni talab qiladi.

Shu bilan birga, qonuniy manfaatlarga asoslangan holda, shaxsiy ma’lumotlaringizdan quyidagi maqsadlarda foydalaniladi:

Statistika va mahsulot sifatini yaxshilash, jumladan, sizning foydalanish xatti-harakatlaringizga asosan jamlangan guruhlarni yaratish. Bu bizga mijozlarimiz ehtiyojlarini tushunish hamda joriy va kelajakdagi xizmat va takliflarimiz sifati va foydalanuvchi taassurotini yaxshilashga imkon beradi. Siz ma’lumotlarning bunday qayta ishlanishiga quyida 5.5-bo‘limda tushuntirilgan tartibda e’tiroz bildirishingiz mumkin.

Marketing, jumladan, takliflarimiz yuzasidan aloqalar, savdoni tashkillashtirish hamda boshqa marketing maqsadlari, shuningdek, marketing uchun jamlangan guruhlarni yaratish maqsadlarida. Mijozlarimizning xohish-istaklarini bilish bizga takliflarimizni maqsadli yoʻnaltirish hamda mijozlarimiz ehtiyoj va istaklarini yanada yaxshiroq qondiruvchi mahsulot va xizmatlarni taqdim etish imkonini beradi. Siz ma’lumotlarning bunday qayta ishlanishiga quyida 5.5-bo‘limda tushuntirilgan tartibda e’tiroz bildirishingiz mumkin.

Axborot xavfsizligini ta’minlash maqsadlarida, jumladan, xizmatlarni sizga xavfsiz va ishonchli tarzda taqdim etish uchun xizmatlardan turli g‘arazli maqsadlarda foydalanilishi va firibgarlik holatlarini aniqlash yoki oldini olish.

Biz, talab qilinganida, sizga xizmatga oid bildirishnomalar (masalan, tizim profilaktikasi eslatmalari, tranzaksiya yozuvlari hamda bulutdagi xotira joyi eslatmalari) yuborishimiz mumkin. Siz xizmatlarga taalluqli va reklama xarakteriga ega bo‘lmagan bildirishnomalarni olishdan bosh torta olmasligingiz mumkin.

Shuningdek, paket va xarid haqidagi axborotlarni bizga nisbatan tatbiq qilinadigan qonun va qoidalar talabiga binoan soliq va buxgalteriya maqsadlari uchun qayta ishlaymiz.

3 Maʼlumotlaringiz qancha muddat saqlanadi?

Shaxsiy ma’lumotlaringiz ushbu Bayonnomada keltirilgan maqsadlar uchun zaruriy muddatdan ortiq saqlanmaydi.

Biz ma’lumotlaringizni faqat mijozlar bilan munosabatlar davomida qayta ishlaymiz va saqlaymiz. Agar HUAWEI Cloud xizmatidan 12 (oʻn ikki) oylik muddat davomida foydalanmasangiz, maʼlumotlaringiz oʻchirib tashlanadi. Bunday holda, biz ushbu oʻchirib tashlash haqida sizni email yoki boshqa tegishli usulda oldindan ogohlantiramiz. HUAWEI ID hisobingizni oʻchirib tashlaganingizda, hisobingizga tegishli shaxsiy ma’lumotlar hamda HUAWEI Cloud kabi aloqador xizmatlar oʻchirib tashlanadi. Lekin, quyidagi ma’lumotlar saqlab turiladi:

HUAWEI Cloud paketi va xarid haqidagi axborot tranzaksiya amalga oshirilgan sanadan boshlab 7 (yetti) yil.

Shikoyat, axborot yuzasidan so‘rovlar, shartnomalar boshqaruvi kabi mijozlar bilan aloqalar boshqaruvi maqsadlarida olingan shaxsiy axborotlar HUAWEI ID oʻchirilganidan keyin 5 (besh) yilgacha; tahlil va mahsulotni ishlab chiqish, shuningdek, savdoni tashkillashtirish va marketing maqsadlarida foydalanilgan shaxsiy axborotlar, olingan sanasidan boshlab 12 (oʻn ikki) oygacha. Siz tomoningizdan bunday qayta ishlashga eʼtiroz bildirilgan holatlar bundan mustasno.

Maʼlumotlar zaxiralari va xizmatlaringiz xavfsizligini taʼminlash maqsadida qayta ishlangan zaxiralar va ilova jurnallari – yaratilgan sanasidan boshlab (6) oygacha.

Xatti-harakatlar va tizim jurnallari tegishli statistik tahlillar amalga oshirilganidan keyin darhol oʻchirib tashlanadi; xatoliklar jurnallari axborot olinganidan keyin 7 (yetti) kun oʻtgach avtomatik oʻchirib tashlanadi.

Saqlash muddati tugagach, shaxsiy ma’lumotlaringiz o‘chirib yuboriladi yoki anonimlashtiriladi. Amaldagi qonun va qoidalarda talab qilingan holatlar bundan mustasno.

4 Ma’lumotlaringizni qanday ulashamiz?

Biz maʼlumotlaringizni Rossiyada joylashgan maʼlumotlar markazlarida saqlaymiz. Biz shaxsiy maʼlumotlarni Rossiya Federatsiyasidan chegaralararo Irlandiya va Finlandiya kabi mamlakatlar hamda Yevropa Ittifoqi/Yevropa iqtisodiy hududi va Rossiya Federatsiyasi tashqarisidagi mamlakatlarga yuborishimiz mumkin. Siz bu bilan shaxsiy maʼlumotlaringizni Rossiya Federatsiyasi tashqarisidagi mamlakatlarga chegaralararo yuborishimiz uchun Rossiya Federatsiyasi qonunlariga binoan talab qilinadigan roziligingizni berasiz.

Biz maʼlumotlaringizni faqat quyidagi holatlarda ulashamiz:

Amaldagi qonunlar va sud faoliyatiga doir huquqiy jarayon yoki vakolatli organ talabiga javoban.

Birlashish, sotib olish, aktivlarning sotilishi (xizmat kelishuvi kabi) yoki xizmatlarni Huawei Group yoki boshqa bir kompaniyaga oʻtkazish jarayonlarining bir qismi sifatida maʼlumotlarni ulashish talab qilinganida.

5 Huquq va imkoniyatlaringiz nimalardan iborat?

Siz quyidagi huquq va imkoniyatlarga egasiz:

5.1 Ma’lumotlaringizni olish

Qurilmangizda Sozlamalar (Settings) > HUAWEI ID > Maxfiylik markazi (Privacy center) > Maʼlumotlarni yuklab olish (Request your data) rukniga kirib, HUAWEI Cloud xizmatiga oid biz tomonimizdan olingan shaxsiy maʼlumotlaringiz nusxasi va tavsifini olish uchun soʻrov yuborishingiz mumkin.

Shuningdek, siz sinxronlangan, zaxiralangan yoki yuklangan ma’lumotlaringizga HUAWEI Cloud ilovasi yoki rasmiy veb-sayt (cloud.huawei.com) orqali kirishingiz va yuklab olishingiz mumkin.

Qo‘shimcha kirish so‘rovi uchun bizga murojaat qiling.

5.2 Ma’lumotlaringizni tahrirlash

Maʼlumotlaringizni aniq va dolzarb holda saqlash uchun qurilmangizda Sozlamalar (Settings) > HUAWEI ID rukniga kirib ularni tahrirlashingiz mumkin.
Shuningdek, siz sinxronlangan, zaxiralangan yoki yuklangan ma’lumotlaringizga HUAWEI Cloud ilovasi yoki rasmiy veb-sayt (cloud.huawei.com) orqali kirishingiz va ularni tahrirlashingiz mumkin.

5.3 Ma’lumotlaringizni uzatish

Qurilmangizda Sozlamalar (Settings) > HUAWEI ID > Maxfiylik markazi (Privacy center) > Maʼlumotlarni yuklab olish (Request your data) rukniga kirib, HUAWEI Cloud xizmatiga oid bizga taqdim qilgan shaxsiy maʼlumotlaringizni odatdagi oʻqisa boʻladigan kompyuter formatiga oʻgirishingiz mumkin.
Shuningdek, siz sinxronlangan, zaxiralangan yoki yuklangan ma’lumotlaringizga HUAWEI Cloud ilovasi yoki rasmiy veb-sayt (cloud.huawei.com) orqali yuklab olishingiz mumkin.

5.4 Ma’lumotlaringizni o‘chirib tashlash

Siz istalgan payt quyidagilarni bajarishingiz mumkin:

Qurilmangizdagi sinxronlangan, zaxiralangan va boshqa turdagi ma’lumotlarni o‘chirib tashlashingiz mumkin. Oʻchirish amali bulutdagi xotiraga avtomatik sinxronlanadi va yangilanadi.

Saqlanayotgan ma’lumotlaringizni Huawei Drive ilovasida bevosita o‘chirib tashlash orqali ularni o‘chiring.

Maʼlumotlaringiz, jumladan, kontakt, surat, qaydlar va Huawei Drive fayllaringizni oʻchirib tashlash uchun rasmiy HUAWEI Cloud veb-saytiga (cloud.huawei.com) kiring.

HUAWEI ID hisobingizni o‘chirib tashlash. Bunda sizning HUAWEI ID hisobingizga tegishli shaxsiy ma’lumotlaringiz, jumladan, sizning HUAWEI Cloud xizmatidagi ma’lumotlaringiz o‘chirib yuboriladi.

Shaxsiy ma’lumotlaringizning qayta ishlanishiga 5,5-boʻlimda keltirilgan tartibda e’tiroz bildirishingiz mumkin. Agar e’tirozingiz asosli deb topilsa va biz ma’lumotlaringizni qayta ishlash uchun ortiq qonuniy asosga ega bo‘lmasak, tegishli e’tirozingiz qamroviga kiruvchi ma’lumotlarni o‘chirib tashlaymiz.

Agar shaxsiy ma’lumotlaringizning qayta ishlanishini noqonuniy deb hisoblasangiz, bizga murojaat qiling va ma’lumotlaringiz tozalab tashlanadi.

5.5 Qayta ishlashga eʼtiroz bildirish

Agar sizga tegishli ma’lumotlarning statistika, mahsulotlarni rivojlantirish yoki savdo va marketing maqsadlarida qayta ishlanishiga e’tiroz bildirishni xohlasangiz, bizga murojaat qiling.

So‘rov yuborishda uning qamrovini ko‘rsating va HUAWEI Cloud xizmatiga HUAWEI ID hisobingiz bilan kirish uchun foydalangan e-pochta manzili yoki telefon raqamingizni bizga taqdim qiling.

Biz so‘rovingizni qayta ishlashni boshlash uchun shaxsingizni tasdiqlash maqsadida siz bilan bog‘lanamiz.

5.6 Qayta ishlashni cheklash

Agar shaxsiy ma’lumotlaringizning qayta ishlanishini cheklashni xohlasangiz, bizga murojaat qiling. Siz quyidagi holatlarda maʼlumotlaringizning qayta ishlanishini cheklash huquqiga egasiz:

Ma’lumotlaringiz noqonuniy ravishda qayta ishlangan, lekin siz ularni tozalab tashlashni istamaysiz.

Sizning aniqlash, amalga oshirish yoki muhofaza qilish yuzasidan qonuniy talabingiz bor va siz bizdan aks holda saqlanmaydigan ma’lumotlaringizni saqlab turishni so‘ragansiz.

E’tiroz haqidagi so‘rovingiz tasdiqlashimizni kutmoqda.

Soʻrov yuborishda uning qamrovi va asosini koʻrsating hamda HUAWEI Cloud hisobingizga kirishda foydalangan e-pochta manzili yoki telefon raqamingizni bizga yuboring.

Biz so‘rovingizni qayta ishlashni boshlash uchun shaxsingizni tasdiqlash maqsadida siz bilan bog‘lanamiz.

6 Biz bilan qanday aloqa qilinadi?

Axborot yuzasidan huquqlaringizdan qanday foydalanish haqida 5-bo‘limda ma’lumot olishingiz mumkin. Agar axborot subyekti sifatidagi huquqlaringiz yoki shaxsiy maʼlumotlaringizning biz tomonimizdan qayta ishlanishi borasida savollaringiz boʻlsa yoki axborot muhofazasi xodimimiz bilan bogʻlanishni xohlasangiz, bizga murojaat qiling.

Bizning shtab-kvartiramiz manzili: Aspiegel Limited, 1F, Simmonscourt House, Ballsbridge, Dublin 4, D04 W9H6, Ireland. Registratsiya raqami: 561134.

Agar shaxsiy ma’lumotlaringizning biz tomonimizdan qayta ishlanishida ushbu Bayonnoma shartlariga yoki amaldagi qonunlarga rioya qilinmayapti, deb hisoblasangiz, u holda ma’lumotlarni himoyalash organi yoki Irlandiyadagi Axborot muhofazasi komissiyasiga shikoyat bilan murojaat qilishingiz mumkin.

7 Mazkur Bayonnomani qanday yangilaymiz?

Biz ushbu Bayonnomani vaqti-vaqti bilan yangilashimiz mumkinligi sababli, ilova sozlamalarida uning eng oxirgi versiyasini muntazam ravishda tekshirib turishingizni tavsiya qilamiz. Mazkur Bayonnomaga muhim oʻzgartirishlar kiritilgan hollarda, sizni bildirishnoma muloqot oynalari, push-xabarlar, xatlar yoki oʻzgarishning xarakteriga qarab boshqa bir shaklda oldindan ogohlantiramiz.

Oxirgi yangilanish: 2019-yil, 3-iyul